МСКнын «Кыргыз Республикасынын Министрлер Кабинетине караштуу Мамлекеттик салык кызматынын алдындагы “Салык Сервис” мамлекеттик мекемеси тарабынан көрсөтүлүүчү “Контролдук-кассалык машиналарды (программалык камсыздоо менен байланышкан иштер бөлүгүндө) эксплуатациялоого даярдоо, каттоо жана тейлөө боюнча техникалык тейлөө” мамлекеттик кызмат көрсөтүүнүн административдик регламентин бекитүү жөнүндө» буйругу

Кыргыз Республикасынын Министрлер Кабинетине караштуу Мамлекеттик салык кызматынын алдындагы “Салык Сервис” мамлекеттик мекемеси тарабынан көрсөтүлүүчү “Контролдук-кассалык машиналарды (программалык камсыздоо менен байланышкан иштер бөлүгүндө) эксплуатациялоого даярдоо, каттоо жана тейлөө боюнча техникалык тейлөө” мамлекеттик кызмат көрсөтүүнүн административдик регламентин бекитүү жөнүндө

Жарандарга жана юридикалык жактарга көрсөтүлүүчү мамлекеттик кызматтардын сапатын жана жеткиликтүүлүгүн жогорулатуу боюнча милдеттерди ишке ашыруу максатында, “Мамлекеттик жана муниципалдык кызмат көрсөтүүлөр жөнүндө” Кыргыз Республикасынын Мыйзамына, Кыргыз Республикасынын Министрлер Кабинетинин 2024-жылдын 12-июнундагы № 304 “Мамлекеттик органдардын жана алардын ведомстволук мекемелеринин мамлекеттик кызмат көрсөтүүлөрүнүн бирдиктүү реестрин бекитүү жөнүндө” токтомуна жана Кыргыз Республикасынын Өкмөтүнүн 2018-жылдын 16-январындагы № 26 “Мамлекеттик жана муниципалдык кызмат көрсөтүүлөрдүн административдик регламенттерин иштеп чыгуу жана оптималдаштыруу тартиби жөнүндө” токтомуна ылайык, ошондой эле Кыргыз Республикасынын Министрлер Кабинетинин 2025-жылдын 19-сентябрындагы № 592 токтому менен бекитилген Кыргыз Республикасынын Кыргыз Республикасынын Министрлер Кабинетине караштуу Мамлекеттик салык кызматы жөнүндө жобонун 16-пунктун жетекчиликке алып, буйрук кылам:

1. Кыргыз Республикасынын Министрлер Кабинетине караштуу Мамлекеттик салык кызматынын алдындагы “Салык Сервис” мамлекеттик мекемеси тарабынан көрсөтүлүүчү “Контролдук-кассалык машиналарды (программалык камсыздоо менен байланышкан иштер бөлүгүндө) эксплуатациялоого даярдоо, каттоо жана тейлөө боюнча техникалык тейлөө” мамлекеттик кызмат көрсөтүүнүн административдик регламенти тиркемеге ылайык бекитилсин.

2. Кыргыз Республикасынын Министрлер Кабинетине караштуу Мамлекеттик салык кызматынын алдындагы “Салык Сервис” мамлекеттик мекемеси:

1) мамлекеттик кызмат көрсөтүү боюнча ишти мамлекеттик кызмат көрсөтүүнүн бекитилген административдик регламентине ылайык уюштурсун;

2) мамлекеттик кызмат көрсөтүүлөрдүн сапатын андан ары жакшыртуу жана оптималдаштыруу боюнча чараларды көрсүн.

3. Иш кагаздар менен камсыздоо жана контролдоо бөлүмү

(А.Дж. Маматбекова) ушул буйрукту Кыргыз Республикасынын Министрлер Кабинетине караштуу Мамлекеттик салык кызматынын борбордук аппаратынын тиешелүү түзүмдүк бөлүктөрүнө жана аймактык башкармалыктарына жеткирсин.

4. Санариптик трансформациялоо башкармалыгы (А.О. Осмонов) ушул буйрукту Кыргыз Республикасынын Министрлер Кабинетине караштуу Мамлекеттик салык кызматынын расмий сайтына жайгаштырсын.

5. Ушул буйруктун аткарылышын контролдоо Кыргыз Республикасынын Министрлер Кабинетине караштуу Мамлекеттик салык кызматынын төрагасынын орун басары А.А. Алманбетовго жүктөлсүн.

Төрага А. Н. Шыкмаматов

Кыргыз Республикасынын Министрлер Кабинетине караштуу

Мамлекеттик салык кызматынын

2026-жылынын 15-майынын №П-216 буйругуна тиркеме

Кыргыз Республикасынын Министрлер Кабинетине караштуу Мамлекеттик салык кызматынын алдындагы “Салык Сервис” мамлекеттик мекемеси тарабынан көрсөтүүлүүчү “Контролдук-кассалык машиналарды (программалык камсыздоо менен байланышкан иштер бөлүгүндө) эксплуатациялоого даярдоо, каттоо жана тейлөө боюнча техникалык тейлөө” мамлекеттик кызмат көрсөтүүнүн административдик регламенти

(Кыргыз Республикасынын Министрлер Кабинетинин 2024-жылдын 12-июнундагы № 304 токтому менен бекитилген Мамлекеттик органдардын жана алардын ведомстволук мекемелеринин мамлекеттик кызмат көрсөтүүлөрүнүн бирдиктүү реестринин 10-главасынын 12-пункту)

1. Жалпы жоболор

1. “Контролдук-кассалык машиналарды (программалык камсыздоо менен байланышкан иштер бөлүгүндө) эксплуатациялоого даярдоо, каттоо жана тейлөө боюнча техникалык тейлөө” Кыргыз Республикасынын Министрлер Кабинетине караштуу Мамлекеттик салык кызматынын алдындагы “Салык Сервис” мамлекеттик мекемеси тарабынан көрсөтүлөт.

2. Бул кызматтын административдик регламенти Кыргыз Республикасынын Министрлер Кабинетине караштуу Мамлекеттик салык кызматынын 2026-жылдын 22-апрелиндеги № П-185 буйругу менен бекитилген тийиштүү кызмат көрсөтүү стандартынын талаптарына жооп берет.

3. Кызмат көрсөтүү стандарты тарабынан белгиленген негизги параметрлер:

1) кызмат көрсөтүүнүн жалпы убактысы: 1 ай;

2) кызматты алуу үчүн зарыл болгон документтердин тизмеси:

– үлгүгө ылайык кызмат көрсөтүү жөнүндө арыз;

– өздүгүн ырастаган документ (паспорт, өздүк күбөлүк);

– ишеним кат (юридикалык жактар үчүн);

– төлөм жөнүндө квитанция.

3) Кызмат көрсөтүүнүн баасы: акы төлөнүүчү;

4) Контролдук-кассалык машиналарды (программалык камсыздоо менен байланышкан иштер бөлүгүндө) эксплуатациялоого даярдоо, каттоо жана тейлөө боюнча техникалык тейлөө.

2. Кызмат көрсөтүү процессинде аткарылуучу

жол-жоболордун тизмеси

4. Кызмат көрсөтүүнү өндүрүү төмөнкү жол-жоболордун топтомун камтыйт:

1-таблица

3. Жол-жоболордун өз ара байланыш блок-схемасы

5. Кызматты өндүрүүдө аткарылуучу жол-жоболордун логикалык тартиби төмөнкү блок-схемада көрсөтүлгөн.

4. Жол-жоболордун сыпаттамасы жана алардын мүнөздөмөлөрү

2-таблица

5. Жол-жоболорду аткаруунун схемалары (алгоритмдери)

1-жол-жобо. Арызды кабыл алуу жана каттоо

| 1. Жол-жобонун башталышы |

| 4. Арыз кабыл алынды жана каттоого өткөрүлдү |

| 5. Арызды каттоо |

| 2. Арыздын мазмунун жана документтердин тизмесин текшерүү |

| 3. Арызды кабыл алуудан баш тартуу жөнүндө арыз ээсине кабарлама |

| 6. Жол-жобонун аякташы |

2-жол-жобо. Салык төлөөчүнү жана ККМди каттоо

жана келишимге кол коюу

| 1. Жол-жобонун башталышы |

| 2.Салык төлөөчүнү жана ККМди каттоо |

| 3. Келишимге кол коюу |

| 4. Жол-жобонун аякташы |

3-жол-жобо. Келишимди берүү жана программалык камсыздоону ККМге жүктөө

| 1. Жол-жобонун башталышы |

| 2. Программалык камсыздоону түзүлүшкө жүктөө |

| 3. Келишимди берүү |

| 4. Жол-жобонун аякташы |

6. Административдик регламенттин талаптарынын аткарылышын контролдоо

6. Административдик регламенттин талаптарынын аткарылышына ички (учурдагы) жана тышкы контроль жүргүзүлөт:

1) ички контроль ыйгарым укуктуу салык органы тарабынан жүргүзүлөт;

2) ички контроль администрациялык регламенттин жоболорунун, ошондой эле кызмат көрсөтүү процессинде кабыл алынган чечимдердин кызмат адамдары тарабынан сакталышын жана аткарылышын үзгүлтүксүз текшерүү жолу менен жүзөгө ашырылат;

3) текшерүүлөрдү жүргүзүүнүн мезгилдүүлүгү жарым жылда бир жолудан кем эмес, пландан тышкаркы текшерүүлөр кызмат көрсөтүүнү керектөөчүлөрдүн арызы боюнча жүргүзүлөт;

4) Текшерүүлөрдүн жыйынтыгы боюнча кызматтын административдик регламентинин талаптарын бузууларды четтетүү чаралары көрүлөт, ошондой эле Кыргыз Республикасынын мыйзамдарына ылайык күнөөлүү жактардын жоопкерчилиги жөнүндө маселе каралат.

7. Кызматтын административдик регламентинин талаптарынын аткарылышына тышкы контроль Мамлекеттик кызмат көрсөтүүлөрдүн бирдиктүү реестрин жүргүзүү боюнча ыйгарым укуктуу органдын чечими менен түзүлгөн комиссия тарабынан жүзөгө ашырылат:

1) комиссиянын ишинин жыйынтыгы маалымкат түрүндө таризделет, ага административдик регламентти өзгөртүү боюнча сунуштар киргизилиши мүмкүн;

2) маалымкат кол коюлган учурдан тартып 3 жумуш күндүн ичинде бул кызматты көрсөтүүчү мекемеге жөнөтүлөт.

Маалымкат келип түшкөн күндөн тартып бир айлык мөөнөттө табылган бузууларды жана кемчиликтерди четтетүү чаралары, бул бузууларга жол берген кызмат адамдарына жана кызматкерлерге карата тартиптик жана административдик таасир этүү чаралары көрүлүүгө тийиш.

Ошондой эле, зарыл болгон учурда белгиленген тартипте административдик регламентке өзгөртүүлөрдү киргизүү демилгеленет;

3) Административдик регламенттин талаптарынын аткарылышына тышкы контроль жылына бир жолудан кем эмес жүргүзүлөт.

7. Административдик регламенттин талаптарын бузгандыгы үчүн кызмат адамдарынын жоопкерчилиги

8. Административдик регламенттин талаптарын бузгандыгы үчүн Кыргыз Республикасынын Министрлер Кабинетине караштуу Мамлекеттик салык кызматынын жана анын алдындагы “Салык Сервис” мамлекеттик мекемесинин кызмат адамдары жана кызматкерлери Кыргыз Республикасынын укук бузуулар жөнүндө мыйзамдарына жана эмгек мыйзамдарына ылайык жоопкерчилик тартат.

9. Кызмат көрсөтүү же анын бир бөлүгү жеке жана/же юридикалык жактарга аткаруу үчүн аутсорсингге берилген учурда кызмат көрсөтүүнүн административдик регламентинин талаптарынын сакталышы үчүн жоопкерчилик бул кызмат көрсөтүү үчүн жооптуу мекемеде сакталат.

8. Корутунду жоболор

10. Административдик регламент кызмат көрсөтүү стандартын кайра карап чыгуу менен бирге жана зарылдыгына жараша кайра каралууга тийиш.

9. Административдик регламентти иштеп чыгуучулар

11. Кыргыз Республикасынын Министрлер Кабинетине караштуу Мамлекеттик салык кызматынын алдындагы “Салык Сервис” мамлекеттик мекемесинин юристи Ж.Б. Кыдыралиев.