10-берене. Судьялар кеңешин түзүү
Күчүндө · 04.06.2025 редакциясы · 3-глава
Акыркы өзгөртүү: Закон КР от 4 июня 2025 года № 110
1. Судьялар кеңеши судьялардын курултайларынын аралыгындагы мезгилде иштеген, соттук өз алдынча башкаруунун жогорку органынын саясатын жүргүзүүчү соттук өз алдынча башкаруунун шайланган органы болуп саналат.
Судьялар кеңеши судьялардын курултайына отчет берет.
2. Судьялар кеңеши судьялардын курултайы тарабынан курултайга катышкан судьялардын санынын көпчүлүк добушу менен шайланат.
3. Судьялар кеңеши бир жыныстагы адамдардын жетимиш пайыздан ашпаган региондук жана гендердик өкүлчүлүгүн эсепке алуу менен, судьялар коомдоштугунун мүчөлөрүнүн ичинен, үч жылдык мөөнөткө шайлануучу 20 мүчөдөн турган курамда түзүлөт.
4. Судьялар кеңешинин мүчөлүгүнө талапкерлер боюнча сунуштар Кыргыз Республикасынын Конституциялык сотунун (мындан ары - Конституциялык сот), Кыргыз Республикасынын Жогорку сотунун (мындан ары - Жогорку сот), областтык соттордун, Бишкек шаардык сотунун судьяларынын чогулуштары тарабынан судьялардын курултайынын кароосуна киргизилет.
Судьялар кеңешинин жаңы курамын түзүүдө судьялардын съезди Судьялар кеңешинин ишинде укук улантуучулукту камсыз кылуу зарылдыгын эске алат.
5. Судьялар кеңешине Конституциялык соттун төрагасы, Жогорку соттун төрагасы, ошондой эле алардын орун басарлары жана Сот адилеттиги иштери боюнча кеңештин мүчөлөрү кире алышпайт.
6. Жергиликтүү соттордун жетекчилери жана алардын орун басарлары Судьялар кеңешинин төрагасы жана анын орун басары боло алышпайт.
7. Судьялар кеңешинин мүчөсүнүн ыйгарым укуктары анын демилгеси боюнча, судьянын ыйгарым укуктары токтотулган же ал тартиптик жорук жасаган учурда мөөнөтүнөн мурда токтотулушу мүмкүн. Судьялар кеңешинин мүчөлөрүнүн ыйгарым укуктарын мөөнөтүнөн мурда токтотуу жөнүндө чечим тиешелүүлүгүнө жараша судьялардын курултайы тарабынан, ал эми судьялардын курултайларынын аралыгындагы мезгилде - Судьялар кеңеши тарабынан кабыл алынат.
8. Судьялар кеңешинин резерви судьялардын курултайы тарабынан 20 мүчөдөн кем эмес курамда шайланат. Судьялар кеңешинин мүчөсүнүн ыйгарым укуктары мөөнөтүнөн мурда токтотулганда, анын ордун гендердик жана региондук өкүлчүлүктү эске алуу менен кезектүүлүккө ылайык Судьялар кеңешинин резервинде турган судья ээлейт.
9. Судьялар кеңешинин ыйгарым укуктарынын мөөнөтү аяктаганда анын ыйгарым укуктары судьялардын кезектеги курултайы өткөрүлгөнгө чейин сакталат.
(КР 2025-жылдын 4-июнундагы № 110 Мыйзамынын редакциясына ылайык)
Берененин тексти 04.06.2025 редакциясы боюнча берилди. Юридикалык маанилүү аракеттер үчүн расмий жарыялоо менен салыштырыңыз.
10-берене боюнча дагы суроолоруңуз барбы?
ЖИден сураңыз - ал мыйзамдын тексти боюнча жооп берип, керектүү беренелерди көрсөтөт.
Айына ЖИнин 40 жообу - акысыз. Банк картасы керек эмес.
Берененин өзгөртүүлөрүнүн тарыхы
Берененин текстиндеги «редакциясына ылайык» белгилери боюнча чогултулду, жаңылары биринчи. Өзгөртүү киргизген актынын кабыл алынган күнү көрсөтүлгөн.
- Закон КР от 4 июня 2025 года № 110 "О внесении изменений в Закон Кыргызской Республики "Об органах судейского самоуправления"Редакцияларды салыштыруу
04.06.2025 редакциясында эмне өзгөрдү
Кошулган текст астын сызылган, алынып салынганы чийилген. Өзгөргөн жерлер гана көрсөтүлдү.
…коомдоштугунун мүчөлөрүнүн ичинен, үч жылдык мөөнөткө шайлануучу алынып салынды: 15 кошулду: 20 мүчөдөн турган курамда түзүлөт.
4. Судьялар кеңешинин мүчөлүгүнө … Кыргыз Республикасынын Жогорку сотунун (мындан ары - Жогорку сот), алынып салынды: областык кошулду: областтык соттордун, Бишкек шаардык сотунун судьяларынын чогулуштары тарабынан … токтотулушу мүмкүн. Судьялар кеңешинин мүчөлөрүнүн ыйгарым укуктарын алынып салынды: мөөнетүнөн кошулду: мөөнөтүнөн мурда токтотуу жөнүндө чечим тиешелүүлүгүнө жараша судьялардын … Судьялар кеңешинин резерви судьялардын курултайы тарабынан алынып салынды: 15 кошулду: 20 мүчөдөн кем эмес курамда шайланат. Судьялар кеңешинин мүчөсүнүн … судьялардын кезектеги курултайы өткөрүлгөнгө чейин сакталат.
кошулду: (КР 2025-жылдын 4-июнундагы № 110 Мыйзамынын редакциясына ылайык)
Беренени өз сайтыңызга кошуу
Виджет берененин күчүндөгү редакциясын көрсөтөт жана аны менен кошо жаңыланат. Бул кодду сайтыңыздагы барактын HTML кодуна коюңуз:
<iframe src="https://aqlex.ai/kg/embed/doc/112312/st-10" title="10-берене - Соттук өз алдынча башкаруу органдары жөнүндө (aqlex)" width="100%" height="480" style="border:1px solid #e3e5e8;border-radius:8px" loading="lazy"></iframe>