Кыргыз Республикасынын Өкмөтүнүн «Үй-бүлөнү жана энени колдоо жөнүндө» токтому

КР Өкмөтүнүн 2017-жылдын 19-июнундагы № 386 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2012-жылдын 1-октябры № 666 Үй-бүлөнү жана энени колдоо жөнүндө

Кыргыз Республикасынын Президентинин 2012-жылдын 23-апрелиндеги № 93 "Кыргыз Республикасында Энелер күнүн белгилөө жөнүндө" Жарлыгын ишке ашыруу максатында Кыргыз Республикасынын Өкмөтү ТОКТОМ КЫЛАТ:

1. Төмөнкүлөр бекитилсин:

- 2012-2015-жылдарга үй-бүлөнү жана энени колдоо боюнча комплекстүү программа (мындан ары - Комплекстүү программа) 1-тиркемеге ылайык;

- 2012-2015-жылдарга үй-бүлөнү жана энени колдоо боюнча комплекстүү программаны ишке ашырууга карата иш-чаралар планы (мындан ары Иш-чаралар планы) 2-тиркемеге ылайык.

2. Аткаруу бийлигинин мамлекеттик органдары жана Бишкек жана Ош шаарларынын мэриялары (макулдашуу боюнча):

- Комплекстүү программанын жана Иш-чаралар планынын иш-чараларын тийиштүү жылга бекитилген бюджеттердин, ошондой эле Кыргыз Республикасынын мыйзамдарында тыюу салынбаган башка булактардын алкагында ишке ашырышсын;

- жарандык коомчулуктун, эл аралык жана коммерциялык эмес уюмдардын өкүлдөрүнүн катышуусунда Комплекстүү программаны жана Иш-чаралар планын аткаруу боюнча чараларды көрүшсүн;

- квартал сайын, отчеттук мезгилдин кийинки айдын 5инен кечиктирбестен 3-тиркемеге ылайык форма боюнча Иш-чаралар планынын аткарылышынын жүрүшү жөнүндө маалыматты Кыргыз Республикасынын Жаштар, эмгек жана иш менен камсыз кылуу министрлигине берип турушсун.

3. Кыргыз Республикасынын Жаштар, эмгек жана иш менен камсыз кылуу министрлиги:

- квартал сайын, отчеттук мезгилдин кийинки айдын 15инен кечиктирбестен Иш-чаралар планынын аткарылышынын жүрүшү жөнүндө жалпыланган маалыматты Кыргыз Республикасынын Өкмөтүнүн Аппаратына берип турсун;

- Комплекстүү программаны жана Иш-чаралар планын ишке ашыруунун мониторингинин ар жылдык жыйынтыгы боюнча зарыл учурда Комплекстүү жалпыланган маалыматты Кыргыз Республикасынын Өкмөтүнүн Аппаратына берип турсун;

- Комплекстүү программаны жана Иш-чаралар планын ишке ашыруунун мониторингинин ар жылдык жыйынтыгы боюнча зарыл учурда Комплекстүү программага жана Иш-чаралар планына өзгөртүүлөрдү жана толуктоолорду киргизүү жөнүндө сунуш киргизип турсун.

4. Бул токтомдун аткарылышын контролдоо Кыргыз Республикасынын Өкмөтүнүн Аппаратынын социалдык жана гуманитардык өнүктүрүү бөлүмүнө жүктөлсүн.

5. Бул токтом расмий жарыяланган күндөн тартып күчүнө кирет.

Премьер-министри

Ж. Сатыбалдиев

2-тиркеме

2012-2015-жылдарга үй-бүлөнү жана энени колдоо боюнча комплекстүү программаны ишке ашырууга карата ИШ-ЧАРАЛАР ПЛАНЫ

Кыскартуулардын тизмеси:

КРӨМА - Кыргыз Республикасынын Өкмөтүнө караштуу Курулуш жана региондук өнүктүрүү боюнча мамлекеттик агенттик; ДСМА - Кыргыз Республикасынын Өкмөтүнө караштуу Дене тарбия жана спорт мамлекеттик агенттиги; ӨЖТ - өз ара жардам тобу; АҮАЖ - аз камсыз үй-бүлөлөргө ар айлык жөлөкпул; АСЖ - ар айлык социалдык жөлөкпул; ДАУ - дарылоо-алдын алуу уюмдары; ИИМ - Кыргыз Республикасынын Ички иштер министрлиги; ЖМА - жергиликтүү мамлекеттик администрациялар; ССМ - Кыргыз Республикасынын Саламаттык сактоо минист- рлиги; МТМ - Кыргыз Республикасынын Маданият жана туризм ми- нистрлиги; ЖЭИКМ - Кыргыз Республикасынын Жаштар, эмгек жана иш ме- нен камсыз кылуу министрлиги; БМ - Кыргыз Республикасынын Билим берүү жана илим ми- нистрлиги; СӨМ - Кыргыз Республикасынын Социалдык өнүгүү минист- рлиги; ТКМ - Кыргыз Республикасынын Транспорт жана коммуника- циялар министрлиги; ЮМ - Кыргыз Республикасынын Юстиция министрлиги; УИА - Кыргыз Республикасынын Улуттук илимдер академия- сы; Улуттукстатком - Кыргыз Республикасынын Улуттук статистика комите- ти; ЖӨБО - жергиликтүү өз алдынча башкаруу органдары; КТРК - Кыргыз Республикасынын Коомдук телерадиоберүү корпорациясы.

3-тиркеме

Маалымат берүү формасы