386-берене. Апартеид

Расалык, диний, улуттук, этностук, саясий же башка социалдык топту мындай топтун жана анын мүчөлөрүнүн үстүнөн үстөмдүк кылуусун орнотуу жана колдоо максатында кеңири масштабдагы же такай куугунтуктоонун алкагында жасалган жосундар, төмөнкүдөй жолдор менен жасалган:

1) анклавдарды жана геттолорду түзүү, андагы жашоо шарттары ал топторду жарым-жартылай жок кылууга эсептелген;

2) аларды мыйзамсыз депортациялоо же зомбулук менен орун котортуу;

3) аларды мыйзамсыз эркиндигинен ажыратуу;

4) аларды уурдоо;

5) аларды кулчулук эмгекте колдонуу;

6) аларды соода кылуу;

7) аларды мыйзамсыз кармоо, камакка алуу же камакта кармоо;

8) аларды катуу кыйноо;

9) аларды сойкулукка тартуу;

10) аларды Кыргыз Республикасынын Конституциясында кепилдик берилген негизги укуктарынан ажыратуу;

11) аларды өлтүрүү;

12) алардын ден соолугуна оор зыян келтирүү;

13) зордуктоо, аларга карата сексуалдык мүнөздөгү зомбулук аракеттерди кылуу, ошого тете аларды мажбурлап кош бойлуу кылуу, -

VI категориядагы эркиндигинен ажыратууга же болбосо өмүр бою эркиндигинен ажыратууга жазаланат.