КР Өкмөтүнүн «Кыргызжилкоммунсоюз» мамлекеттик ишканасынын республикалык адистештирилген комбинатынын кызматкерлерине эмгек акы төлөөнүн шарттары жөнүндө» токтому

КР Министрлер Кабинетинин 2022-жылдын 1-августундагы № 435 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ѲКМѲТY ТОКТОМ 2015-жылдын 6-апрели № 196 "Кыргызжилкоммунсоюз" мамлекеттик ишканасынын республикалык адистештирилген комбинатынын кызматкерлерине эмгек акы төлөөнүн шарттары жөнүндө (КР Өкмөтүнүн 2017-жылдын 30-декабрындагы № 849 токтомунун редакциясына ылайык) "Кыргызжилкоммунсоюз" мамлекеттик ишканасынын республикалык адистештирилген комбинатынын кызматкерлерине дем берүү, радиоактивдүү калдыктарды зыянсыздандыруу, радионуклиддердин зыяндуу таасиринен калктын жана айлана-чөйрөнүн экологиялык коопсуздугун камсыздоо менен байланышкан ишинин натыйжалуулугун жогорулатуу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү ТОКТОМ КЫЛАТ:

1. Бекитилсин:

- "Кыргызжилкоммунсоюз" мамлекеттик ишканасынын республикалык адистештирилген комбинатынын кызматкерлеринин кызматтык маяналарынын өлчөмдөрү 1-тиркемеге ылайык;

- "Кыргызжилкоммунсоюз" мамлекеттик ишканасынын республикалык адистештирилген комбинатынын кызматкерлеринин эмгек стажын белгилөө жөнүндө жобо 2-тиркемеге ылайык;

- "Кыргызжилкоммунсоюз" мамлекеттик ишканасынын республикалык адистештирилген комбинатынын кызматкерлерине иштеген жылдары үчүн кызматтык маяналарына пайыздык үстөк акылар 3-тиркемеге ылайык;

- саны 48 адамдан турган "Кыргызжилкоммунсоюз" мамлекеттик ишканасынын республикалык адистештирилген комбинатынын кызматкерлеринин чектик саны.

2. "Кыргызжилкоммунсоюз" мамлекеттик ишканасынын республикалык адистештирилген комбинатынын кызматкерлерине төмөнкүлөрдү төлөө белгиленсин:

- өзгөчө шарттарда иштеген адамдарга кызматтык маянадан 45 пайыз өлчөмүндө үстөк (Кыргыз Республикасынын Эмгек кодексинин 164 жана 224-беренелерине жана Кыргыз Республикасынын ченемдик укуктук актыларына ылайык);

- изотоптор менен түздөн-түз иштебеген, бирок "Кыргызжилкоммунсоюз" мамлекеттик ишканасынын республикалык адистештирилген комбинатынын аймагында иштеген жана радиоактивдүү 1 нурланууларга дуушар болгон кызматкерлерге кызматтык маянадан 30 пайыз өлчөмүндө үстөк акы;

- жыл ичинде кварталдык иштин жыйынтыгы боюнча атайын кийимдерди, өздүк коргонуу каражаттарын дезактивдештирүү, радиоактивдүү калдыктарды көмүү жана изотопторду ташып чыгаруу боюнча келишимдик милдеттенмелерди аткаргандыгы үчүн эмгек акынын төрт айлык фонду өлчөмүндө сый акы;

- эмгектик өргүүгө чыгаарда ден соолукту чыңдоо үчүн эмгек акынын эки айлык фонду өлчөмүндө жөлөкпул.

3. "Кыргызжилкоммунсоюз" мамлекеттик ишканасынын республикалык адистештирилген комбинатынын жетекчисине укук берилсин:

- эмгектин татаалдыгы, сапаты жана натыйжасы, чыгармачыл, кесипкөй демилге көтөргөндүгү үчүн кызматтык маянадан 50 пайызга чейинки өлчөмдө үстөк акыны белгилөө;

- (абзац КР Өкмөтүнүн 2017-жылдын 30-декабрындагы № 849 токтомуна ылайык күчүн жоготту)

(КР Өкмөтүнүн 2017-жылдын 30-декабрындагы № 849 токтомунун редакциясына ылайык)

4. Кыргыз Республикасынын Финансы министрлиги:

- ушул токтомдон келип чыккан чараларды көрсүн;

- "Кыргыз Республикасынын 2015-жылга республикалык бюджети жана 2016-2017-жылдарга болжолу жөнүндө" Кыргыз Республикасынын Мыйзамына өзгөртүүлөрдү жана толуктоолорду киргизүү жөнүндө мыйзамдын долбоорун белгиленген тартипте даярдасын жана киргизсин.

5. Кыргыз Республикасынын Өкмөтүнүн 2008-жылдын 3-декабрындагы № 667 "Кыргызжилкоммунсоюз" мамлекеттик ишканасынын республикалык адистештирилген комбинатынын кызматкерлерине эмгек акы төлөөнү тартипке келтирүү жөнүндө" токтому күчүн жоготту деп таанылсын.

6. Ушул токтом 2015-жылдын 1-майынан тартып күчүнө кирет.

7. Ушул токтом расмий жалпыга маалымдоо каражаттарына жарыялансын.

Премьер-министр

Дж.К.Оторбаев

1-тиркеме "Кыргызтуракжайкоммунсоюз" мамлекеттик ишканасынын республикалык адистештирилген комбинатынын кызматкерлеринин кызматтык маяналарынын ӨЛЧӨМДӨРҮ

№

Кызмат орундарынын аталышы

Кызматтык маяналар (сом)

1

Директор

12000

2

Башкы бухгалтер

8000

3

Экономист-финансист

7000

4

Радиоактивдүү калдыктарды көмүү пункту участогунун начальниги

8000

5

Механик

7000

6

Бухгалтер

6000

7

Кампа башчысы

5000

8

Инженер-программист

6000

9

Инженер-дозиметрист

7000

10

Дозиметрист

5000

11

Лаборант-радиометрист

4000

12

Бууга айландыруучу-электр от казандын оператору

4000

13

Кир кийимди кабыл алуучу-сорттоочу

4000

14

Кир жуугуч-дезактиватор

4000

15

Радиоактивдүү калдыктарды дезактивациялоочу

4000

16

Кийимдерди үтүктөөчү

3800

17

Электромонтер

4000

18

Слесарь-оңдоочу

4000

19

Газ электр ширетүүчү

4000

20

Изотопторду ташуу боюнча атайын автомашинанын айдоочусу

5300

21

Радиоактивдүү калдыктарды көмүү боюнча атайын автомашинанын айдоочусу

5800

22

Радиоактивдүү калдыктарды көмүү боюнча автокрандын машинисти

5800

23

Радиоактивдүү булганган кийимдерди ташуу боюнча автомобилдин айдоочусу

5300

24

Күзөтчүлөрдүн бригадири

3600

25

Көмүү жана атайын кир жуугуч пунктунун күзөтчүсү

3300

26

Көмөкчү жумушчу

3300

27

Өндүрүш жайларын тазалоочу

3300

3-тиркеме "Кыргызжилкоммунсоюз" мамлекеттик ишканасынын республикалык адистештирилген комбинатынын кызматкерлерине иштеген жылдары үчүн кызматтык маяналарына ПАЙЫЗДЫК ҮСТӨК АКЫЛАР

№

Иш стажы

Үстөк акылардын өлчөмү (пайыз менен)

1

1 жылдан 3 жылга чейин

5

2

3 жылдан 5 жылга чейин

10

3

5 жылдан 10 жылга чейин

15

4

10 жылдан 15 жылга чейин

20

5

15 жылдан 20 жылга чейин

25

6

20 жылдан 25 жылга чейин

30

7

25 жылдан жогору

40