КР Өкмөтүнүн «Кыргыз Республикасынын Өкмөтүнүн 1999-жылдын 7-сентябрындагы № 484 „Акы төлөнүүчү коомдук иштерди уюштуруу жана калкты ишке орноштуруунун мамлекеттик кызмат органдары тарабынан ишкерликти уюштуруу үчүн жумушсуз граждандарга финансылык колдоо көрсөтүүнүн жана чакан кредит берүүнүн, жумушсуз граждандар үчүн иш орундарын түзгөн иш берүүчүлөрдү финансылык жактан колдоонун тартиби жөнүндө жоболорду бекитүү тууралуу“ токтомуна толуктоолорду жана өзгөртүүлөрдү киргизүү жөнүндө» токтому

КР Өкмөтүнүн 2016-жылдын 12-апрелиндеги № 208 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ ТОКТОМ

2011-жылдын 11-февралы № 39 Кыргыз Республикасынын Өкмөтүнүн 1999-жылдын 7-сентябрындагы № 484 "Акы төлөнүүчү коомдук иштерди уюштуруу жана калкты ишке орноштуруунун мамлекеттик кызмат органдары тарабынан ишкерликти уюштуруу үчүн жумушсуз граждандарга финансылык колдоо көрсөтүүнүн жана чакан кредит берүүнүн, жумушсуз граждандар үчүн иш орундарын түзгөн иш берүүчүлөрдү финансылык жактан колдоонун тартиби жөнүндө жоболорду бекитүү тууралуу" токтомуна толуктоолорду жана өзгөртүүлөрдү киргизүү жөнүндө Кыргыз Республикасынын Убактылуу Өкмөтүнүн 2010-жылдын 24-июлундагы №109 "Коомдук иштерди аткаргандыгы үчүн Кыргыз Республикасынын жарандарынын акчалай жана натуралай түрдө киреше иретинде алган каражаттары жөнүндө" Декретине ылайык Кыргыз Республикасынын Өкмөтү ТОКТОМ КЫЛАТ:

1. Кыргыз Республикасынын Өкмөтүнүн 1999-жылдын 7-сентябрындагы № 484 "Акы төлөнүүчү коомдук иштерди уюштуруу жана калкты ишке орноштуруунун мамлекеттик кызмат органдары тарабынан ишкерликти уюштуруу үчүн жумушсуз граждандарга финансылык колдоо көрсөтүүнүн жана чакан кредит берүүнүн, жумушсуз граждандар үчүн иш орундарын түзгөн иш берүүчүлөрдү финансылык жактан колдоонун тартиби жөнүндө жоболорду бекитүү тууралуу" токтомуна төмөнкүдөй толуктоолор жана өзгөртүүлөр киргизилсин:

- токтом төмөнкүдөй мазмундагы 1-1 жана 1-2-пункттар менен толукталсын:

"1-1. Тиркелген Акы төлөнүүчү коомдук иштерди уюштуруунун жөнөкөйлөтүлгөн тартиби жөнүндө жобо бекитилсин. 1-2. Акы төлөнүүчү коомдук иштерди уюштуруунун жөнөкөйлөтүлгөн тартиби жөнүндө жобо 2012-жылдын 31-декабрына чейин колдонулары белгиленсин.";

- Акы төлөнүүчү коомдук иштерди уюштуруунун жөнөкөйлөтүлгөн тартиби жөнүндө жобо ушул токтомдун тиркемесине ылайык редакцияда берилсин;

- аталган токтом менен бекитилген Акы төлөнүүчү коомдук иштерди уюштуруунун жөнөкөйлөтүлгөн тартиби жөнүндө жободо:

бүткүл текст боюнча ар кандай жөндөмөдөгү "Кыргыз Республикасынын Эмгек жана социалдык коргоо министрлигинин Калкты ишке орноштуруу департаменти" деген сөздөр тийиштүү жөндөмөлөрдө "ишке орноштурууга көмөктөшүү боюнча ыйгарым укуктуу мамлекеттик орган" деген сөздөргө алмаштырылсын; ар кандай жөндөмөдөгү "калкты ишке орноштуруу мамлекеттик кызматы органдары", "мамлекеттик кызмат органдары", "калкты ишке орноштуруу органы" деген сөздөр тийиштүү жөндөмөлөрдө "ишке орноштурууга көмөктөшүү боюнча аймактык ыйгарым укуктуу орган" деген сөздөргө алмаштырылсын.

2. Бул токтом расмий жарыяланган күндөн тартып күчүнө кирет.

"Эркин Тоо" газетасынын 2011-жылдын 15-февралындагы № 12 жарыяланды

3. Бул токтомдун аткарылышын контролдоо Кыргыз Республикасынын Өкмөтүнүн Аппаратынын социалдык камсыз кылуу, саламаттык сактоо, эмгек жана миграция бөлүмүнө жүктөлсүн.

Премьер-министри

А.Атамбаев

Кыргыз Республикасынын Өкмөтүнүн 2011-жылдын 11-февралындагы № 39 токтомуна тиркеме "Кыргыз Республикасынын Өкмөтүнүн 1999-жылдын 7-сентябрындагы №484 токтому менен бекитилген

Акы төлөнүүчү коомдук иштерди уюштуруунун жөнөкөйлөтүлгөн тартиби жөнүндө ЖОБО

1. Акы төлөнүүчү коомдук иштер жумушсуз жана иш издеген жарандар үчүн туруктуу жашаган жериндеги каттоосуна карабастан, өзгөчө кырдаалдардын натыйжасында жабыр тарткан калктуу конуштарды, ошондой эле турак-жайларды калыбына келтирүү, Акы төлөнүүчү коомдук иштерди уюштуруу жөнүндө жободо көрсөтүлгөн көмөкчү жана башка квалификациялуу эмес иштерди аткаруу үчүн жөнөкөйлөтүлгөн тартипте уюштурулат.

2. Туруктуу жашаган жериндеги каттоосуна карабастан жумушсуз жана иш издеген жарандар үчүн жөнөкөйлөтүлгөн тартипте акы төлөнүүчү коомдук иштерди уюштуруучулар эл аралык, донордук жана өкмөттүк эмес уюмдар, анын ичинде Акы төлөнүүчү коомдук иштерди уюштуруу жөнүндө көрсөтүлгөн мамлекеттик органдар жана уюмдар болушу мүмкүн.

3. Акы төлөнүүчү коомдук иштерди каржылоо бул иштерди уюштурган иш берүүчүлөрдүн каражатынын, же болбосо макулдашуу боюнча эл аралык, донордук жана өкмөттүк эмес уюмдардын эсебинен жүргүзүлөт.

Акы төлөнүүчү коомдук иштердин долбоорлору эл аралык, донордук жана өкмөттүк эмес уюмдар тарабынан тең каржыланган учурда:

- жогоруда аталган уюмдардын каражатынан эмгек акысына кошумча акы төлөө каралат, ошол эле учурда эмгек акынын негизги суммасы акы төлөнүүчү коомдук иштерди уюштуруучулар тарабынан төлөнөт;

- иш берүүчүлөр, ишке орноштурууга көмөктөшүү боюнча ыйгарым укук берилген аймактык органдар жана эл аралык, донордук жана өкмөттүк эмес уюмдардын ортосундагы үч тараптуу келишим ушул токтомдун тиркемесинде келтирилген форма боюнча түзүлөт.

4. Ишке орноштурууга көмөктөшүү боюнча ыйгарым укуктуу аймактык органдар туруктуу жашаган жериндеги каттоосуна карабастан, акы төлөнүүчү коомдук иштерге жиберилген жумушсуздардын жана иш издеген жарандардын статистикалык эсебин алууну жүзөгө ашырышат.

5. Туруктуу жашаган жериндеги каттоосуна карабастан жумушсуздар жана иш издеген жарандар коомдук иштерди аткаргандыгы үчүн акчалай жана натуралай түрдө киреше катары алган каражаттар салык салынбаган киреше салыгы болуп саналат.

Туруктуу жашаган жериндеги каттоосуна карабастан жумушсуз жана иш издеген жарандар коомдук иштерди аткаргандыгы үчүн эмгек акы төлөөнүн суммасына камсыздандыруу төлөмдөрү чегерилбейт.

Тиркеме

Жөнөкөйлөтүлгөн тартипте акы төлөнүүчү коомдук иштерди уюштуруу КЕЛИШИМИ

20__-жылдын "__" ___________

Бул келишим иш менен камсыз кылууга көмөк көрсөтүү боюнча аймактык ыйгарым укуктуу органдын атынан иш алып барган начальник ______________ ___________________________________, бир тараптан, жана экинчи тараптан (фамилиясы, аты-жөнү) _______________________________________________________________, мындан ары "иш берүүчү" деп аталган __________________________________________ (юридикалык жактын аталышы) жетекчиси _____________________________________________________________ (фамилиясы, аты-жөнү) эл аралык, донордук жана өкмөттүк эмес уюмдун жетекчиси _______________ _____________________________________________________________ тарабынан (юридикалык жактын аталышы) төмөнкүлөр жөнүндө ушул келишимди түзүшөт:

1. Келишим предмети

1. Иш менен камсыз кылууга көмөк көрсөтүү боюнча ыйгарым укуктуу аймактык орган ________________________________________________________

(юридикалык жактын аталышы) коомдук иштерди аткарууга тиркелген тизме боюнча ______________________ _______________________________________________________________________ (жумушсуздардын жана иш издеген жарандардын саны) туруктуу катталган жерине карабастан жумушсуз жана иш издеген жарандарды жөнөтөт.

2. Иш берүүчү ____________________________________________________

(юридикалык жактын аталышы) _______________________________________________________________________ (жумуштун түрлөрү) боюнча коомдук акы төлөнүүчү жумуштарды берет.

2. Тараптардын милдеттери

3. 2-пунктта көрсөтүлгөн иштин түрлөрүн жүргүзүү үчүн келишимге кол койгон тараптар өзүнө төмөнкү милдеттенмелерди алышат:

- иш менен камсыз кылууга көмөк көрсөтүү боюнча аймактык ыйгарым укуктуу орган төмөнкүлөргө милдеттенет:

жумушсуздарга жана иш издеген жарандарга акы төлөөгө; айына ____________________________________________________________ өлчөмдөгү сумманы банкка же байланыштын почта бөлүмүнө жумушсуздун же иш издеген жарандын эсептешүү эсебине которууга;

- иш берүүчү төмөнкүлөргө милдеттенет:

иш менен камсыз кылууга көмөк көрсөтүү боюнча аймактык ыйгарым укуктуу органдын жолдомосу боюнча жумушсуз жана иш издеген ____________ _______________________________________________________________________ (жумушсуз жана иш издеген жарандар) жарандарды тиркелген тизме боюнча коомдук акы төлөнүүчү иштер менен камсыз кылууга; иштин көлөмү, жумуш жабдыктары, атайын кийимдер менен; жумуш убактысын эсепке алууну жүргүзүүгө; иш менен камсыз кылууга көмөк көрсөтүү боюнча аймактык ыйгарым укуктуу органга аткарылган жумуштун актыларын жана жумуш убактысын эсепке алуунун табелин берүүгө; аткарылган иш үчүн жумушсуздарга жана иш издеген жарандарга эмгек акы төлөөгө; коопсуздук техникасын сактоону камсыз кылууга;

- эл аралык, донордук жана өкмөттүк эмес уюмдар төмөнкүлөргө милдеттенет:

жумушсуздарга жана иш издеген жарандарга кошумча акы төлөөнү жүргүзүүгө; ____________________________________________ өлчөмүндө кошумча акы төлөөнү айына жумушсуздун же иш издеген жарандын банктагы же почта байланышы бөлүмүндөгү эсептешүү эсебине которууга.

3. Коомдук иштерди аткарууга чыгымдардын сметасы

4. Башка шарттар

4. Тараптардын ар бири ушул келишимге ылайык кабыл алынган милдеттенмелерди аткарууга башка тарапка максималдуу көмөк көрсөтүшү керек.

5. Тараптардын ортосунда келишимди аткарууда, өзгөртүүдө же бузууда келип чыккан талаш-тартыштар сүйлөшүүлөр жолу менен чечилет, ал эми макулдашууга жетишпеген учурда сот тартибинде каралат.

Бул келишим 201_-жылдын ___________ тартып 201_-жылдын _________ __________________________________________________ чейин күчүндө болот. (коомдук жумуштарды аткаруу мөөнөтү)

6. Ар бир кол койгон тарап келишимди бирден нускада алат. Бардык нускалар бирдей күчкө ээ.

7. Келишимге толуктоолорду жана өзгөртүүлөрдү киргизүү зарылчылыгы болсо, алар тараптар менен макулдашылат жана келишимге карата протокол түрүндө жазуу жүзүндө таризделет.

8. Бул келишим кол коюлган учурдан тартып күчүнө кирет жана ушул келишимде көрсөтүлгөн мезгилдин аралыгында колдонууда болот.

Тараптардын реквизиттери __________________________________________________________________ _______________________________________________________________________ _______________________________________________________________________

Тараптардын колу

М.О. _________________________ М.О. ________________________

(колу) (колу) 201_-жылдын "__" _____________ 201_-жылдын "__" ____________

Эл аралык, донордук, өкмөттүк эмес уюмдар

М.О. ____________________________

(колу) 201_-жылдын "__" _________________".