КР Өкмөтүнүн 2012-жылдын «Кесиптик көндүмдөрдү өнүктүрүү боюнча улуттук кеңеш жөнүндө» токтому

КР Министрлер Кабинетинин 2021-жылдын 15-июлундагы № 78 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2012-жылдын 23-марты № 193 Кесиптик көндүмдөрдү өнүктүрүү боюнча улуттук кеңеш жөнүндө (КР Өкмөтүнүн 2013-жылдын 1-июлундагы N 395, 2015-жылдын 6-июлундагы № 452, 2017-жылдын 20-октябрындагы № 684 токтомдорунун редакцияларына ылайык) Азия өнүктүрүү банкынын консультациялык миссиясынын ишинин жыйынтыгы боюнча иштелип чыккан Инвестициялык климатты жакшыртуу программасынын иш-чараларын ишке ашыруу, эмгек рыногунун талаптарына ылайык кадрларды даярдоо маселелери боюнча мамлекеттик органдардын жана социалдык өнөктөштөрдүн өз ара аракетин координациялоо максатында Кыргыз Республикасынын Өкмөтү ТОКТОМ КЫЛАТ:

1. Кесиптик көндүмдөрдү өнүктүрүү боюнча улуттук кеңеш 1-тиркемеге ылайык курамда түзүлсүн.

2. Кесиптик көндүмдөрдү өнүктүрүү боюнча улуттук кеңеш жөнүндө жобо 2-тиркемеге ылайык бекитилсин.

3. Бул токтом расмий жарыяланган күндөн тартып күчүнө кирет.

Премьер-министр

Ө. Бабанов

1-тиркеме

Кесиптик көндүмдөрдү өнүктүрүү боюнча улуттук кеңештин КУРАМЫ (КР Өкмөтүнүн 2017-жылдын 20-октябрындагы № 684 токтомунун редакциясына ылайык) Кыргыз Республикасынын социалдык блок боюнча вице-премьер-министри, Кеңештин төрагасы; Кыргыз Республикасынын Билим берүү жана илим министри, Кеңештин төрагасынын орун басары; Кыргыз Республикасынын Экономика министри; Кыргыз Республикасынын Финансы министри; Кыргыз Республикасынын Айыл чарба, тамак-аш өнөр жайы жана мелиорация министри; Кыргыз Республикасынын Транспорт жана жол министри; Кыргыз Республикасынын Эмгек жана социалдык өнүктүрүү министри; Кыргыз Республикасынын Өкмөтүнө караштуу Мамлекеттик миграция кызматынын төрагасы; Кыргыз Республикасынын Билим берүү жана илим министрлигинин алдындагы Башталгыч кесиптик билим берүү агенттигинин директору; Кыргыз Республикасынын Экономика министрлигинин алдындагы Инвестицияларды жана экспортту илгерилетүү боюнча агенттиктин директору; Кыргыз Республикасынын Соода-өнөр жай палатасынын улук вице-президенти (макулдашуу боюнча); "Байланыш операторлору ассоциациясы" юридикалык жактардын бирикмесинин төрагасы (макулдашуу боюнча); "Кыргыз КНАУФ маркетинг" жоопкерчилиги чектелген коомунун ресурстук борборунун жетекчиси (макулдашуу боюнча); "Легпром" Кыргыз Республикасынын жеңил өнөр жай ишканаларынын ассоциациясы" юридикалык жактардын бирикмесинин президенти (макулдашуу боюнча); "Союзтекстиль" текстилдик өнөр жай ишканалар союзунун ассоциациясы" юридикалык жактардын бирикмесинин президенти (макулдашуу боюнча); "Коомдук тамактануу ишканаларынын ассоциациясы" юридикалык жактардын бирикмесинин директору (макулдашуу боюнча); "Алдыңкы рестораторлордун жана отельерлердин ассоциациясы" юридикалык жактардын бирикмесинин директору (макулдашуу боюнча); "Кыргыз Республикасынын куруучулар союзу" юридикалык жактардын бирикмесинин төрагасы (макулдашуу боюнча); "Түндүк электр" ачык акционердик коомунун окуу борборунун начальниги (макулдашуу боюнча); Кыргыз Республикасынын тоо-кен өнөр жай кызматкерлеринин жана геологдорунун ассоциациясы" юридикалык жактардын бирикмесинин төрагасы (макулдашуу боюнча); "Био-KG" органикалык кыймылынын ассоциация-федерациясы" юридикалык жактардын бирикмесинин президенти (макулдашуу боюнча); "Эл аралык ишкер кеңеши" коомдук бирикмесинин башкармалыгынын өкүлү (макулдашуу боюнча); БАУА Бизнес-ассоциацияларынын Улуттук альянсынын катчылыгынын жетекчиси (макулдашуу боюнча).