127-берене. Катуу режимдеги түзөтүү абактарында жаза өтөөнүн шарттары

1. Катуу режимдеги түзөтүү абактарында жазасын адаттагы шарттарда өтөп жаткан соттолгондор жатаканаларда жашайт жана төмөнкүлөргө укуктуу:

1) жеке эсептеринде болгон акча каражатынын кырк эсептик көрсөткүчтөн ашпаган суммасын ай сайын тамак-аш азыктарын жана күндөлүк керектелүүчү предметтерди сатып алууга чыгымдоого;

2) жыл ичинде он кыска мөөнөттүү жана алты узак мөөнөттүү жолугушуу алууга;

3) бир жылда он жолу телефондук сүйлөшүүгө;

4) (КР 2021-жылдын 10-мартындагы № 29 Мыйзамына ылайык күчүн жоготту)

2. Жазасын жеңилдетилген шарттарда өтөп жаткан соттолгондор жатаканаларда жашайт жана төмөнкүлөргө укуктуу:

1) жеке эсептеринде болгон акча каражатынын кырк беш эсептик көрсөткүчтөн ашпаган суммасын ай сайын тамак-аш азыктарын жана күндөлүк керектелүүчү буюмдарды сатып алууга чыгымдоого;

2) жыл ичинде он эки кыска мөөнөттүү жана жети узак мөөнөттүү жолугушуу алууга;

3) бир жылда он эки жолу телефондук сүйлөшүүгө;

4) (КР 2021-жылдын 10-мартындагы № 29 Мыйзамына ылайык күчүн жоготту)

3. Жазасын катуу шарттарда өтөп жаткан соттолгондор камераларда кармалышат жана төмөнкүлөргө укуктуу;

1) жеке эсептеринде болгон акча каражатынын отуз эсептик көрсөткүчтөн ашпаган суммасын ай сайын тамак-аш азыктарын жана күндөлүк керектелүүчү предметтерди сатып алууга чыгымдоого;

2) жыл ичинде сегиз кыска мөөнөттүү жана беш узак мөөнөттүү жолугушуу алууга;

3) бир жылда телефон аркылуу сегиз жолу сүйлөшүүгө;

4) (КР 2021-жылдын 10-мартындагы № 29 Мыйзамына ылайык күчүн жоготту)

5) күн сайын бир жарым саат таза абага сейилдөөгө чыгуудан пайдаланууга.

(КР 2021-жылдын 10-мартындагы № 29, 2021-жылдын 28-октябрындагы № 126 Мыйзамдарынын редакцияларына ылайык)