МСКнын «Жеке ишкерлердин ишин токтотууда жана юридикалык жактарды, филиалдарды, өкүлчүлүктөрдү жоюуда салык милдеттенмелерин контролдоону камсыз кылуу боюнча салык органдарынын иш регламентин бекитүү жөнүндө» буйругу

Жеке ишкерлердин ишин токтотууда жана юридикалык жактарды, филиалдарды, өкүлчүлүктөрдү жоюуда салык милдеттенмелерин контролдоону камсыз кылуу боюнча салык органдарынын иш регламентин бекитүү жөнүндө

Юридикалык жактарды каттоо чөйрөсүндөгү ыйгарым укуктуу мамлекеттик органдын салык милдеттенмесинин тобокелдигинин бар же жок экендиги жөнүндө кабарламасына, ошондой эле жеке ишкер катары каттоону жокко чыгаруу жөнүндө арызына өз убагында чара көрүүнү камсыз кылуу максатында, буйрук кылам:

1. Жеке ишкерлердин ишин токтотууда жана юридикалык жактарды, филиалдарды, окүлчүлүктөрдү жоюуда салык милдеттенмелерин контролдоону камсыз кылуу боюнча салык органдарынын иш регламенти (мындан ары - Регламент) тиркемеге ылайык бекитилсин.

2. Кыргыз Республикасынын Финансы министрлигине караштуу Мамлекеттик салык кызматынын 2024-жылдын 18-апрелиндеги № 169 буйругу менен бекитилген Уюмду жоюуда же жеке ишкердин ишин токтотууда салык төлөөчүгө иликтөө жүргүзүүнүн убактылуу тартибине төмөнкүдөй өзгөртүүлөр киргизилсин:

- 6-пункттун экинчи абзацы төмөнкүдөй редакцияда баяндалсын: “Салык төлөөчүнү иликтөө:

2) жеке ишкерлерге карата - ишкердик ишин токтотуу жөнүндө салык органына арыз келип түшкөн күндөн тартып 15 (он беш) жумушчу күндөн ашпаган мөөнөттө;

3) юридикалык жактарга карата - Кыргыз Республикасынын Салык кодексинин 124-беренесинде белгиленген мөөнеттөрго жана тартипке ылайык”;

- 25-пункт төмөнкү редакцияда баяндалсын:

"Жеке ишкерге карата иликтөө актысынын бир нускасы иликтөөнүн жыйынтыгы боюнча салык органынын чечими менен бирге салык органына ишкердик ишин токтотуу жөнүндө арыз келип түшкөн күндөн тартып 15 (он беш) жумушчу күндөн кечиктирбестен салык төлөөчүгө тапшырылууга тийиш. Юридикалык жактарга карата кабарлама Кыргыз Республикасынын Салык кодексинин 124-беренесинде каралган тартипте жана мөөнөттө Юстиция министрлигине жиберилет".

3. Кыргыз Республикасынын Финансы министрлигине караштуу Мамлекеттик салык кызматынын 2025-жылдын 15-майындагы № 297 "Жеке ишкерлердин ишин токтотууда жана юридикалык жактарды, филиалдарды, өкүлчүлүктөрдү жоюуда салык милдеттенмелерин контролдоону камсыз кылуу боюнча салык органдарынын иш регламентин бекитүү жөнүндө" буйругу күчүн жоготту деп таанылсын.

4. Мамлекеттик салык кызматынын аймактык башкармалыктарынын начальниктери:

1) Регламентти кызматкерлерге жеткирсин жана анын жоболорунун сакталышын контролдошсун;

2) Регламентке ылайык жоюу жана ишти токтотуу мөөнөтторүн так сакташсын.

5. Салык төлөөчүлордү эсепке алуу башкармалыгы, чараларды талдоо жана координациялоо башкармалыгы жана салык тобокелдиктерин талдоо башкармалыгы ушул буйруктун аткарылышын контролдоону камсыз кылышсын.

6. Санариптик трансформациялоо башкармалыгы (А.Т.Оморов) ушул буйрук менен бекитилген Регламентти мамлекеттик жана расмий тилдерде Кыргыз Республикасынын Финансы министрлигине караштуу Мамлекеттик салык кызматынын расмий сайтына жайгаштырсын.

7. Иш кагаздар менен камсыздоо жана контролдоо бөлүмү (А.Дж.Маматбекова) ушул буйрукту Кыргыз Республиканын Финансы министрлигине караштуу Мамлекеттик салык кызматынын борбордук аппаратынын түзүмдүк бөлүктөрүнө жана аймактык башкармалыктарына жеткирсин.

8.Ушул буйруктун аткарылышын контролдоо Кыргыз Республикасынын Финансы министрлигине караштуу Мамлекеттик салык кызматынын төрагасынын орун басары А.А.Алманбетовго жүктөлсүн.

Төрага А.Н.Шыкматов