Кара-Бүргөн айылдык кеңешинин «Кыргыз Республикасынын жергиликтүү өз алдынча башкаруунун Союзу менен кызматташууну күчөтүү жөнүндө» токтому

КАРА-БҮРГӨН АЙЫЛДЫК КЕҢЕШИ ТОКТОМ

Кара-Бүргөн айылдык кеңешинин кезектеги 33 сессиясы

2021-жылдын 11-майы № 33/1 Кыргыз Республикасынын жергиликтүү өз алдынча башкаруунун Союзу менен кызматташууну күчөтүү жөнүндө Кыргыз Республикасынын Президентинин 1996-жылдын 24-октябрындагы №309 Жарлыгына жана “Кыргыз Республикасынын “Жергиликтүү өз алдынча башкаруу жөнүндө” мыйзамынын 13-беренесине ылайык Кыргыз Республикасынын жергиликтүү өз алдынча башкарууларынын Союзунун мүчөсү болуп эсептелингендигинин негизинде Кара-Бүргөн айылдык кеӊеши ТОКТОМ кылат:

1. Кара-Бүргөн айылдык кеӊеши жана Кара-Бүргөн айыл аймагынын айыл өкмөтү Кыргыз Республикасынын мыйзамдарында, Кыргыз Республикасынын жергиликтүү өз алдынча башкарууларынын Союзунун Уставында белгиленген тартипте кызматташууну күчөтүү жана мындан ары өркүндөтүү боюнча иш-аракеттерди жүргүзсүн.

2. Кара-Бүргөн айыл өкмөтүнө Кыргыз Республикасынын жергиликтүү өз алдынча башкарууларынын Союзу менен тараптардын ар биринин милдеттерин камтыган келишимди иштеп чыгып, кол коюу жагы тапшырылсын.

3. Кара-Бүргөн айыл өкмөтүнө жогорудагы ченемдик укуктук актылардын негизинде Кыргыз Республикасынын жергиликтүү өз алдынча башкарууларынын Союзуна мүчө болгондуктан анын Уставынын3,7,пунктуна ылайык ар бир жылдын биринчи кварталында айыл аймактын калкынын санынын өсүшүнө жараша ар бир жашоочуга 1 сомдон кем эмес өлчөмдөгү мүчөлүк акыны жергиликтүү бюджеттин эсебинен Кыргыз Республикасынын жергиликтүү өз алдынча башкарууларынын Союзунун эсептик счетуна которуп берүүгө уруксат берилсин.

4. Токтомду расмий булактарга жарыялоо, Кыргыз Республикасынын ченемдик укуктук актыларынын мамлекеттик реестрине киргизүү жагы Кара-Бүргөн айыл аймагынын айыл өкмөтүнүн жооптуу катчысына милдеттендирилсин.

Айылдык кеңештин орун басары

Т. Жузупбеков