Камсыздандыруу төгүмдөрүн өз убагында эмес жана (же) толук төлөбөгөндүгү үчүн эсептелген финансылык санкцияларды жана туумдарды эсептен чыгаруунун тартиби жөнүндө Жобо (Кыргыз Республикасынын Өкмөтүнүн токтому менен бекитилген)

Тиркеме

Кыргыз Республикасынын Өкмөтүнүн 2015-жылдын 16-сентябрындагы № 645 токтому менен бекитилген

Камсыздандыруу төгүмдөрүн өз убагында эмес жана (же) толук төлөбөгөндүгү үчүн эсептелген финансылык санкцияларды жана туумдарды эсептен чыгаруунун тартиби жөнүндө ЖОБО

1. Жалпы жоболор

1. Ушул Жобо "Камсыздандыруу төгүмдөрүн өз убагында эмес жана (же) толук эмес төлөгөндүгү үчүн эсептелген финансылык санкцияларды жана туумдарды эсептен чыгаруу жөнүндө" Кыргыз Республикасынын Мыйзамына ылайык камсыздандыруу төгүмдөрүн өз убагында эмес жана (же) толук төлөбөгөндүгү үчүн эсептелген финансылык санкцияларды (мындан ары - финансылык санкциялар жана туумдар) эсептен чыгаруунун тартибин аныктайт.

2. Мамлекеттик социалдык камсыздандыруу боюнча камсыздандыруу төгүмдөрүн төлөөчүлөрдүн (мындан ары - төлөөчүлөр) финансылык санкцияларын жана туумдарын эсептен чыгаруу негизги карыздардын жоюлгандыгын ырастаган документтер берилгенде төлөөчүнүн катталган жери боюнча Кыргыз Республикасынын Социалдык фондунун (мындан ары - Социалдык фонд) региондук башкармалыктары тарабынан жүргүзүлөт.

3. Социалдык фондго болгон карызын жойбостон банкроттук процессинин жол-жобосун аяктаган камсыздандыруу төгүмдөрүн төлөөчүлөрдүн финансылык санкциялар жана туумдар боюнча өнбөс (өндүрүүгө мүмкүн болбогон) дебитордук карыздарын эсептен чыгаруу банкроттук процессинин жол-жобосун аяктаган юридикалык жактын катталган жери боюнча Социалдык фонддун региондук башкармалыктарында түзүлгөн комиссиялардын чечимдеринин негизинде Социалдык фонддун региондук башкармалыктары тарабынан жүзөгө ашырылат.

2. Финансылык санкцияларды жана туумдарды эсептен чыгаруу үчүн документтерди берүүнүн тартиби

4. Төлөөчүлөр катталган жери боюнча Социалдык фонддун региондук башкармалыгына ушул Жобонун 1-тиркемесине ылайык форма боюнча өтүнмө катты, ошондой эле камсыздандыруу төгүмдөрү боюнча негизги карыздардын төленүшүн ырастаган документтерди көрсөтүшөт.

5. Социалдык фонддун региондук башкармалыгы Кыргыз Республикасынын Өкмөтүнүн 2013-жылдын 22-майындагы № 278 токтому менен бекитилген Мамлекеттик социалдык камсыздандыруу боюнча камсыздандыруу төгүмдөрүн эсептөөнүн жана төлөөнүн тартиби жөнүндө нускаманын (мындан ары - Нускама) 11-тиркемесине ылайык форма боюнча финансылык санкциялардын жана туумдардын суммасынын эсебин, ошондой эле ушул Жобонун 2-тиркемесине ылайык форма боюнча салыштыруу актысын түзөт.

Мисалы: камсыздандыруу төгүмдөрүн өз убагында эмес жана (же) толук төлөбөгөндүгү үчүн 2009-жылдын 1-январынан тартып 2014-жылдын 31-декабрына чейин түзүлгөн карыздарга эсептелген 2015-жылдын 1-январына карата камсыздандыруу төгүмдөрү боюнча 30000,0 миң сом, ошондой эле финансылык санкциялар жана туумдар боюнча - 8900,0 миң сом карызы бар "А" төлөөчү:

- 2015-жылдын 1-сентябрына чейин 30000,0 миң сом суммасында камсыздандыруу төгүмдөрү боюнча негизги карызы толук жоюлганда финансылык санкциялар жана туумдар боюнча 8900,0 миң сом өлчөмүндө карызы эсептен чыгарууга жатат;

- 2015-жылдын 1-ноябрына чейин 30000,0 миң сом суммасында камсыздандыруу төгүмдөрү боюнча негизги карызы толук жоюлганда финансылык санкциялар жана туумдар боюнча 7120,0 миң сом өлчөмүндө карызы эсептен чыгарууга жатат;

- 2016-жылдын 1-январына чейин 30000,0 миң сом суммасында камсыздандыруу төгүмдөрү боюнча негизги карызы толук жоюлганда финансылык санкциялар жана туумдар боюнча 5340,0 миң сом өлчөмүндө карызы эсептен чыгарууга жатат;

- 2016-жылдын 1-мартына чейин 30000,0 миң сом суммасында камсыздандыруу төгүмдөрү боюнча негизги карыз толук жоюлганда финансылык санкциялар жана туумдар боюнча 3560,0 миң сом өлчөмүндө карызы эсептен чыгарууга жатат;

- 2016-жылдын 1-майына чейин 30000,0 миң сом суммасында камсыздандыруу төгүмдөрү боюнча негизги карызы толук жоюлганда финансылык санкциялар жана туумдар боюнча 1780,0 миң сом өлчөмүндө карызы эсептен чыгарууга жатат.

3. Финансылык санкцияларды жана туумдарды эсептен чыгаруу боюнча комиссиянын иш тартиби

6. Комиссия Социалдык фонддун региондук башкармалыгынын буйругу менен түзүлөт. Комиссиянын курамына региондук башкармалыктын адистери киргизилет, Социалдык фонддун региондук башкармалыгынын жетекчиси комиссиянын төрагасы болуп дайындалат.

7. Ушул Жобонун 5-пунктунда көрсөтүлгөн документтер Комиссия тарабынан төлөөчүнүн өтүнмө каты келген күндөн тартып 15 иш күндүн ичинде каралат.

8. Социалдык фондго карызын жойбостон банкроттук процессинин жол-жобосун аяктаган төлөөчүлөрдүн финансылык санкциялар жана туумдар боюнча өнбөс (өндүрүүгө мүмкүн эмес) дебитордук карыздарын эсептен чыгарууда Комиссия тарабынан төмөнкү документтер каралат:

1) банкроттук процессинин аякташы жөнүндө соттун чечими же банкроттук иштер боюнча ыйгарым укуктуу органдын юридикалык жактын банкроттук процессинин аяктагандыгы жөнүндө каты;

2) юридикалык жактын ишинин токтогондугун каттоо жөнүндө каттоочу мамлекеттик органдын буйругу;

3) Социалдык фонддун региондук башкармалыгы тарабынан түзүлгөн өнбөс (өндүрүүгө мүмкүн эмес) дебитордук, анын ичинде финансылык санкциялар жана туумдар боюнча карыздарды инвентаризациялоо актысы.

9. Мында Социалдык фондго карызын жойбостон банкроттук процессинин жол-жобосун аяктаган төлөөчүлөрдүн финансылык санкциялар жана туумдар боюнча өнбөс (өндүрүүгө мүмкүн эмес) карыздарын инвентаризациялоо актысы 2 нускада түзүлөт, биринчи нускасы Социалдык фонддун региондук башкармалыгында калат, экинчи нускасы Социалдык фондго жиберилет.

10. Комиссиянын чечими ушул Жобонун 3-тиркемесине ылайык форма боюнча протокол менен таризделет жана камсыздандыруу төгүмдөрү боюнча негизги карыздарды толугу менен төлөөдө төлөөчүлөрдүн финансылык санкцияларын жана туумдарын эсептен чыгаруу үчүн негиз болуп эсептелет.

11. Комиссиянын чечиминин протоколу 3 нускада түзүлөт, бир нускасы Социалдык фондго, экинчиси - төлөөчүгө жиберилет, үчүнчү нускасы Социалдык фонддун региондук башкармалыгында калат.

4. Корутунду жоболор

12. Социалдык фонддун региондук башкармалыктарынын жетекчилери финансылык санкцияларды жана туумдарды эсептен чыгаруунун мыйзам ченемдүүлүгү жана тууралыгы үчүн жоопкерчилик тартышат.

13. Финансылык санкцияларды жана туумдарды эсептен чыгаруу боюнча Социалдык фонддун региондук башкармалыгынын ишин координациялоо максатында Социалдык фондго жиберилген протоколдор ушул Жобонун 4-тиркемесине ылайык форма боюнча Социалдык фонддун региондук башкармалыгынын аудитин жүргүзүү планына киргизүү үчүн Төлөөчүлөрдүн тизмесине катталат.

Камсыздандыруу төгүмдөрүн өз убагында эмес жана (же) толук төлөбөгөндүгү үчүн эсептелген финансылык санкцияларды жана туумдарды эсептен чыгаруунун тартиби жөнүндө жобого 1-тиркеме

Форма

____________________________________ (Социалдык фонддун региондук ___________________________ башчысы башкармалыгынын аталышы) ____________________________________ (Ф.А.А.)

ӨТҮНМӨ КАТ ______________________________________________________________________________________________________ (ишкананын аталышы) ______________________________________________________________________________________________________ (каттоо номери, ОКПО коду) ______________________________________________________________________________________________________ (юридикалык дареги) ____________________________________________________________ суммасындагы камсыздандыруу төгүмдөрү боюнча негизги карызды _____________________________ толук көлөмдө жойгондугун кабарлайт. "Камсыздандыруу төгүмдөрүн өз убагында эмес жана (же) толук эмес төлөгөндүгү үчүн эсептелген финансылык санкцияларды жана туумдарды эсептен чыгаруу жөнүндө" Кыргыз Республикасынын Мыйзамына ылайык ______________________________________ (ишкананын аталышы) ______________________________ сом суммасында финансылык санкцияларды жана туумдарды төлөөдөн бошотуу жөнүндө маселени карап чыгууну өтүнөм.

Ишкананын жетекчиси

_________________________________________________

(аты-жөнү, колу)

Датасы ________________

Камсыздандыруу төгүмдөрүн өз убагында эмес жана (же) толук төлөбөгөндүгү үчүн эсептелген финансылык санкцияларды жана туумдарды эсептен чыгаруунун тартиби жөнүндө жобого 2-тиркеме

Форма САЛЫШТЫРУУ АКТЫСЫ

201__-ж. "__" ___________

_________________ шаары (айылы)

Биз төмөндө кол койгондор, бир тараптан __________________________________________________________________ ______________________________________________________________________________________________________ (ишкананын аталышы, төлөөчүнүн каттоо номери) Ишкананын директору: ________________________________________________________________________ (аты-жөнү) жана башкы бухгалтери _______________________________________________________________________ (аты-жөнү) Экинчи тараптан, _______________________________________________________________________________________ ______________________________________________________________________________________________________ (Социалдык фонддун региондук башкармалыгынын аталышы) Социалдык фонддун региондук башкармалыгынын начальниги: ______________________________________ (аты-жөнү) ______________________________________________________________________________________________________ жана башкы бухгалтери ________________________________________________________________________ (аты-жөнү) "Камсыздандыруу төгүмдөрүн өз убагында эмес жана (же) толук эмес төлөгөндүгү үчүн эсептелген финансылык санкцияларды жана туумдарды эсептен чыгаруу жөнүндө" Кыргыз Республикасынын Мыйзамына ылайык төмөнкүлөр жөнүндө ушул актыны түздүк:

2009-жыл

2010-жыл

2011-жыл

2012-жыл

2013-жыл

2014-жыл

Кам. төг. суммасы

Фин. санк. жана туумдардын суммасы

Кам. төг. суммасы

Фин. санк. жана туумдардын суммасы

Кам. төг. суммасы

Фин. санк. жана туумдардын суммасы

Кам. төг. суммасы

Фин. санк. жана туумдардын суммасы

Кам. төг. суммасы

Фин. санк. жана туумдардын суммасы

Кам. төг. суммасы

Фин. санк. жана туумдардын суммасы

Жыл башындагы карыздардын калдыгы (01.01)

Учурдагы мезгил үчүн эсептелгени

Эсептөө жолу менен чегерилген туумдардын суммасы

Өткөрүлүп берилген карыздар

Кабыл алынган карыздар

Учурдагы төлөмдөрдүн төлөнүшү

Өткөн жылдардагы карыздардын төлөнүшү

Эсептөө жолу менен чегерилген туумдардын төлөнүшү

Жыл аягындагы карыздардын калдыгы

Бардыгы: Кыргыз Республикасынын Социалдык фондунун пайдасына жалпысынан ______________ сом, анын ичинде камсыздандыруу төгүмдөрү _______________ сом. Бардыгы: төлөөчүнүн пайдасына жалпысынан ______________ сом, анын ичинде камсыздандыруу төгүмдөрү _____________ сом.

_____________________________________

_____________________________________

(Соцфонддун региондук башкармалыгынын жетекчисинин колу)

(ишкананын жетекчисинин колу)

_____________________________________

_____________________________________

(Соцфонддун региондук башкармалыгынын башкы бухгалтеринин колу)

(ишкананын башкы бухгалтеринин колу)

МО

МО

Камсыздандыруу төгүмдөрүн өз убагында эмес жана (же) толук төлөбөгөндүгү үчүн эсептелген финансылык санкцияларды жана туумдарды эсептен чыгаруунун тартиби жөнүндө жобого 3-тиркеме

Форма

Кыргыз Республикасынын Социалдык фонду

(КРнын Мамлекеттик герби)

Социальный фонд Кыргызской Республики

201__-ж. "__" ______________

Бишкек ш.

ПРОТОКОЛ № _____ Кыргыз Республикасынын Социалдык фондунун ________________________ региондук башкармалыгынын 201__-жылдын "__" _____________ № _____ буйругу менен түзүлгөн финансылык санкцияларды жана туумдарды эсептен чыгаруу боюнча комиссия төмөнкүдөй курамда: Комиссиянын төрагасы: ___________________________________________________________________________________ Комиссиянын мүчөлөрү: ___________________________________________________________________________________ ________________________________________________________________________________________________________ "Камсыздандыруу төгүмдөрүн өз убагында эмес жана (же) толук эмес төлөгөндүгү үчүн эсептелген финансылык санкцияларды жана туумдарды эсептен чыгаруу жөнүндө" Кыргыз Республикасынын Мыйзамына жана Кыргыз Республикасынын Өкмөтүнүн 20__-жылдын "__" __________ № ______ токтому менен бекитилген Камсыздандыруу төгүмдөрүн өз убагында эмес жана (же) толук төлөбөгөндүгү үчүн эсептелген финансылык санкцияларды жана туумдарды эсептен чыгаруунун тартиби жөнүндө жобого ылайык Комиссия берилген документтерди карап чыгып, төмөнкүдөй чечим кабыл алды:

1. ______________________________________________________________________________________________________

(ишкананын аталышы, каттоо номери) _____________________________________________________________________________________________ суммасында __________ % өлчөмүндө финансылык санкциялары жана туумдары эсептен чыгарылсын (эсептен чыгаруудан баш тартылсын).

2. ______________________________________________________________________________________________________

(Социалдык фонддун региондук башкармалыгынын аталышы) ____________ % өлчөмүндө _____________________________________________________________________ суммасында __________________________________________________ финансылык санкциялары жана туумдары эсептен чыгарылсын. (ишкананын аталышы)

Комиссиянын төрагасы:

Комиссиянын мүчөлөрү:

Камсыздандыруу төгүмдөрүн өз убагында эмес жана (же) толук төлөбөгөндүгү үчүн эсептелген финансылык санкцияларды жана туумдарды эсептен чыгаруунун тартиби жөнүндө жобого 4-тиркеме

"Камсыздандыруу төгүмдөрүн өз убагында эмес жана (же) толук эмес төлөгөндүгү үчүн эсептелген финансылык санкцияларды жана туумдарды эсептен чыгаруу жөнүндө" Кыргыз Республикасынын Мыйзамына ылайык финансылык санкциялары жана туумдары эсептен чыгарылган төлөөчүлөрдүн ТИЗМЕГИ ____________________________________________________________________________ (Социалдык фонддун региондук башкармалыгынын аталышы)

№

Төлөөчүнүн аталышы

01.01.2009-ж. 31.12.2014-ж. чейинки камсыздандыруу төгүмдөрү боюнча негизги карыздын суммасы

01.01.2009-ж. 31.12.2014-ж. чейинки финансылык санкциялардын жана туумдардын суммасы

01.01.2009-ж. 31.12.2014-ж. чейинки эсептөө жолу м-н чегерилген финансылык санкциялардын жана туумдардын суммасы

2015-2016-жылдарда эсептелген учурдагы төлөмдөрдүн суммасы

Жыл башынан бери жалпысынан төлөнгөн камсыздандыруу төгүмдөрү

2015-2016-жылдарга төлөнгөн учурдагы төлөмдөр

2015-2016-жылдарга камсыздандыруу төгүмдөрү боюнча төлөнбөгөн негизги карыздын калдыгы (3+6) - (7+8)

2015-2016-жылдарга төлөнгөн финансылык санкциялар жана туумдар

01.01.2009-ж. 31.12.2014-ж. чейинки эсептен чыгарыла турган финансылык санкциялардын жана туумдардын суммасы (4+5) - 10

Эсептен чыгаруунун пайызы (100%; 80%; 60%; 40%; 20%)

Эсептен чыгарылган финансылык санкциялар жана туумдар (сом менен)

1

2

3

4

5

6

7

8

9

10

11

12

13

1

Иштеп жаткан төлөөчүлөр

2

Банкроттук процессинин жол-жобосун аяктагандар: