КР Өкмөтүнүн «Кыргыз Республикасынын айрым мыйзам актыларына өзгөртүүлөрдү жана толуктоолорду киргизүү жөнүндө» Кыргыз Республикасынын Мыйзам долбоору тууралуу» токтому

КР Министрлер Кабинетинин 2022-жылдын 25-мартындагы № 166 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ ТОКТОМ

2011-жылдын 26-октябры №681 "Кыргыз Республикасынын айрым мыйзам актыларына өзгөртүүлөрдү жана толуктоолорду киргизүү жөнүндө" Кыргыз Республикасынын Мыйзам долбоору тууралуу Кыргыз Республикасынын Конституциясынын 79-беренесине ылайык, фискалдык саясаттык жакшыртуу жана өркүндөтүү максатында Кыргыз Республикасынын Өкмөтү ТОКТОМ КЫЛАТ:

1. "Кыргыз Республикасынын айрым мыйзам актыларына өзгөртүүлөрдү жана толуктоолорду киргизүү жөнүндө" Кыргыз Республикасынын Мыйзам долбоору жактырылсын.

2. Бул мыйзам долбоору Кыргыз Республикасынын Жогорку Кеңешинин кароосуна киргизилсин жана Кыргыз Республикасынын Конституциясынын 80-беренесинин 2-бөлүгүнө ылайык мыйзам долбоорун кечиктирилгис катары кезексиз тартипте кароо Кыргыз Республикасынын Жогорку Кеңешинен суралсын.

3. Кыргыз Республикасынын экономикалык жөнгө салуу министри жана Кыргыз Республикасынын Өкмөтүнө караштуу Мамлекеттик салык кызматынын төрагасы ушул мыйзам долбоору Кыргыз Республикасынын Жогорку Кеңешинде каралган учурда Кыргыз Республикасынын Өкмөтүнүн расмий өкүлдөрү болуп дайындалышсын.

Кыргыз Республикасынын Биринчи вице-премьер-министри, Премьер-министрдин милдетин аткаруучу

Ө.Бабанов

Долбоор

КЫРГЫЗ РЕСПУБЛИКАСЫНЫН МЫЙЗАМЫ Кыргыз Республикасынын айрым мыйзам актыларына өзгөртүүлөрдү жана толуктоолорду киргизүү тууралуу

1-берене.

Кыргыз Республикасынын Салык кодексине (Кыргыз Республикасынын Жогорку Кеңешинин Ведомосттору 2008-ж. № 8, 922-б.) төмөнкү өзгөртүүлөр жана толуктоолор киргизилсин:

1. 4-беренеде:

- 2-бөлүктүн 12-пункту күчүн жоготту деп табылсын.

- 13-пункт "салыктык укук мамилелерин жөнгө салуу" боюнча деген сөздөрдөн кийин ", салык жана бажы саясатын жүргүзүү" деген сөздөр менен толукталсын;

- төмөнкү мазмундагы 17, 18 жана 19-пункттар менен толукталсын:

"17) "Калк менен эсептешүү" - жеке ишкерлерден башка жеке адамдар менен жарандык-укуктук келишимдердин түрлөрү боюнча эсептешүүлөр.

18) "Пайыздык киреше" - ар кандай түрдөгү карыздык талаптардан, анын ичинде Кыргыз Республикасынын мыйзамдарына ылайык ишке ашырылуучу каражат тартуу жана каржылоо операцияларынан алынган кирешелерди кошо, облигациялар, векселдер жана карыз алуунун башка түрлөрү боюнча кирешелер, ошондой эле финансылык ижара (лизинг) келишими боюнча алынган кирешелер.

19) "Пайыздык чыгаша" - ар кандай түрдөгү карыздык милдеттенмелер боюнча, анын ичинде Кыргыз Республикасынын мыйзамдарына ылайык ишке ашырылуучу каражат тартуу жана каржылоо операциялары боюнча жүргүзүлгөн чыгашаларды кошо, облигациялар, векселдер жана милдеттенмелердин башка түрлөрү боюнча чыгашалар, ошондой эле финансылык ижара (лизинг) келишими боюнча жүргүзүлгөн чыгашалар.

2. 18-беренеде:

- 4-бөлүк күчүн жоготту деп табылсын;

- 5-бөлүк төмөнкү редакцияда берилсин:

"5. Ушул берененин 2-бөлүгүнө ылайык чыгарылган документтер Кыргыз Республикасынын Өкмөтү тарабынан аныкталган басма жана электрондук басылмаларда документтердин тексттерин жазуу жолу менен, ошондой эле ыйгарым укуктуу мамлекеттик органдын жана/же ыйгарым укуктуу салык органынын маалыматтык ачык веб-сайтында жалпыга жеткирилет.".

3. 50-берененин 1-бөлүгүндө:

- 9-пункт күчүн жоготту деп табылсын;

- 10-пункт төмөнкү редакцияда баяндалсын:

"10) Кыргыз Республикасынын мыйзамдарында каралган негиздер боюнча салык төлөөчүнү жоюу жөнүндө, анын ичинде мажбурлоо менен, сотко доо арызын берүүгө;" 68-берененин 3-пункт күчүн жоготту деп табылсын.

5. 81-берененин 6-бөлүгүндөгү "салыктын кийинки төлөнө турган суммасынын" деген сөздөр "кийинки мезгилдеги салыктык милдеттенмелерин аткаруунун" деген сөздөр менен алмаштырылсын.

6. 87-берененин 4-бөлүгүнүн 1-пунктундагы "квартал сайын төлөнүүчү" деген сөздөр алып салынсын.

7. 102-берене төмөнкү мазмундагы 12-бөлүк менен толукталсын:

"12. Салык органы ушул Кодекске ылайык 15 күндүн ичинде пландан тышкары текшерүү жүргүзүү жөнүндө чечим кабыл алууга жана пландан тышкары текшерүү жүргүзүү үчүн негиздемелерди салык органы алган күндөн кийинки келүүчү 30 календардык күндөн кеч эмес пландан тышкары текшерүүгө киришүүгө милдеттүү.".

8. 114-берененин 3-бөлүгүндөгү "башка иш-аракеттер" деген сөздөр алып салсын.

9. 144-берене күчүн жоготту деп табылсын.

10. 153-беренеде:

- 16-пункт күчүн жоготту деп табылсын;

- 18-пункт төмөнкү редакциядагы төртүнчү абзац менен толукталсын:

"Финансылык ижара (лизинг) келишими боюнча алынган сый акылар роялтиге кирбейт.";

- төмөнкү мазмундагы 32, 33 жана 34-пункттар менен толукталсын:

"33) "Өнбөй турган карыз" - салык төлөөчүгө кошуп эсептелген, аны салык төлөөчү соттун чечими боюнча милдеттенмени токтотуунун, кудуретсиздиктин, карызды жоюп жиберүүнүн же карызкордун өлүмүнүн натыйжасында, же Кыргыз Республикасынын жарандык мыйзамдарында каралган эскирген доонун мөөнөтү бүткөндө толук ала албаган абалдагы сумма.

34) "Шектүү милдеттенмелер" - соттун чечими боюнча милдеттенмени токтотуунун, кудуретсиздиктин, карызды жоюп жиберүүнүн же карызкордун өлүмүнүн натыйжасында, же Кыргыз Республикасынын жарандык мыйзамдарында каралган эскирген доонун мөөнөтү бүткөндө салык төлөөчү төлөбөгөн салык төлөөчүгө кошуп эсептелүүчү сумма.

35) "Лизингдик компания" - финансылык ижара (лизинг) келишими боюнча алынган, негизги каражаттарды сатуудан түшкөн акчанын 90 пайыздан кем эмесин түзгөн ата мекендик уюм, чет өлкөлүк уюмдун филиалы жана/же өкүлчүлүгү.".

11. 163-берененин 2- жана 3-бөлүктөрү төмөнкү редакцияда берилсин:

"2. Кыргыз Республикасынын Эмгек кодекси менен жөнгө салынуучу мамилелер пайда болгон учурда бир айдагы киреше боюнча салык салына турган киреше ушул беренеге ылайык белгиленген кирешенин минималдуу эсептик көрсөткүчүнөн кем болбойт.

3. Бир айдагы минималдуу эсептик киреше кийинки календардык жылга Кыргыз Республикасынын райондору жана шаарлары боюнча Кыргыз Республикасынын Өкмөтү белгилей турган тартипте мамлекеттик статистикалык органдын маалыматтарынын негизинде өткөн жылдагы кызматкерлердин орточо эмгек акысынын 40 пайыз өлчөмүндө аныкталат.

Минималдуу эсептик кирешенин көлөмү Кыргыз Республикасынын Жогорку Кеңешинин профилдүү комитети менен макулдашуу боюнча Кыргыз Республикасынын Өкмөтү тарабынан аныкталат. Минималдуу эсептик кирешенин көлөмү учурдагы жылдын 1-ноябрына чейинки мөөнөттө расмий жарыяланууга тийиш. Эгер минималдуу эсептик кирешенин өлчөмү кийинки календардык жылга ушул кодексте каралган тартипте белгиленбесе, өткөн жылдагы минималдуу эсептик кирешенин өлчөмү колдонулат.".

12. 167-берене төмөнкү редакцияда берилсин:

"167-берене. Кирешелер боюнча салык алынбаган кирешелер

Кирешелер боюнча салык алынбаган кирешелер деп, төмөнкүлөр саналат:

1) Кыргыз Республикасынын мыйзамдарына ылайык белгиленген жөлөкпулдар;

2) Кыргыз Республикасынын Президентинин фондунан, Кыргыз Республикасынын Жогорку Кеңешинин Төрагасынын фондунан жана Кыргыз Республикасынын Өкмөтүнүн резервдик фондунан төлөөлөр;

3) мамлекеттик социалдык камсыздандыруу боюнча жөлөкпулдар жана компенсациялар;

4) Кыргыз Республикасынын мыйзамдарына ылайык төлөнүүчү пенсиялар;

5) бюджет каражаттарынын эсебинен төлөнүүчү жөлөкпулдар жана компенсациялар;

6) Кыргыз Республикасынын билим берүү мекемелеринин окуучуларына жана студенттерине Кыргыз Республикасынын мыйзамдарында белгиленген өлчөмдөрдө төлөнүүчү стипендиялар;

7) ал жеткис күч жагдайлар менен байланышкан кайтарымсыз алынган суммалар;

8) аскер кызматчыларынын, улуттук коопсуздук органдарынын, укук коргоо органдарынын кызматчыларынын, мамлекеттик кызматчылардын алар кызматтык милдеттерин аткарууда өлүмү жана/же денеси жаракат алуу менен байланышкан компенсациялык төлөмдөрдүн жана жөлөкпулдардын мамлекеттик бюджеттин каражаттарынан алынган суммасы;

9) курман болгон жумушчунун жакын туугандары же жумушчунун жакын тууганы өлгөндүгүнө байланыштуу жумуш берүүчүдөн кайтарымсыз алган суммалар;

10) саламаттыгына келтирилген зыяндын ордун толтуруучу сумма, ошондой эле Кыргыз Республикасынын мыйзамдарына ылайык жумушчунун эмгектик милдеттенмелерин аткарууда майып болгон, курман болгон учурда төлөнүүчү сумма;

11) атайын кийимдердин, атайын бут кийимдердин, жеке коргонуу каражаттарынын, самын, жугушсуздандыруучу каражаттардын наркы; Кыргыз Республикасынын мыйзамдарында белгиленген ченемдер боюнча мындай зыяндуу же кооптуу эмгек шарттары менен жумуштарда алектенген жумушчуларга берилүүчү сүттүн жана дарылоо-алдын алуу тамактануусунун наркы;

12) Кыргыз Республикасынын мыйзамдарына ылайык жумушчуларды милдеттүү медициналык текшерүүнүн жана дарылоо-алдын алуу тейлөөнүн наркы;

13) жумушчуга иш сапарынын чыгымдарын, ошондой эле өз милдеттерин аткарган учурда уюмдун башкаруу органдарынын мүчөлөрү тарткан чыгымдарын компенсациялоонун суммалары:

а) берилген документтерге ылайык - багытталган жерине чейин баруу жана кайра кайтуу боюнча;

б) берилген документтерге ылайык - турак жайды жалдоо боюнча;

в) суточный - Кыргыз Республикасынын Өкмөтү белгилеген ченемдин чегинде.

Ушул пункттун "а" жана "б" пунктчаларында көрсөтүлгөн документтер болбогон учурда иш сапары боюнча чыгымдардын ордун толтуруунун суммасы Кыргыз Республикасынын Өкмөтү тарабынан белгиленген ченемдин чегинде салык салынуудан бошотулууга тийиш;

14) өз кызматкерлерин милдеттүү камсыздандыруу боюнча жумуш берүүчү тарабынан төлөнүүчү камсыздандыруунун сыйакыларынын суммасы, ошондой эле Кыргыз Республикасынын мыйзамдарында белгиленген тартипте ишке ашырылуучу ушундай келишимдер боюнча төлөмдөр;

15) ушул Кодекстин 195-беренесинде каралган жумушчуну даярдоо жана кайра даярдоого багытталган жумуш берүүчүнүн чыгымдары;

16) Граждандык, Улуу Ата мекендик согуштардын майыптарынын жана катышуучуларынын, мамлекеттер аралык макулдашуулар боюнча Ооганстан жана башка мамлекеттердеги согуштарга катышкандардын, Улуу Ата мекендик согуштун жылдарында тылдагы жан аябаган эмгеги жана кынтыксыз аскердик кызматы үчүн СССРдин орден жана медалдары менен сыйланган адамдардын, Баткен окуяларынын катышуучулары, Чернобыль АЭСиндеги кыйроону жоюуга катышкан адамдардын, Граждандык, Улуу Ата мекендик согуштарда курман болгондордун жесирлеринин, эгер ушул берене менен башкача каралбаса, ишкердик иш-аракеттерден алынган кирешелеринен башка кирешелери;

17) жеке ишкердикти кошпогондо жеке жактардын айыл чарба продукцияларын сатуудан алган кирешелери;

18) жумуш берүүчү тарабынан жумушчунун 14 жашка чейинки балдары (багуусундагылар) үчүн берилүүчү 10 эсептик көрсөткүчтөн көп эмес өлчөмдө, жаңы жылдык белектер түрүндөгү кирешелер;

19) бюджеттин каражаттарынын эсебинен Олимпиадалык оюндардын чемпиондоруна жана сыйлык ээлерине төлөнүүчү стипендиялар;

20) ишке орноштуруу кызматынын органдары уюштурган акы төлөнүүчү коомдук жумуштарда алектенген жарандардын эмгегине төлөнгөн акылар;

21) майыптарга, жетим балдарга жана көп балалуу энелерге же аталарга профсоюздук органдар тарабынан жүргүзүлгөн төлөмдөр түрүндөгү киреше;

22) Кыргыз Республикасынын Банктарындагы салымдары боюнча пенсионерлер, Граждандык, Улуу Ата мекендик согуштардын майыптары жана катышуучулары, мамлекеттер аралык макулдашуулар боюнча Ооганстан жана башка мамлекеттердеги согуштарга катышкандар аскер кызматчылары, Улуу Ата мекендик согуштун жылдарында тылдагы жан аябаган эмгеги жана кынтыксыз аскердик кызматы үчүн СССРдин орден жана медалдары менен сыйланган адамдар, Баткен окуяларынын катышуучулары, Чернобыль АЭСиндеги кыйроону жоюуга катышкан адамдар, I жана II топтогу майыптар алуучу пайыздар;

23) ата мекендик уюмдарга катышуудан алынган Кыргыз Республикасынын жеке жактары - резиденттери тарабынан алынган дивиденддер;

24) үчүнчү тараптан алынган киреше:

а) майыптардын техникалык каражаттары үчүн төлөм катары майыптар алган;

б) майыптыктын алдын алуу жана аны реабилитациялоо үчүн, майыптар үчүн узатуучу-иттерди багууга кеткен сумманын өлчөмүндө майыптар алган;

в) жөлөкпул түрүндө жашы жете элек балдардын саны 4 жана андан көп болгон майыптар, пенсионерлер, жетим-балдар, көп балалуу үй-бүлөлөр алган;

г) акысыз тамак-аш түрүндө социалдык жактан корголбогон жактар алган;

25) кан тапшыргандыгы үчүн, Кыргыз Республикасынын мыйзамдарында каралган донорлуктун башка түрлөрүнөн алынган суммалар;

26) Кыргыз Республикасынын мыйзамдарына ылайык алынган алименттер;

27) ажырашуунун кесепетинен болуп өткөн жубайлардын же мурунку жубайлардын ортосундагы менчиктерди берүүдөн алынган ар кандай киреше;

28) ишкердик иш-аракетти жүзөгө ашыруудан алынган мүлктү, жумушту, кызматты кошпогондо, мурас же белек берүү тартибинде жакын туугандардан жеке адам алган мүлктүн, жумуштун, кызматтык наркы;

29) гуманитардык жардам катары жеке жак тарабынан алынган мүлктүн наркы;

30) наркы 10 эсептик көрсөткүчтөн ашпаган утуш түрүндө алынган кирешенин ар кандай түрү;

31) салык төлөөчү тарабынан жеке максаттары үчүн колдонулган жана ишкердик иш-аракетти жүзөгө ашыруу максатында эмес сатылып алынган кыймылдуу жана/же кыймылсыз мүлктү сатуудан алынган, төмөнкү учурлардан башка учурлардагы киреше:

а) сатып алган күндөн тартып жеке менчик укугунда бир жылдан кем эмес таандык болгон автомототранспорттук каражаттарды сатуудан алынган киреше;

б) кыймылсыз мүлккө укуктарды мамлекеттик каттоонун бирдиктүү системасынын органдарынын маалыматтарына ылайык турак жай фондуна тиешелүү болгон жана ушул кыймылсыз мүлктү сатып алган күндөн тартып биринин артынан бири катар келген 2 жылдан кем эмес жеке менчик укугуна тийиштүү болгон кыймылсыз мүлктү сатуудан алынган киреше;

32) катышуучунун кошкон үлүшүнүн же пайынын өлчөмүндө же үлүштөгү баалуу кагаздардан кайтарып берген сумма;

33) ишкердик иш-аракеттерди жүзөгө ашыруу менен байланышпаган, ушул Кодекстин 165-беренесинин 1-бөлүгүнүн 18-пунктунда көрсөтүлгөн учурлардан башка учурларда кайтарылып берилүүчү камсыздандыруу сый акылар жана төлөп кайра алуучу суммалар, ошондой эле камсыздандыруу суммалары жана жеке жак менен түзүлгөн камсыздандыруу келишими боюнча камсыздандыруу учуру келгенде ордун толтуруу;

34) Кыргыз Республикасынын банктарына салымдар боюнча пайыздар;

35) пайыздык киреше жана листингдин эң жогорку категориясынан кийинки эң жогорку фондулук биржалардын листингин сатыла турган күндө болгон баалуу кагаздардын наркынын өсүшүнөн алынган киреше;

36) мамлекет, коммерциялык эмес уюмдар тарабынан социалдык реабилитациялоо же адаптациялоого, медициналык жардамга муктаж болгон, жашоо деңгээлинен төмөн кирешеси бар төмөндөгү адамдарга акысыз берилүүчү активдер:

а) качкындар;

б) катуу оорулуулар.

37) Кыргыз Республикасынын мыйзамдарына ылайык бийик тоолуу жана жетүүгө кыйын алыскы зоналар шартында иштегендиги үчүн белгиленген үстөктөрдүн жана райондук коэффициенттердин өлчөмү.".

13. 175-берененин 1-бөлүгүндөгү экинчи сүйлөм төмөнкүдөй редакцияда баяндалсын:

"Кирешелер боюнча салыктын акыркы суммасы, эсептелген салыктын суммасы менен салык агенти кармап калган салыктын суммасынын ортосундагы айырма катары аныкталат.".

14. 183-берене төмөнкү редакциядагы 15-пункт менен толукталсын:

"15) "Чакан жана орто бизнестин субъекти" - бул КНСти жана сатуудан салыкты эске албаганда, товарларды, жумушту, кызмат көрсөтүүнү сатуудан түшкөн акчасы календардык жыл үчүн 30000000 сомдон ашпаган кирешеге салыктан салык төлөөчү.".

15. 188-берененин 1-бөлүгүндө:

- 12-пункт төмөнкү мазмундагы д) пунктчасы менен толукталсын:

"д) анын алгачкы наркын алып салуу менен катышуу үлүшү;";

- 16-пункттун б) жана в) пунктчалары күчүн жоготту деп табылсын;

19-пункт төмөнкү редакцияда берилсин: "19) шектүү милдеттенмелердин суммасы;".

16. 189-беренеде:

- 1-пункттагы "ошондой эле уюмдагы катыш үлүшүн сатуудан кирешени" деген сөздөр алынып салсын;

- 9-пункттагы "пайыздар жана кирешелер" деген сөздөр "пайыздык кирешелер" деген сөздөр менен алмашылсын;

- төмөнкү мазмундагы 10-пункт менен толукталсын:

"10) негизги каражаттарды сатуудан финансылык ижаранын (лизингдин) келишими боюнча алынган киреше.".

17. 193-берененин 1-бөлүгүндөгү "оң курстук айырманын суммасынан" деген сөздөрдөн кийин "жана өнбөй турган карыздын суммасынан" деген сөздөр менен толукталсын.

18. 196-берене төмөнкү редакцияда берилсин:

"196-берене. Пайыздык чыгымдарды чыгарып салуу

1. Чегерилген же төлөнгөн пайыздык чыгымдар ушул Кодекске ылайык салык төлөөчү колдонгон салыктык эсепке алуунун ыкмаларына жараша ушул беренеде каралган чектөөлөрдү эске алуу менен, эгер карыздын суммасы экономикалык иш-аракеттерди жүзөгө ашыруу үчүн колдонулбаса чыгарылып салууга тийиш.

2. Амортизациялануучу негизги каражаттарды сатып алууга жана түзүүгө байланыштуу же аларды пайдаланууга киргизгенге чейин алардын наркын өзгөртүүгө таасир берүүчү чыгымдар менен байланышкан ушул Кодекске ылайык салык төлөөчү колдонгон салыктык эсепке алуунун ыкмаларына жараша чегерилген же төлөнгөн пайыздык чыгымдар жылдык жалпы кирешеден чыгарып салууга жатпайт, тескерисинче алардын наркын көбөйтөт.".

19. 197-берененин 5-бөлүгү төмөнкү редакцияда берилсин:

"5. Ушул берененин 3-бөлүгүндө каралган, 5 жыл ичинде багытталышы боюнча пайдаланылбаган, атайын фонддун каражаттарынын суммасы бюджетке төлөнөт.".

20. 198-беренеде:

- 1-бөлүктөгү "даярдоого, монтаждоого, орнотууга кеткен иш жүзүндөгү чыгымдар, карыз милдеттенмелери боюнча пайыздар" деген сөздөр "анын ичинде пайыздык чыгымдары, ошондой эле даярдоого, монтаждоого, орнотууга кеткен иш жүзүндөгү чыгымдар" деген сөздөр менен алмаштырылсын;

- 5-бөлүктүн биринчи абзацындагы "кредиттер жана зайымдар боюнча пайыздар" деген сөздөр "анын ичинде пайыздык чыгымдар" деген сөздөр менен алмаштырылсын;

21. 200-беренеде:

- 2-бөлүктөгү "суммасы" деген сөздөрдөн кийин "эгерде ушул бөлүм менен башкача каралбаса " деген сөздөр менен толукталсын";

- 4-бөлүктөгү "салык төлөөчү - лизинг алуучу" деген сөздөр ", эгерде ушул бөлүм менен башкача каралбаса" деген сөздөр менен алмаштырылсын.

22. 201-берененин 2-бөлүгүндө:

- 3-пункттагы "жоголгондо," деген сөз ", бузулганда" деген сөз менен толукталсын;

- 8-пункт күчүн жоготту деп табылсын.

23. 203-берененин 3-бөлүгү төмөнкү редакцияда берилсин:

"3. Ушул берененин 2-бөлүгү менен белгиленген чектөөдөн ашып кеткен сумма топтун наркына кошумчаланган негизги каражаттардын наркы катары каралат жана отчеттук жылдын аягында топтун салыктык наркын көбөйтөт.".

24. 209-берененин 1-бөлүгүнүн 3-пункту төмөнкү редакцияда берилсин:

"3) Кыргыз Республикасынын бюджетине төлөнүүгө тийиш болгон төмөндөгү салыктар:

а) пайдага салыкты;

б) ушул Кодекске ылайык эсептелбей турган КНСтен башка КНСти;

в) берүүчүлөргө товарларды, жумушту жана кызмат көрсөтүүлөрдү сатып алууда төлөнүүчү сатуудан салыктан башка сатуудан салыкты;

г) ушул Кодекстин беренелерине ылайык эсептелбей турган эсептен чыгарууга тийиш болбогон акциздик салыктан башка акциздик салыкты;".

25. 212-беренеде:

1-бөлүктүн 2-пункту төмөнкү редакцияда берилсин: "2) I жана II топтогу майыптардын коомдорунун, Кыргыз азиздер жана дүлөйлөр коомунун уюмдарынын, жеке ишкерлердин, андагы иштегендердин жалпы санынын 50 пайызынан кем эмес майыптар, азиздер жана дүлөйлөр түзгөн жана алардын эмгек акылары жалпы эмгек акы фондунун 50 пайызынан кем эмесин түзгөн учурда. Көрсөтүлгөн уюмдардын тизмеси Кыргыз Республикасынын Өкмөтү тарабынан аныкталат"; 1-бөлүк төмөнкү мазмундагы 9-пункт менен толукталсын: "9) лизингдик компаниялар.".

26. 213-берене төмөнкү мазмундагы 2-бөлүк менен толукталсын:

"Лизингдик компаниялардын пайда салыгынын ставкасы 5 пайыз өлчөмүндө белгиленет.".

27. 217-берене төмөнкү редакцияда берилсин:

"217-берене. Пайдага салыктын алдын ала суммасын төлөө

1. Салык төлөөчү квартал сайын салыктык отчеттор берүүгө жана бюджетке салыктык мезгилдин отчеттук кварталынын экинчи 20-күнүнөн кийинки күндөн кеч эмес пайдага салыктын алдын ала суммасын киргизүүгө милдеттүү.

2. Отчеттук квартал үчүн пайдага салыктын алдын ала суммасы отчеттук кварталдан мурунку квартал үчүн КНСти жана сатуудан салыкты эсепке албастан салык төлөөчүнүн түшкөн акчасынын суммасынан 1 пайыз өлчөмүндө аныкталат.

3. Салыктын алдын ала суммасын төлөбөй койгон же өз убагында төлөбөгөн салык төлөөчүгө карата салыкты төлөбөй койгондугу же өз убагында төлөбөгөндүгү үчүн ушул Кодексте белгиленген пеня (туум) колдонулат.".

28. 221-берененин 2-бөлүгүндөгү "ошондой эле финансылык ижаранын (лизингдин) келишимдери боюнча лизинг берүүчү-резиденттер алынган пайыздарга карата" деген сөздөргө алмаштырылсын.

29. 223-беренеде:

- 1-бөлүктөгү "кирешелер" деген сөз "эгерде, ушул берене менен башкача каралбаса" деген сөздөргө алмаштырылсын;

- 1-бөлүктүн 1-пунктундагы "пайыздар" жана пайыздардан" деген сөздөр "пайыздык кирешелер" пайыздардан кирешелер" деген сөздөргө алмаштырылсын;

- 1-бөлүктүн 4-пункту төмөнкү редакцияда берилсин:

"4) жумуштар, кызмат көрсөтүүлөрдөн - 10 пайыз;";

- 1-бөлүк төмөнкү редакциядагы 5-пункт менен толукталсын:

"5) Кыргыз Республикасы менен башка мамлекеттердин ортосундагы эл аралык байланыштарда жана ташууларды телекоммуникациялык жана транспорттук кызмат көрсөтүүлөрдөн - 5 пайыз. Кыргыз Республикасы менен башка мамлекеттердин ортосундагы ташуулар деп, Кыргыз Республикасынын чегинен тышкары же анын аймагында жайгашкан пункттардын ортосундагы гана ишке ашырыла турган ташуулардан башка учурлардагы деңиз, суу же аба кемелери, авто транспорт каражаттары же темир жол транспорттору менен ташууларды түшүнөбүз."; 2-бөлүк күчүн жоготту деп табылсын;

- төмөнкү мазмундагы 5-пункт менен толукталсын:

"5. Кыргыз Республикасындагы туруктуу мекеме, лизингдик компания менен байланышпаган чет өлкөлүк уюм тарабынан алынган киреше лизингдик компаниянын атынан кирешелерди төлөөчү булактан төмөнкү ставкалар боюнча эсептен чыгарууларды ишке ашырбай туруп салык алынууга тийиш:

1) дивиденддер жана пайыздардан, жумуш жана/же кызмат көрсөтүүдөн алынган кирешеден - 1 пайыз;

2) автордук калем акылардан, роялтиден - 0 пайыз.".

30. VIII бөлүм төмөнкү мазмундагы 34-1 глава менен толукталсын:

"34-1-глава Чакан жана орто ишкердиктин субъектиси тарабынан пайдага салык боюнча алынуучу базаны эсептеп чыгаруунун жөнөкөйлөтүлгөн тартиби

223-1-берене. Чакан жана орто ишкердиктин субъектиси тарабынан пайдага салык боюнча салыктык базаны эсептеп чыгаруунун жөнөкөйлөтүлгөн эсептеп чыгарууну колдонуунун тартиби

1. Чакан жана орто ишкердиктин субъектиси ушул главада белгиленген жөнөкөйлөтүлгөн тартипте пайдага салык боюнча салыктык базаны аныктоого укуктуу.

2. Ушул беренеде каралбаган учурларда пайдага салык боюнча салыктык базаны эсептеп чыгаруу ушул Кодекстин 29- жана 30-главаларында белгиленген тартипте ишке ашырылат.

3. Календардык жыл ичинде түшкөн акчасы 30000000 сомдон ашкан чакан жана орто ишкердиктин субъектиси ушул календардык жылдан кийинки жылдын биринчи күнүнөн тартып пайдага салык боюнча жөнөкөйлөтүлгөн эсептеп чыгарууну колдонуу укугун жоготот.

4. Календардык жылдын жыйынтыгы боюнча пайдага салык боюнча салык алынуучу базаны жөнөкөйлөтүлгөн эсептеп чыгарууну колдонуу укугуна ээ болгон пайдага салыктын салыгын төлөөчү бул тартипти ушул календардык жылдан кийинки жылдын биринчи күнүнөн тартып колдонууга укуктуу.

5. Пайдага салык боюнча салык алынуучу базаны жөнөкөйлөтүлгөн эсептеп чыгаруудан жалпы тартипке өтүүдө салыктык максаттар үчүн амортизациялоону эсептеп чыгарууда эске алынуучу негизги каражаттардын алгачкы наркы календардык жылдын 1-январына карата негизги каражаттардын калдык наркына тең кабыл алынат, анда салык төлөөчү бухгалтердик эсеп жөнүндөгү Кыргыз Республикасынын мыйзамдарына ылайык эсептелүүчү пайдага салыкты жалпы эреже боюнча төлөйт.

223-2-берене. Жылдык жалпы киреше

1. Жылдык жалпы кирешеге кыйыр салыктарды эске албастан товарларды, жумуштарды жана кызмат көрсөтүүлөрдү сатуудан түшкөн акча кирет.

2. Жылдык жалпы кирешенин курамына ушул Кодекстин 189-беренесинде каралган салык алынбай турган кирешелер кирбейт.

3. Бардык негизги каражаттарды саткан учурда терс калдыктан башка негизги каражаттарды сатуудан түшкөн киреше товарларды, жумуштарды жана кызмат көрсөтүүлөрдү сатуудан түшкөн акчага кирбейт, амортизациялык чегерүүлөрдү эсептеп чыгарууда негизги каражаттардын наркын азайтат.

223-3-берене. Киреше алууга багытталган чыгымдарды эсептен чыгаруу

Эгерде ушул главада башкача каралбаса, салык төлөөчү товарларды, чегерүүгө жатпай турган сатылып алынган материалдык ресурстар боюнча салыктарды, ушул главага ылайык эсептелген амортизациялык чегерүүлөрдү, кошо, жумуштарды жана кызмат көрсөтүүлөрдү сатуудан түшкөн акчаны алуу менен байланышкан тастыкталган чыгымдарды, ошондой эле ушул Кодекстин 203-беренесинде белгиленген чектөөсүз эсептелген негизги каражаттарды оңдоого кеткен чыгымдарды эсептен чыгарууга киргизүүгө укуктуу.

223-4-берене. Пайыздык чыгымдарды эсептен чыгаруу

1. Чегерилген же төлөнгөн пайыздык чыгымдар ушул Кодекске ылайык салык төлөөчү колдонгон салыктык эсепке алуунун ыкмаларына жараша ушул беренеде каралган чектөөлөрдү эске алуу менен, эгер карыздын суммасы экономикалык иш-аракеттерди жүзөгө ашыруу үчүн колдонулса чыгарылып салууга тийиш.

2. Амортизациялануучу негизги каражаттарды сатып алууга жана түзүүгө байланыштуу же аларды пайдаланууга киргизгенге чейин алардын наркын өзгөртүүгө таасир берүүчү чыгымдар менен байланышкан, ушул Кодекске ылайык салык төлөөчү колдонгон салыктык эсепке алуунун ыкмаларына жараша, чегерилген жана/же төлөнгөн пайыздык чыгымдар аталган каражаттардын наркына киргизилбейт жана жылдык жалпы кирешеден чыгарып салууга жатпайт.

223-5-берене. Негизги каражаттардын, материалдык эмес активдердин жана товардык-материалдык запастардын наркы

1. Ушул главанын негизги максаттары үчүн негизги каражаттар болуп Кыргыз Республикасынын бухгалтердик эсеп жөнүндөгү мыйзамдарына ылайык негизги каражаттар деп таанылган активдер саналат.

2. Негизги каражаттардын же материалдык эмес активдердин алгачкы наркына аларды сатып алууга жана/же даярдоого кеткен иш жүзүндөгү чыгымдар кошулат.

3. Негизги каражаттардын же материалдык эмес активдердин алгачкы наркы өзгөртүлүүгө жатпайт.

4. Негизги каражаттардын же материалдык эмес активдердин наркы ушул главада белгиленген тартипте жана шарттарда амортизациялык чегерүүлөр аркылуу эсептен чыгарылууга кирет.

5. Товардык-материалдык запастардын наркы аларды сатып алуунун баасынан чегерилүүгө тийиш болгон КНСти алып салуу, жана/же ушул Кодекстин 294-беренесине ылайык эсептен чыгарылууга тийиш болгон акциздик салыктан улам аныкталат.

223-6-берене. Амортизациялануучу активдер

Салык төлөөчүнүн менчигинде турган негизги каражаттары жана материалдык эмес активдери, товарларды, жумуштарды жана кызмат көрсөтүүлөрдү сатуудан түшкөн акчаны алуу үчүн колдонулуучу финансылык ижаранын (лизинг) келишими боюнча алынган негизги каражаттары кошо амортизацияланат.

223-7-берене. Амортизациялык чегерүүлөрдүн өлчөмүн аныктоо

1. Амортизациялык чегерүүлөрдүн өлчөмүн аныктоодо салык төлөөчү бухгалтердик эсеп жөнүндө Кыргыз Республикасынын мыйзамдарына иштелип чыккан жана салык төлөөчү тарабынан бекитилген же ушул берене менен белгиленген ыкмага ылайык эсептик саясатта салык төлөөчү тарабынан белгиленген ыкманы колдонуу укугуна ээ.

2. Пайдага салык боюнча салык алынуучу базаны аныктоо үчүн амортизациялык чегерүүлөрдүн суммасы салык төлөөчүлөр тарабынан жыл сайын ушул берененин 3-бөлүгүндө көрсөтүлгөн амортизациялоонун ченемин жыл аягында негизги каражаттардын салыктык наркына көбөйтүү жолу менен аныкталат.

3. Амортизациялоонун ченеми 40 пайыз өлчөмүндө белгиленет.

4. Жылдын аягында негизги каражаттардын салыктык наркы төмөндөгүдөй эсептелет:

1) мурунку жылдын аягындагы негизги каражаттардын салыктык наркы катары аныкталуучу негизги каражаттардын жыл башындагы салыктык наркы, мурунку жылы эсептелген амортизациялык чегерүүлөрдүн суммасына азайтылган,

кошуу

2) салыктык мезгилдин ичинде сатылып алынган негизги каражаттардын наркы;

алуу

3) салыктык мезгил ичинде сатылган негизги каражаттардын наркы.

5. Эгерде негизги каражаттардын салыктык наркы жылдын аягында нөлдөн аз болсо, ал нөлгө барабар болот, мында салык төлөөчү өз кирешесине көрсөтүлгөн терс калдыкты кошот.

6. Эгерде негизги каражаттардын салыктык наркынын чоңдугу жылдын аягында эсептик көрсөткүчтүн 100 эсесинен азды түзсө, анда бул сумма амортизациялык чегерүү деп таанылат.

7. Эгерде бардык негизги каражаттар сатылган болсо, анда калдык салыктык нарк амортизациялык чегерүү деп таанылат жана эсептен чыгарылууга тийиш.

8. Ушул берене менен белгиленген амортизациялык чегерүүнүн тартибин колдонгон салык төлөөчү ушул беренеде белгиленген пайдага салык боюнча салык алынуучу базаны жөнөкөйлөтүлгөн эсептеп чыгарууну колдонгон мезгил ичинде аталган ыкманы колдонууга укуктуу, жана ушул режимди колдонгон салык төлөөчү катары эсептен чыгарылган күндөн тартып аны колдонууну токтотууга милдеттүү.

223-8-берене. Экономикалык ишке байланыштуу зыяндарды которуу

1. Салык төлөөчүнүн кирешесинен эсептен чыгаруулардын ашып кеткен суммасы зыян тартуу деп таанылат жана зыян тарткан мезгилден кийинки салыктык мезгилдин салык салынуучу кирешесинен эсептен чыгарып салуулар катарында 5 жылдан ашпаган календардык жылдагы мөөнөткө салык төлөөчү тарабынан которулат.

2. Эгерде салык төлөөчү бир салыктык мөөнөттөн ашуун зыян тартса, анда мындай зыян тарткан мезгилден кийинки салыктык мезгилдерге ошол зыяндарды которуу зыян тартуудагы кезектүүлүктө жүргүзүлөт.

3. Өзгөртүп кайра түзүүдөн улам салык төлөөчү ишин токтоткон учурда укугун улантуучу салык төлөөчү кайра түзүү учуруна чейин өзгөртүп кайра түзүлгөн салык төлөөчү алган зыяндардын суммасына ушул беренеде каралган тартипте жана шарттарда салыктык базаны азайтууга укуктуу.

223-9-берене. Эсептен чыгарып салууларга жатпаган чыгымдар

1. Төмөнкүлөрдү эсептен чыгарып салууга болбойт:

1) Кыргыз Республикасынын бюджетине жана Социалдык фонддун бюджетине төлөнүүчү салыктык санкциялар, туум айыптар жана проценттер;

2) Кыргыз Республикасынын бюджетине төлөнүүгө тийиш болгон төмөнкүдөй салыктар:

а) пайдага салык;

б) ушул Кодекске ылайык эсеп кылынууга жатпаган КНС тышкаркы КНС;

в) товарларды, жумуштарды жана кызмат көрсөтүүлөрдү сатып алууда берүүчүлөр төлөгөн сатуудан салыкты кошпогондо сатуудан алынуучу салык;

г) ушул Кодекске ылайык эсептен чыгарып салууга жатпаган акциздик салыкты кошпогондо акциздик салык;

3) бул чыгымдар товарларды, жумуштарды жана кызмат көрсөтүүлөрдү сатуудан пайда алуу максатында жүргүзүлгөн факты тастыкталган учурларды кошпогондо башка жак үчүн келтирилген ар кандай чыгымдар;

4) ушул Кодекстин жоболоруна ылайык салык салынууга жатпаган менчиктин, кирешенин ар кандай түрүн сатып алууга, башкарууга же күтүүгө чыгымдар;

5) салык төлөөчү, анын үй-бүлө мүчөлөрү же өз ара көз каранды субъекти тарабынан менчикти сатууга же алмашууга түз же кыйыр түрдө байланышкан ар кандай чыгымдар;

6) экономикалык иш жүргүзүүгө байланышпаган салык төлөөчүнүн жакын туугандарына жана башка адамдарга карата чыгымдар;

7) салык агенти тарабынан салынган киреше салыгынан тышкары кызматкерге сатып алуу же өндүрүү баасынан төмөн товарларды, жумуштарды жана кызмат көрсөтүүлөрдү сатууга байланыштуу чыгымдар;

8) мүнөзүн жана өлчөмүн аныктоого болбогон чыгымдар;

9) киреше алууга байланышпаган чыгымдардын суммасы;

10) пайдага салык салынбаган товарларды, жумуштарды жана кызмат көрсөтүүлөрдү сатуудан пайда алууга байланыштуу чыгымдар;

11) эгерде ушул Кодексте башкача белгиленбесе резервге чегерүүлөр түрүндөгү чыгымдар.".

31. 231-берененин 2-бөлүгүндө:

- 5-пункт "(фонд, взнос)" деген сөздөрдөн кийин "КНСти бир салык төлөөчү тарабынан КНСти экинчи салык төлөөчүгө же берүү же кайтарып берүү учурунда ушундай болуп калган субъектиге" деген сөздөр менен толукталсын;

- төмөнкүдөй мазмундагы 6-пункт менен толукталсын:

"6) финансылык ижара (лизинг) келишими боюнча негизги каражаттарды берүү.".

32. 241-берене күчүн жоготту деп табылсын.

33. 242-берене төмөнкү редакцияда берилсин:

"242-берене. Медициналык иш чөйрөсүндөгү товарлар жана кызматтар

Кыргыз Республикасынын Өкмөтү аныктоочу тизме боюнча протездик-ортопедиялык буюмдарды, берүүлөр, майыптар үчүн атайын товарларды, аларды оңдоону кошо, беримдер, ошондой эле дары-дармек каражаттардын беримдери КНСтен бошотулган беримдер болуп саналат.".

34. 243-берененин 2-бөлүгүнүн 1-пункту төмөнкүдөй редакцияда берилсин:

"1) проценттик кирешелерди эсептөө жана төлөтүү, карыздык милдеттенмелерди берүү жана төлөтүү, банктык кепилдиктерди берүүнү кошо алганда ишенимдерди жана же кепилдиктерди берүү, карыздык милдеттенмени башкаруу боюнча агенттин кызмат көрсөтүүлөрү;".

35. 247-берене күчүн жоготту деп табылсын.

36. 251-беренеде "кызмат көрсөтүүлөр" деген сөздөр "ишке ашырылуучу" деген сөздөргө алмаштырылсын".

37. 253-берене төмөнкүдөй мазмундагы абзац менен толукталсын:

"Турак-жай объекттеринин иштерин камсыздоочу инженердик тармактарды мамлекеттик архитектуралык көзөмөлдөө органдары бекиткен объектини пайдаланууга кабыл алуу актысынын негизинде аларды пайдаланууну ишке ашыруучу уюмдарга өткөрүп берүү КНСтен бошотулган берүүлөр болуп саналат".

38. 257-беренесинин:

- экинчи бөлүгүндөгү "1-бөлүктүн 2, 3 жана 10-пункттарында" деген сөздөр жана цифралар "1-бөлүктүн 2, 3, 10 жана 13-пункттарында" деген сөздөргө жана цифраларга алмашылсын.

39. 259-беренеде:

- 2-бөлүк "8515" деген сандардан кийин "851761000" деген сандар менен толукталсын;

- төмөнкүдөй мазмундагы 7-бөлүк менен толукталсын:

"7. Ушул берененин максаттарында негизги каражаттарды ажыратуу финансылык ижара (лизинг) келишими боюнча негизги каражаттарды берүү болуп саналбайт.".

40. 265-берененин 9-бөлүгү күчүн жоготту деп табылсын.

41. 266-беренеде:

- 3-бөлүктүн экинчи абзацы күчүн жоготту деп табылсын;

- 5-бөлүктүн үчүнчү абзацы күчүн жоготту деп табылсын.

42. 270-берененин 4-бөлүгү төмөнкүдөй редакцияда берилсин:

"4. Сатып алынган материалдык ресурстар үчүн КНС табигый азаюулардын (жоготуулардын ченеми) нормаларынын чектеринде салык салынуучу берүүлөргө кириш кылынууга тийиш. Табигый азаюулардын (жоготуулардын ченеми) тармактык нормалары жана айрым субъекттерге карата табигый азаюулардын нормалары ыйгарым укуктуу мамлекеттик органдар тарабынан иштелип чыгат жана Кыргыз Республикасынын Өкмөтү тарабынан бекитилет.

43. 275-берененин 1-бөлүгүндө "Операциялар чагылдырылбагандык же толук чагылдырылбагандык, ошондой эле ушул бөлүмгө ылайык жараксыз же жоголду деп эсептелген" деген сөздөр "негизделген" деген сөзгө алмаштырылсын.

44. 295-берененин 1-бөлүгү "(ТНВЭД 2203 коду)" деген сөздөрдөн кийин "жана жүзүм суслосунан (ТНВЭД 220430 коду)" деген сөздөр менен толукталсын.

45. 310-берененин 1-бөлүгүнүн биринчи абзацы төмөнкү редакцияда берилсин:

"1. Роялтинин ставкасы төмөнкүдөй өлчөмдөрдө суу менен жабдууга адистештирилген уюмдарды кошпогондо накталай түрдө алынуучу суунун көлөмүнө жараша төмөнкүдөй өлчөмдөрдө белгиленет:".

46. 315-беренеде: 1-бөлүк төмөнкүдөй мазмундагы 5-пункт менен толукталсын:

"5) I жана II топтогу майыптар коомдору, сокурлар жана дүлөйлөр Кыргыз коомунун уюмдары, майыптар, сокурлар, дүлөйлөр иштегендердин жалпы санынын кеминде 50 пайызын түзгөн жеке ишкерлер жана алардын эмгек акысы эмгекке акы төлөөнүн жалпы фондунун 50 проценттен кем эмес суммасын түзөт. Бул коомдордун, уюмдардын жана жеке ишкерлердин тизмесин Кыргыз Республикасынын Өкмөтү аныктайт.".

- 3-бөлүк төмөнкү редакцияда берилсин:

"3. Электр энергиясын, жылуулук энергиясын жана жаратылыш газын тиричилик максаты үчүн жеке адамга сатуу сатык салыгын төлөөдөн бошотулат.".

47. 316-берененин 2-бөлүгү төмөнкүдөй мазмундагы 3-пункт менен толукталсын:

"3) финансылык ижара (лизинг) келишими боюнча негизги каражаттарды берүү.".

48. 317-берененин 5-бөлүгү "пайыздык кирешелер" деген сөздөрдөн кийин "негизги каражаттарды сатууда финансылык ижара (лизинг) келишими боюнча алынган проценттик кирешелерди кошпогондо," деген сөздөр менен толукталсын;

49. 341-берененин 1-бөлүгүнүн 3-пунктчасы "жер үчүн" деген сөздөрдөн мурда "үй жанындагы" деген сөздөр менен толукталсын".

50. 343-берененин 5-пункту төмөнкүдөй редакцияда берилсин:

"5) майыптардын уюмдарынын, согуштун катышуучуларынын жана аларга теңештирилген адамдардын жерлери жана сокурлар жана дүлөйлөр Кыргыз коомунун уюмдарынын, майыптар, сокурлар, дүлөйлөр иштегендердин жалпы санынын кеминде 50 пайызын түзгөн жеке ишкерлердин жерлери жана алардын эмгек акысы эмгекке акы төлөөнүн жалпы фондунун 50 проценттен кем эмес суммасын түзөт. Бул коомдордун, уюмдардын жана жеке ишкерлердин тизмесин Кыргыз Республикасынын Өкмөтү аныктайт;".

51. 351-беренеде:

- 2-бөлүк "калктуу пункттар" деген сөздөрдөн мурда "миң адам" деген сөздөр менен толукталсын;

- 3-бөлүк төмөнкүдөй редакцияда берилсин:

"3. Салыкты эсептөөдө калктуу конуштардагы адамдардын санына карабастан 1ге барабар, ал эми оюн автоматтарын жана бильярд берүү, казино, 100дөн ашуун орундуу сандагы автомашина токтоочу жайлардын кызматтарын көрсөтүүдө 1-ге барабар коэффициент колдонулат.".

52. 353-беренеде:

- 4-бөлүктүн 1-пунктчасы "КНС" деген сөздөн кийин "жана/же КНС боюнча жылына каттоо чегинин өлчөмүнөн ашкан кирешенин көлөмүндө" деген сөздөр менен толукталсын;

- төмөнкүдөй мазмундагы 5 жана 6-бөлүктөр менен толукталсын:

"5. Бул главада белгиленген шарттарга дал келбеген учурда салык төлөөчү дал келбөө аныкталган айдан кийинки айдын 1инен тартып салыктарды эсептөөнүн жана төлөөнүн жалпы белгиленген тартибине өтөт. Ыктыярдуу патенттин негизинде төлөнгөн жана салык төлөөчү жалпы белгиленген тартипке өткөн учурдан башталуучу мезгилге туура келген салыктын суммасы ашыкча төлөнгөн деп таанылат, аны кириштөө бир режимден экинчи режимге өтүүнүн оперативдүүлүгүн камсыздоо жана ушул Кодексин жоболорунун талаптарын бекем сактоо максатында ушул Кодекске ылайык жүргүзүлөт.

6. КНС боюнча каттоо чегинен ашканда КНС боюнча салыктык милдеттенме ушул Кодекстин жоболоруна ылайык келип чыгат.".

53. 359-берененин 1-бөлүгүнүн 1-пунктчасы төмөнкүдөй редакцияда берилсин:

"1) жыл үчүн кирешенин көлөмү КНС боюнча каттоо чегинин өлчөмүнөн ашпайт;".

54. 361-берене төмөнкүдөй редакцияда берилсин:

1. "361-берене. Салыктык база эгерде салык салуунун базасы ушул беренеде башкача каралбаса товарларды, жумуштарды, кызмат көрсөтүүлөрдү сатуудан түшкөн пайда болуп саналат.

2. Ушул Кодекстин 358-беренесинин 4-бөлүгүндө көрсөтүлгөн учурларда салыктык база КНСти эсептебегенде товарларды, жумуштарды, кызмат көрсөтүүлөрдү сатуудан түшкөн акча болуп саналат".

2-берене.

"Кыргыз Республикасынын Салык кодексин колдонууга киргизүү жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин ведомосттору, 2008-ж., № 8, 923-б.) төмөнкүдөй өзгөртүүлөр жана толуктоо киргизилсин: 3-беренеде:

- 1-бөлүктө "2010" деген сан "2013" деген санга алмаштырылсын;

- 3-бөлүктө "2012" деген сан "2014" деген санга алмаштырылсын;

- 5-бөлүктө "2012" деген сан "2014" деген санга алмаштырылсын.

2. 8-берененин 7-бөлүгүнүн экинчи абзацы "материалдык ресурстар" деген сөздөрдөн кийин, "негизги каражаттарды кошпогондо" деген сөздөр менен толукталсын.

3-берене.

"Кыргыз Республикасынын Администрациялык жоопкерчилик жөнүндө Кодексине (Кыргыз Республикасынын Жогорку Кеңешинин ведомосттору, 1999-ж., № 2, 77-б.) төмөнкүдөй толуктоолор жана өзгөртүү киргизилсин:

1. 351-берененин биринчи абзацы "декларация жана" деген сөздөрдөн кийин "/же" деген байламта менен толукталсын.

2. Төмөнкүдөй мазмундагы 356-1-берене менен толукталсын:

"356-1 берене. Банктын жоопкерчилиги: Кыргыз Республикасынын Салык кодексинин 126-беренесинде белгиленген милдеттерди аткарбагандыгы үчүн - жүз эсептик көрсөткүч өлчөмүндө банктын кызмат адамына администрациялык айып салууга алып келет".

3. 535-берененин 1-бөлүгүндө:

"356" деген сандан кийин "356-1" деген сан менен толукталсын; "418" деген сан алып салынсын.

4-берене.

"Мамлекеттик социалдык камсыздандыруу боюнча камсыздандыруу төгүмдөрүнүн тарифтери жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин ведомосттору, 2004-ж., № 5, 229-б.) төмөнкүдөй өзгөртүү киргизилсин: 12-берене төмөнкүдөй редакцияда берилсин: "12-берене. Камсыздандыруу взносу эсептелбеген төлөмдөрдүн түрлөрү

Кыргыз Республикасынын Социалдык фондуна камсыздандыруу взностору төлөмдөрдүн төмөнкүдөй түрлөрүнө эсептелбейт:

1) Кыргыз Республикасынын Салык кодексинин 167-беренесинин 1)-20) пункттарында белгиленген кирешелерге;

2) ишкананын менчигин башкарууга жеке адамдардын катышуусунан алынган кирешелер (дивиденддер, проценттер, үлүштүк пайлар боюнча төлөмдөр)".

5-берене.

"Лицензиялоо жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин ведомосттору, 1997-ж., № 3, 126-б.) төмөнкүдөй толуктоо киргизилсин: 9-берененин 13-пункту "банктык операциялар" деген сөздөрдөн кийин "финансылык ижарага (лизингге) келишими боюнча операцияларды кошпогондо," деген сөздөр менен толукталсын.

6-берене.

"Кредиттик союздар жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин ведомосттору, 2000-ж., № 2, 108-б.) төмөнкүдөй өзгөртүүлөр жана толуктоо киргизилсин: 4-беренеде:

- 4-бөлүгүндө "Шартта" деген сөз "Эгерде ушул бөлүктө башкача каралбаган, шартта" деген сөздөр менен алмашылсын;

- 4-бөлүктүн 2-пункту күчүн жоготту деп табылсын;

- 5-бөлүк төмөнкүдөй редакцияда баяндалсын:

"5. Кредиттик союз лицензияда көрсөтүлгөн финансалык кызмат көрсөтүүлөрдү, ошондой эле финансалык лизинг боюнча операцияларды ишке ашырат.".

7-берене.

"Кыргыз Республикасындагы микро финансылык уюмдар жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин ведомосттору, 2002-ж., № 9, 412-ст.) төмөнкүдөй өзгөртүүлөр жана толуктоо киргизилсин: 16-беренеде:

- 1-бөлүктөгү "Микро финансылык" деген сөздөр "Эгерде ушул бөлүктө башкача каралбаса, микро финансылык" деген сөздөр менен алмашылсын;

- 4-пункт күчүн жоготту деп табылсын;

- төмөнкү редакциядагы 6-бөлүк менен толукталсын:

"6. Микрофинансалык компания финансылык лизинг боюнча операцияларды ишке ашыра алат.".

8-берене.

1. Кыргыз Республикасынын Салык кодексинин 189-беренесинин 10-пункту, 212-беренесинин 1-бөлүгү, 223-беренесинин 5-бөлүгү 2017-жылдын 1-январынан тартып күчүн жоготот деп табылсын.

2. Кыргыз Республикасынын Салык кодексинин 213-беренесинин 2-бөлүгү 2017-жылдын 1-январынан тартып күчүнө кирет жана 2021-жылдын 31-декабрына чейин күчүндө болот.

9-берене.

Кыргыз Республикасынын Өкмөтү эки айлык мөөнөттө өз чечимдерин ушул Мыйзамга ылайык келтирсин. Бул Мыйзам 2012-жылдын 1-январынан тартып күчүнө кирет.

Кыргыз Республикасынын Президенти

"Кыргыз Республикасынын айрым мыйзам актыларына өзгөртүүлөрдү жана толуктоолорду киргизүү тууралуу" Кыргыз Республикасынын Мыйзам долбооруна карата САЛЫШТЫРМА ТАБЛИЦА

Министр

У.Ташбаев