Аккаунтту тууралаңыз

Текшерүү

Бул документ боюнча сурооңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Мисалы:

ИздөөПостановление

Кыргыз Республикасынын Өкмөтүнүн «Кыргыз Республикасында өрт коопсуздугунун эрежелерин бекитүү жөнүндө» токтому

Постановление2018-жылдын 22-августу, № 381Күчүн жоготкон

КР Министрлер Кабинетинин 2025-жылдын 13-майындагы № 251 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2018-жылдын 22-августу № 381 Кыргыз Республикасында өрт коопсуздугунун эрежелерин бекитүү жөнүндө

"Өрт коопсуздугу жөнүндө" Кыргыз Республикасынын Мыйзамынын 4-беренесине, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү ТОКТОМ КЫЛАТ:

1. Кыргыз Республикасында өрт коопсуздугунун эрежелери (мындан ары - Эрежелер) тиркемеге ылайык бекитилсин.

2. Өрт коопсуздугун көзөмөлдөө жана контролдоо чөйрөсүндөгү ыйгарым укуктуу мамлекеттик орган жана өрттүн алдын алуу, өчүрүү жана авариялык куткаруучу иштерди жүргүзүү чөйрөсүндөгү ыйгарым укуктуу мамлекеттик орган Кыргыз Республикасынын аймагында иштеген юридикалык жана жеке жактар тарабынан Эрежелердин талаптарын сактоону камсыз кылышсын.

3. Министрликтердин, мамлекеттик комитеттердин, административдик ведомстволордун, ишканалардын, уюмдардын, мекемелердин, жергиликтүү өз алдынча башкаруу органдарынын (макулдашуу боюнча), жергиликтүү мамлекеттик администрациялардын, башка мамлекеттик органдардын (макулдашуу боюнча) жетекчилери, Кыргыз Республикасынын Өкмөтүнүн облустардагы ыйгарым укуктуу өкүлдөрү ведомствого караштуу коргоо объекттеринде жана аймактарында Эрежелердин талаптарын сактоо боюнча зарыл болгон чараларды көрүшсүн.

4. Төмөнкүлөр күчүн жоготту деп таанылсын:

- Кыргыз Республикасынын Өкмөтүнүн 1995-жылдын 8-февралындагы № 33 "Кыргыз Республикасынын ишканалары, уюмдары, мекемелери жана турак жай фондулары үчүн өрт коопсуздугунун эрежелерин бекитүү жана аны колдонууга киргизүү жөнүндө" токтому;

- Кыргыз Республикасынын Өкмөтүнүн 2001-жылдын 13-сентябрындагы № 560 "Кыргыз Республикасынын ишканалары, уюмдары, мекемелери жана турак-жай фонду үчүн өрт коопсуздугунун эрежелерин бекитүү жана колдонууга киргизүү жөнүндө" Кыргыз Республикасынын Өкмөтүнүн 1995-жылдын 8-февралындагы № 33 токтомуна толуктоолорду киргизүү жөнүндө" токтому;

- Кыргыз Республикасынын Өкмөтүнүн 2006-жылдын 23-октябрындагы № 745 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтомунун 2-пункту.

5. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын коргоо, укуктук тартип жана өзгөчө кырдаалдар бөлүмүнө жүктөлсүн.

6. Ушул токтом расмий жарыяланган күндөн тартып он беш күн өткөндөн кийин күчүнө кирет.

"Эркин Тоо" газетасынын 2018-жылдын 4-сентябрындагы N 74 жарыяланды

Премьер-министри

М. Абылгазиев

ыкчам баскычтар:J / Kкийинки / мурунку берене[ / ]редакция артка / алдыгаTмазмунуCбайланыштар⌘K / Ctrl Kбуйруктар палитрасы/издөөгө фокус

Документ боюнча дагы суроолоруңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Документтин байланыштары

шилтеме берет: 6 · цитата келтиргендер: 13 · байланышкандар: 2

Цитата келтиргендер (13)

Шилтеме берет (6)

Байланышкан документтер (2)

Булактын (cbd.minjust.gov.kg) маалыматы боюнча, кайсы акт кайсыга шилтеме берери көрсөтүлбөйт.