КР Өкмөтүнүн «Кыргыз Республикасындагы оюн-зоок иши жөнүндө» Кыргыз Республикасынын Мыйзамына өзгөртүүлөр жана толуктоолор киргизүү тууралуу» Кыргыз Республикасынын Мыйзамынын долбоору жөнүндө» токтому

КР Өкмөтүнүн 2012-жылдын 19-мартындагы № 185 токтомуна ылайык күчүн жоготкон

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2011-жылдын 14-июну № 315 "Кыргыз Республикасындагы оюн-зоок иши жөнүндө" Кыргыз Республикасынын Мыйзамына өзгөртүүлөр жана толуктоолор киргизүү тууралуу" Кыргыз Республикасынын Мыйзамынын долбоору жөнүндө Кыргыз Республикасынын Конституциясынын 79-беренесине ылайык Кыргыз Республикасынын Өкмөтү ТОКТОМ КЫЛАТ:

1. "Кыргыз Республикасындагы оюн-зоок иши жөнүндө" Кыргыз Республикасынын Мыйзамына өзгөртүүлөр жана толуктоолор киргизүү тууралуу" Кыргыз Республикасынын Мыйзамынын долбоору жактырылсын.

2. Аталган мыйзам долбоору Кыргыз Республикасынын Жогорку Кеңешинин кароосуна жиберилсин.

3. Кыргыз Республикасынын Жогорку Кеңешинен ушул мыйзам долбоорун Кыргыз Республикасынын Конституциясынын 80-беренесине ылайык кечиктирилгис катары кезексиз тартипте кароо суралсын.

4. Кыргыз Республикасынын Өкмөтүнө караштуу Финансы рыногун жөнгө салуу жана көзөмөлдөө мамлекеттик кызматынын төрагасы аталган мыйзам долбоору Кыргыз Республикасынын Жогорку Кеңешинде каралган учурда Кыргыз Республикасынын Өкмөтүнүн расмий өкүлү болуп дайындалсын.

Премьер-министр

А.Атамбаев

Долбоор

КЫРГЫЗ РЕСПУБЛИКАСЫНЫН МЫЙЗАМЫ "Кыргыз Республикасындагы оюн-зоок иши жөнүндө" Кыргыз Республикасынын Мыйзамына өзгөртүүлөр жана толуктоолор киргизүү тууралуу

1-берене.

"Кыргыз Республикасындагы оюн-зоок иши жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин ведомосттору, 2008-жыл., № 6/2, 665-берене) төмөндөгүдөй өзгөртүүлөр менен толуктоолор киргизилсин:

1. 1-беренеде:

1) бешинчи абзацындагы:

"эки же бир нече катышуучулардын ортосунда" деген сөздөр алып салынсын; "тараптар" деген сөз "катышуучулар" деген сөз менен алмаштырылсын.

2) алтынчы абзацы төмөнкү редакцияда баяндалсын;

"мелдеш - тобокелге негизделген жана утуш жөнүндө катышуучулар өз ара же болбосо оюн-зоок жайы менен түзүлгөн макулдашуу, анын жыйынтыгы анын болушуна ага катышуучулар менен оюн-зоок жайы өз аракеттери менен таасир тийгизе албайт, анын болоору же болбосу белгисиз жагдайга жараша болот; ";

3) жетинчи абзацындагы "жарыяланган акчалай утушу менен" деген сөздөр алып салынсын;

4) тогузунчу абзацы төмөнкүдөй редакцияда баяндалсын:

"оюн ойнолуучу үстөл - оюн-зоок жабдуулары (оюн-зоок жайында атайын жабдылган жер), ал утуштун кандай гана түрү болбосун кумар оюндарын өткөрүү үчүн арналган бир же бир нече оюн талаалары түрүндө болот, анда оюн-зоок жайы өзүнүн өкүлдөрү аркылуу тарап катары же уюштуруучу жана (же) байкоочу катары катышат (рулетка, карта ойнолуучу үстөлдөр, чакмак-таш оюну үчүн үстөл). Оюн ойнолуучу бир үстөлдө бирден ашуун оюн талаалары болгон учурда, оюн ойнолуучу үстөлдөрдүн саны оюн талааларынын санына эселүү көбөйтүлөт;";

5) төмөнкүдөй мазмундагы онунчу абзац менен толукталсын:

"оюн талаасы - кумар оюндарынын эрежелерине ылайык жабдылган оюн ойнолуучу үстөлдөгү атайын жер;";

6) онунчу-он жетинчи абзацтары тиешелүү түрдө он биринчи-он сегизинчи абзацтар болуп эсептелсин;

7) онунчу абзацы төмөнкүдөй редакцияда баяндалсын:

"ойнолуучу автомат - кичипроцессору, төлөп берүү таблицасы, кокустук сандардын генератору же башка программалык камсыздоосу, маалыматтарды киргизүүчү/чыгаруучу түзүлүшү, купюрларды кабыл алгычы (тыйындарды кабыл алгыч, төлөм карточкасы үчүн эсептөөчү түзүлүшү) бар же булары жок эле, аталган оюндарга оюн-зоок жайынын өкүлдөрү катышпаган акчалай жана (же) акчалай эмес (мүлктүк) утушу бар кумар оюндарын өткөрүү үчүн орнотулган жана пайдаланылуучу атайын жабдуу (механикалык, электр, электрондук же башка техникалык түзүлүш), анын ичине электрондук рулетка. Ойнолуучу автоматтарды пайдалануу менен лотереяларды өткөрүүгө жол берилбейт;";

8) он үчүнчү абзацы төмөнкүдөй редакцияда баяндалсын: "оюн-зоок зонасы - оюн-зоок жайынын кассасын жана оюн-зоок жабдууларын орнотуу үчүн арналган оюн-зоок жайынын бир бөлүгү;";

9) он жетинчи абзацындагы "акчалай" деген сөздөн кийин "же башка мүлктүк утуш, муну менен кошо мүлктүк укук" деген сөздөр менен толукталсын;

10)төмөнкүдөй мазмундагы он тогузунчу-жыйырманчы абзацтар менен толукталсын:

"букмекердик кеңсенин сайылган акчаларды кабыл алуу пункту оюн-зоок жайынын бөлүгү, анда оюн-зоок бизнесин уюштуруучу катышуучулар менен мелдеш өткөрөт жана анда жайгашкан атайын жабдуулар сайылган акчалардын эсебин алат, мелдештердин жыйынтыгын аныктайт жана утуштарды төлөп берет; тотолизатордун сайылган акчаларын кабыл алуу пункту - оюн-зоок жайынын бөлүгү, анда оюн-зоок бизнесин уюштуруучу катышуучулар менен мелдеш өткөрөт жана анда жайгашкан атайын жабдуулар сайылган акчалардын эсебин алат, мелдештердин жыйынтыгын аныктайт жана утуштарды төлөп берет.".

2. 2-беренесинин биринчи бөлүгү төмөнкү мазмундагы экинчи абзац менен толукталсын:

"Уюштуруучулары (катышуучулары) Кыргыз Республикасы, жергиликтүү өз алдынча башкаруу органдары болуп саналган юридикалык жак оюн-зоок ишинин субъектиси катары чыга албайт.".

3. 6-беренеде:

1)2-бөлүктө:

а) экинчи-төртүнчү абзацтары төмөнкү редакцияда баяндалсын: "- казино үчүн кырк миң эсептик көрсөткүчкө барабар;

- ойнолуучу автоматтар залы үчүн беш миң эсептик көрсөткүчкө барабар;

- букмекердик кеңселер жана тотализаторлор үчүн миң эсептик көрсөткүчкө барабар.";

2) 4-бөлүктө:

а) экинчи сүйлөмү алып салынсын;

б) төмөнкү мазмундагы экинчи-алтынчы абзацтар менен толукталсын:

"Милдеттүү резервдик фонддун каражаттары казино болуп саналган оюн-зоок жайынын кассасында сакталат. Ойнолуучу автоматтардын, букмекердик кеңсенин, тотализаторлордун ишин жүргүзгөн оюн-зоок ишинин субъекттери милдеттүү резервдик фонддун каражаттарын оюн-зоок жайынын кассасында жана (же) оюн-зоок ишинин ошол субъектисинин өзүнчө банктык эсебинде сакташат. Ошол каражаттарды ырастоочу документтерди берүү менен милдеттүү резервдик фонддун каражаттары милдеттүү түрдө мамлекеттик ыйгарым укуктуу мамлекеттик органга билдирилиши керек. Милдеттүү резервдик фонддун каражаттары кумар оюндарынын жана (же) мелдештердин катышуучуларынын утуштарын берүү боюнча оюн-зоок бизнесин уюштуруучулардын милдеттенмелерин аткаруу максатында гана пайдаланылат. Милдеттүү резервдин суммасы ушул Мыйзам менен белгиленген өлчөмдөн аз болуп калган учурда, оюн-зоок бизнесинин уюштуруучусу мындай төмөндөө күнүнөн тартып үч иш күндүн ичинде, лицензия берилүүчү иштердин ар бир түрү үчүн ушул Мыйзамда белгилеген өлчөмгө чейин, милдеттүү резервдерди толтурат.".

4. 7-берене төмөнкү мазмундагы 5-бөлүк менен толукталсын:

"5. Оюн-зоок иши боюнча отчетторду берүүнүн тартибин, шарттарын жана түрлөрүн Кыргыз Республикасынын Өкмөтү аныктайт.".

5. 8-беренеде:

1) 3-бөлүктүн "а" пунктчасында:

а) биринчи абзацы төмөнкү редакцияда баяндалсын:

"а) ойнолуучу автоматтар залдары, тотализаторлор жана букмекердик кеңселер үчүн:";

б) бешинчи абзацы төмөнкү редакцияда баяндалсын:

"-(оюн автоматтары залдары үчүн) - коркунуч белгилерин берүүчү, видеобайкоо системасы, металл детектору (металл издөөчү) зарыл каражаттары менен оюн-зоок жайынын жабдылгандыгын ырастаган документтердин көчүрмөлөрүн;";

в) жетинчи абзацы төмөнкү редакцияда баяндалсын:

- оюн-зоок жайын коргоо жөнүндө келишимди, оюн-зоок ишинин субъектисинин штаттык кызматкерлеринен турган өздүк атайын коопсуздук кызматы бар болгондон башка учурларда;";

г) төмөнкү мазмундагы он биринчи абзац менен толукталсын: "-ойнолуучу автоматтар залында мамлекеттик органдан тиешелүү лицензияны алган алмаштыруучу бюро бар экендигин ырастаган документтин көчүрмөсүн (ушул Мыйзамдын 13-беренесинин 7-бөлүгүндө каралган учурларды кошпогондо;";

2) 3-бөлүктүн "б" пунктчасында:

а) биринчи абзацы төмөнкү редакцияда баяндалсын:

"б) казино үчүн:";

б) бешинчи абзацы төмөнкү редакцияда баяндалсын:

"- коркунуч белгилерин берүүчү, видеобайкоо системасы, металл детектору (металл издөөчү) зарыл каражаттары менен оюн- зоок жайынын жабдылгандыгын ырастаган документтердин көчүрмөлөрүн";

в) сегизинчи абзац күчүн жоготту деп табылсын;

г) төмөнкү мазмундагы он үчүнчү абзац менен толукталсын:

"- казинодо мамлекеттик органдан тиешелүү лицензия алган алмаштыруучу бюро бар экендигин ырастаган документтин көчүрмөсүн.";

3) 10-бөлүк төмөнкү мазмундагы экинчи абзац менен толукталсын:

"Оюн-зоок жайынын иши убактылуу токтотулган учурда, жеңе алгыс күчтөрдү, ошондой эле табигый мүнөздөгү башка кубулуштардын (өрт, күрткү, ташкындар) кесепеттерин жана согуштук аракеттерди кошпогондогу жагдайларга көз каранды болбостон, ыйгарым укуктуу мамлекеттик орган кат жүзүндө билдирүү берген күндөн тартып 3 айдан ашпаган мөөнөттө ошол оюн-зоок жайына оюн-зоок жайларын түзүү жана кармоо, кумар оюндарын уюштуруу үчүн берилген лицензияны кайта алууга ыйгарым укуктуу мамлекеттик орган укуктуу.".

6. 9-беренеде:

1) 1-бөлүктөгү "оюн-зоок жабдууларынын саны өзгөрүлгөн" деген сөздөр алып салынсын;

2) 3-бөлүктө:

-"арыз" деген сөздөн кийин ", зарыл документтер" деген сөздөр менен толукталсын;

- төмөнкү мазмундагы абзац менен толукталсын:

"Лицензияны кайра тариздегенге жана лицензияны колуна алганга чейин лицензиант мурда берилген лицензиянын көчүрмөсүнүн негизинде иш жүргүзөт.".

7. 10-берененин төртүнчү бөлүгүндөгү "лицензияда камтылган" деген сөздөр "ушул Мыйзамда белгиленген" деген сөздөр менен алмаштырылсын.

8. 11-берененин 1-бөлүгү:

1) төмөнкү мазмундагы бешинчи абзац жана сүйлөм менен толукталсын:

"- эгерде лицензияны алгандан кийин 3 ай ичинде оюн-зоок жайы ишти баштабаса. Лицензияны кайра алуу ушул Мыйзамдын 8-беренесинин 10-бөлүгүндө, ошондой эле 13-берененин 7-бөлүгүндө каралган негиздер боюнча жүргүзүлүшү мүмкүн.".

9. 13-беренеде:

1) 2-бөлүк күчүн жоготту деп табылсын;

2) 4-бөлүктөгү "эки жүздөн" деген сөздөр "жүздөн" деген сөз менен алмаштырылсын;

3) 7-бөлүк төмөнкү мазмундагы экинчи-үчүнчү абзацтар менен толукталсын:

"Алмаштыруучу бюронун болушуна карата коюлуучу талаптар ойнолуучу автоматтар залдарына колдонулбайт, андагы жүгүртүлүүчү акча бирдиктери, анын ичинде резервдик фонддун каражаттары болуп Кыргыз Республикасынын улуттук валютасы эсептелет. Алмаштыруучу бюросу жок ойнолуучу автоматтар залындагы кассадан чет элдик валюталарды мамлекеттик ыйгарым укуктуу мамлекеттик органдын табышы оюн-зоок мекемелерин түзүүгө жана кармоого, кумар оюндарын уюштурууга берилген лицензияны кайра алууга негиз болуп саналат.";

4) 8-бөлүк күчүн жоготту деп табылсын;

5) 11-бөлүктөгү "- оюн-зоок жайынын кассасынан утушту - акчалай сумманы" деген сөздөр "утушту" деген сөз менен алмаштырылсын;

6) 12-бөлүктө:

экинчи абзац төмөнкү редакцияда баяндалсын: "- карызга ойноого;"; төртүнчү абзацтагы "көпчүлүк алдында" деген сөздөр алып салынсын;

8) 13-бөлүк төмөнкү редакцияда баяндалсын:

"13. Кыргыз Республикасынын аймагында төмөнкүлөргө тыюу салынат:

- ушул Мыйзамдын 1-беренесинде каралбаган оюн-зоок жайларын түзүүгө жана кармоого, кумар оюндарын (мелдештерди) уюштурууга;

- кумар оюндарына жана мелдештерге тике катышкан адамдарды катыштыруу ыкмаларын жана жолдорун пайдалануу менен оюн-зоок жайынан тышкаркы жерлерде оюн-зоок ишин жүргүзүүгө.";

9) төмөнкү мазмундагы 15-17-бөлүктөр менен толукталсын: "15. Оюн-зоок жайынын катышуучулары (келүүчүлөрү) үчүн жеткиликтүү жерге оюн-зоок жайы белгилеген (бекиткен) кумар оюндарын өткөрүүнүн- эрежелери жана оюн-зоок жайы иштөөчү эреже, оюн-зоок мекемелерин түзүүгө жана кармоого, кумар оюндарын уюштурууга берилген лицензиянын көчүрмөсү илинип коюлушу керек.

16. Кумар оюндарын (мелдештерди) өткөрүү эрежелеринин жана оюн-зоок жайынын иштөө эрежесинин өзгөртүлүшү эрежелер өзгөртүлгөн күндөн тартып 3 иш күндүн ичинде мамлекеттик ыйгарым укуктуу органга кат жүзүндө билдирүү жасоого кириптер кылат.

17. Эгерде юридикалык жана жеке жак жүргүзгөн ишкердик иштен же башка иш чаралардан кумар оюндарын өткөрүүнүн таасын белгилери бар экендигинин бетин мамлекеттик ыйгарым укуктуу орган ушул Мыйзамга ылайык ачса, анда ошол аракеттердин жыйындысы, бул маселе боюнча ишкердик субъектисинин ээлеген позициясына карабастан, оюн-зоок иши деп таанылат".

10. 14-беренеде:

1) биринчи бөлүк "саны" деген сөздөн мурда "иштеген" деген сөз менен толукталсын;

2) 2 жана 3-бөлүктөр төмөнкү редакцияда баяндалсын:

"2. Казинодо орнотулган оюн-зоок жабдуулары лицензиаттын менчигинде же ижарасында болушу мүмкүн.

3. Ойнолуучу автоматтар залында милдеттүү түрдө жыйырмадан кем эмес оюн автоматы орнотулушу, пайдаланылышы керек.

Казиного ойнолуучу автоматтар орнотулган учурда, ойнолуучу автоматтар залынын ойнолуучу автоматтарынын эң аз санына карата коюлуучу талаптар ошол оюн-зоок жайына таркатылат.";

3) 5-бөлүктөгү "ошондой эле акыркысына лицензияны кайра жол-жоболоштуруу үчүн зарыл документтерди берүүгө" деген сөздөр алып салынсын.

11. 15-беренеде:

1) 2-бөлүк төмөнкү редакцияда баяндалсын:

"2. Төмөнкү жашка жеткендер гана оюн-зоок жайларынын кардарлары болушу мүмкүн:

- ойнолуучу автоматтар залдары, тотализатолор, букмекердик кеңселер үчүн - 18 жаш;

- казино үчүн - 21 жаш.

Бул курактык чектөөлөрдү сактоо үчүн жоопкерчилик оюн-зоок жайларына катышуучулардын өздөрүнө жүктөлөт.";

2) 5-бөлүктүн экинчи абзацы күчүн жоготту деп табылсын;

3) төмөнкү мазмундагы 6-бөлүк менен толукталсын:

"6. Кумар оюндарына катуу азгырылуунун кесепетинен өз үй-бүлөсүн оор материалдык абалга кириптер кылган жарандын ишке жөндөмдүүлүгү сот тарабынан чектелиши мүмкүн, ушуга байланыштуу ага камкорчу дайындалат.";

12. 17-берененин 2-бөлүгү күчүн жоготту деп табылсын.

2-берене.

1. Бул Мыйзам расмий жарыяланган күндөн тартып бир ай өткөндөн кийин күчүнө кирет.

2. Бул Мыйзам күчүнө киргенге чейин оюн-зоок жайларын ачууга жана күтүүгө, кумар оюндарын уюштурууга лицензия алган субъекттер ушул Мыйзам аракетке кирген учурдан тартып бир айдын ичинде өздөрүнүн иштерин ушул Мыйзамга ылайык келтиришсин.

3. Кыргыз Республикасынын Өкмөтү бир айлык мөөнөттө өзүнүн ченемдик укуктук актыларын ушул Мыйзамга ылайык келтирсин.

Кыргыз Республикасынын Президенти

"Кыргыз Республикасындагы оюн-зоок иши жөнүндөгү" Кыргыз Республикасынын мыйзамына өзгөртүүлөр менен толуктоолорду киргизүү жөнүндөгү" Кыргыз Республикасынын мыйзамынын долбооруна САЛЫШТЫРМА ТАБЛИЦА

Он-зоок жайларынын ишин тартипке келтирүү, оюн-зоок бизнесин уюштуруучулар өз ишинин мыйзамдуу жүргүзүлүшүн камсыз кылуу, лицензиясы жок оюн-зоок ишин жүргүзүүгө жол бербөө, мыйзамдын ченемдерин туура эмес же карама каршылыктуу колдонулушуна жол бербөө, оюн-зоок ишинин субъекттеринин милдеттүү патенттин негизинде мамлекеттик бюджетке салыктарды төлөбөй качууга жол бербөө максатын көздөп Кыргыз Республикасынын ушул Мыйзамынын долбоору иштелип чыкты.

Ушул Мыйзамды кабыл алуу жана анын жоболорун турмушка ашыруу, мамлекеттик бюджеттен каржылык чыгымдардын жумшалышын эч качан талап кылбайт. Тескерисинче, ушул Мыйзамды кабыл алуу мамлекеттик бюджетке кошумча салык төлөмдөрүнүн түшүшүн камсыз кылат. Ушул Мыйзамды кабыл алуу, Кыргыз Республикасынын башка чендик-укуктук актыларына да өзгөртүүлөрдү жана толуктоолорду киргизүүнү да талап кылбайт.