КР УО « Коомдук иштерди аткаргандыгы үчүн Кыргыз Республикасынын жарандарынын акчалай жана натуралай түрдө киреше иретинде алган каражаттары жөнүндө» Декрети

Бишкек шаары

2010-жылдын 24-июлу УӨ № 109

КЫРГЫЗ РЕСПУБЛИКАСЫНЫН УБАКТЫЛУУ ӨКМӨТҮНҮН ДЕКРЕТИ

Коомдук иштерди аткаргандыгы үчүн Кыргыз Республикасынын

жарандарынын акчалай жана натуралай түрдө киреше иретинде

алган каражаттары жөнүндө

Кыргыз Республикасынын бүлгүнгө учураган калктуу пункттарын калы-

бына келтирүү жана калкты иш менен камсыз кылууга көмөктөшүү боюнча

мамлекеттик колдоо жана иш чараларды өткөрүү максатында Кыргыз Респуб-

ликасынын Убактылуу Өкмөтү ушул Декретти кабыл алат:

1. Кыргыз Республикасынын жарандары коомдук иштерди аткаргандыгы

үчүн акчалай жана натуралай түрдө киреше иретинде алган каражаттары ки-

реше салыгы салынбаган киреше катары белгиленсин.

2. Кыргыз Республикасынын жарандарына коомдук иштерди аткаргандыгы

үчүн эмгек акысынын суммасына камсыздандыруу взносу чегерилбей турган-

дыгы белгиленсин.

3. Кыргыз Республикасынын Эмгек, иш менен камсыз кылуу жана мигра-

ция министрлиги Кыргыз Республикасынын Жергиликтүү өз алдынча башкаруу

иштери боюнча улуттук агенттиги менен бирдикте акы төлөнүүчү коомдук

иштерди уюштуруунун жөнөкөйлөштүрүлгөн тартиби тууралуу Жобонун долбоо-

рун иштеп чыксын жана Кыргыз Республикасынын Өкмөтүнүн бекитүүсүнө кир-

гизсин.

4. Кыргыз Республикасынын ченемдик укуктук актылары ушул Декретке

карама каршы келбеген бөлүгүндө колдонула тургандыгы белгиленсин.

5. Декрет расмий жарыяланган күндөн тартып күчүнө кирет жана

2012-жылдын 31-декабрын кошуп алганда күчүндө болот.

Кыргыз Республикасынын

Убактылуу Өкмөтүнүн Төрагасы Р.Отунбаева