КР Өкмөтүнүн «Кыргыз Республикасынын бюджеттик чөйрөсүнүн кызматкерлеринин эмгегине акы төлөөнү реформалоонун 2011-2015-жылдарга карата концепциясын жүзөгө ашыруу боюнча иш-чаралар планын бекитүү жөнүндө» токтому

(КР Министрлер Кабинетинин 2022-жылдын 14-январындагы № 9 токтомуна ылайык күчүн жоготту)

КЫРГЫЗ РЕСПУБЛИКАСЫНЫН ӨКМӨТҮ ТОКТОМ 2011-жылдын 26-июлу № 413 Кыргыз Республикасынын бюджеттик чөйрөсүнүн кызматкерлеринин эмгегине акы төлөөнү реформалоонун 2011-2015-жылдарга карата концепциясын жүзөгө ашыруу боюнча иш-чаралар планын бекитүү жөнүндө Кыргыз Республикасынын Өкмөтүнүн 2011-жылдын 17-майындагы № 237 «Кыргыз Республикасынын бюджеттик чөйрөсүнүн кызматкерлеринин эмгегине акы төлөөнү реформалоонун 2011-2015-жылдарга карата концепциясы жөнүндө» токтомун жүзөгө ашыруу максатында Кыргыз Республикасынын Өкмөтү ТОКТОМ КЫЛАТ:

1. Тиркелген Кыргыз Республикасынын бюджеттик чөйрөсүнүн кызматкерлеринин эмгегине акы төлөөнү реформалоонун 2011-2015-жылдарга карата концепциясын жүзөгө ашыруу боюнча иш-чаралар планы (мындан ары - Иш-чаралар планы) бекитилсин.

2. Министрликтер, мамлекеттик комитеттер, администрациялык ведомстволор, аткаруу бийлигинин башка органдары, жергиликтүү мамлекеттик администрациялар:

- жарым жылдыктын жыйынтыгы боюнча, отчёттук мезгилден кийинки айдын 15инен кечиктирбей Иш-чаралар планын аткаруунун жүрүшү жөнүндө маалыматты Кыргыз Республикасынын Эмгек, ишке орноштуруу жана миграция министрлигине берип турушсун;

- ар бир жылдын жыйынтыгы боюнча алдыдагы жылга Иш-чаралар планын тактоо боюнча сунуштарды киргизишсин.

3. Кыргыз Республикасынын Эмгек, ишке орноштуруу жана миграция министрлиги:

- Иш-чаралар планын ишке ашырууга мониторинг жүргүзсүн;

- ар бир жарым жылдыктын жыйынтыгы боюнча, отчёттук мезгилден кийинки айдын 25инен кечиктирбей Иш-чаралар планын аткаруунун жүрүшү жөнүндө жалпыланган маалыматты Кыргыз Республикасынын Өкмөтүнүн Аппаратына берип турсун.

4. Кыргыз Республикасынын Финансы министрлиги жыл сайын Республикалык бюджет жөнүндө мыйзам долбоорун иштеп чыгууда Иш-чаралар планын ишке ашыруу үчүн каражат карасын.

5. Бул токтом расмий жарыяланган күндөн тартып күчүнө кирет.

6. Бул токтомдун аткарылышын контролдоо Кыргыз Республикасынын Өкмөтүнүн Аппаратынын тиешелүү бөлүмдөрүнө жүктөлсүн.

Премьер-министр

А. Атамбаев

Кыргыз Республикасынын Өкмөтүнүн 2011-жылдын 26-июлундагы № 413 токтому менен бекитилген

Кыргыз Республикасынын бюджеттик чөйрөсүнүн кызматкерлеринин эмгегине акы төлөөнү реформалоонун 2011-2015-жылдарга карата концепциясын жүзөгө ашыруу боюнча иш-чаралар планы

№

Иш-чаралар

Жүзөгө ашыруунун формасы

Аткаруу мөөнөттөрү

Каржылоо булактары

Жооптуу аткаруучулар

Күтүлүүчү натыйжалар

1.

Илим жана илимий тейлөө кызматкерлеринин эмгегине акы төлөөнүн жаңы шарттарын киргизүү

КРӨкмөтүнүн токтому

2011-жылдын 2-жарым жылдыгы

Республикалык бюджет

БИМ,УИА (макулдашуу боюнча)

Эмгекке акы төлөөнүн тармактык системасын ишке киргизүү

2.

КР Коомдук телерадиоберүү корпорациясыньш, анын ведомстволук бөлүмдөрүнүн жана КР «Коомдук телекөрсөтүү - ЭЛТР» телерадиоберүү компаниясынын кызматкерлеринин эмгегине акы төлөөнүн жаны шарттарын киргизүү

КР Өкмөтүнүн токтому

2011-жылдын 2-жарым жылдыгы

Республикалык бюджет

КТРК (макулдашуу боюнча), «ЭЛТР» (макулдашуу боюнча)

3.

Токой жана аңчылык чарбаларынын, мамлекеттик коруктардын жана улуттук жаратылыш парктарынын кызматкерлеринин эмгегине акы төлөө шарттарын өркүндөтүү

КР Өкмөтүнүн токтому

2012-жылдын 1-жарым жылдыгы

Республикалык бюджет

КЧКТМА

Эмгек акы төлөөнүн тармактык системасын киргизүү

4.

КР ӨКМнын алдындагы Гидрометеорология боюнча агенттиктин кызматкерлеринин эмгегине акы төлөө шарттарын өркүндөтүү

КР Өкмөтүнүн токтому

2012-жылдын 1-жарым жылдыгы

Республикалык бюджет

ӨКМ

5.

Кенже жана техникалык жана тейлөөчү персонал үчүн убакыт жана иш нормативдерин иштеп чыгуу жана бекитүү

КР Өкмөтүнүн токтому

2011-жылдын 2-жарым жылдыгы

Республикалык бюджет

ЭИМ, министрликтер, ведомстволор

Кенже жана техникалык жана тейлөөчү персонал үчүн убакыт жана иш нормативдери аныкталат

6.

Социалдык чөйрөдө иштеген кенже жана техникалык тейлөөчү персоналдын эмгегине акы төлөөнүн жаңы шарттары иштеп чыгуу

КР Өкмөтүнүн токтому

2011-жылдын 2-жарым жылдыгы

Республикалык бюджет

ЭИМ, Финмин, министрликтер, ведомстволор

Кенже жана техникалык тейлөөчү персоналдын эмгек акылары жогорулатылат

7.

Бюджеттик чөйрөдө иштеген кенже жана техникалык тейлөөчү персоналдын эмгегине акы төлөөнүн жаңы шарттарын жакшыртуу

КР Өкмөтүнүн токтому

2012-жылдын ичинде

Республикалык бюджет

ЭИМ, Финмин, министрликтер, ведомстволор

8.

Иштеген жылдары үчүн үстөктөрдү белгилөө:

КР Өкмөтүнүн токтому

2012-жылдын ичинде

Республикалык бюджет

БИМ, УИА (макулдашуу боюнча), Финмин. Маданиятмин, Финмин.

Тармактык өзгөчөлүктөрүн эске алуу менен социалдык чөйрөнүн кызматкерлерине дем берүүчү төлөөлөрдүн түрлөрүн жана өлчөмдөрүн бир түргө келтирүү

- илим жана илимий тейлөө кызматкерлерине;

- маданият жана маалымат чөйрөсүндөгү уюмдардын жана мекемелердин кызматкерлерине;

- дене тарбия жана спорт чөйрөсүнүн кызматкерлерине;

Спорт агенттиги, Финмин КСКМ, Финмин

- социалдык кызматкерлерге.

9.

Кызматтык маяналарын жогорулатуу жолу менен социалдык кызматкерлердин эмгегине акы төлөө шарттарын кайра кароо

«КР Өкмөтүнүн 2011-жылдын 19-апрелиндеги №170»Калкты социалдык коргоо системасынын кызматкерлеринин айрым категорияларынын эмгегине акы төлөө шарттары жөнүндө» токтомуна өзгөртүүлөрдү киргизүү тууралуу» КР Өкмөтүнүн токтому

2011-жылдын 2-жарым жылдыгы

Республикалык бюджет

КСКМ, Финмин

Социалдык кызматкерлердин кызматтык маяналарын жогорулатуу

10.

Мамлекеттик кызматчылардын категориясына кирбеген жана аткаруу бийлигинин мамлекеттик органдарынын ведомстволук мекемелерин кошкондо мамлекеттик мекемелерде иштеген кызматкерлердин эмгегине акы төлөө шарттарын өркүндөтүү

«КР Өкмөтүнүн 2008-жылдын 11-июлундагы №372 «Мамлекеттик мекемелерде, анын ичинде аткаруу бийлигинин мамлекеттик органдарынын карамагындагы мекемелерде иштеген жана мамлекеттик кызматкерлердин категорияларына кирбеген кызматкерлерге эмгек акы төлөөнүн шарттары жөнүндө» токтомуна өзгөртүүлөрдү киргизүү тууралуу» КР Өкмөтүнүн токтому

2013-жылдын ичинде

Республикалык бюджет

ЭИМ, Финмин, министрликтер, ведомстволор

Аталган кызматкерлердин кызматтык маяналарын жогорулатуу. Кызматкерлердин материалдык абалдарын жакшыртуу

11.

Кыргыз Республикасынын Коргоо министрлигинин аскер кызматчыларын акчалай үлүш менен камсыздоо системасын иштеп чыгуу

КР Өкмөтүнүн «КР Коргоо министрлигинин аскер кызматчыларынын акчалай үлүшү жөнүндө жобону бекитүү тууралуу» токтому

2012-жылдын 1-январына чейин

Республикалык бюджет

КМ, Финмин

Аскер кызматчыларынын акчалай үлүш системасын тартипке келтирүү

12.

Аскер кызматчыларынын (КР Коргоо министрлигинен башка) жана укук коргоо органдарынын кызматкерлеринин эмгегине акы төлөө шарттарын өркүндөтүү

КР Өкмөтүнүн токтому

2013-жылдын 1-январына чейин

Республикалык бюджет

ИИМ, ӨКМ, МУКК, ЖАМК, ФПМК, ФЧМК, МБК, Финмин

Аскер кызматчыларынын жана укук коргоо органдарынын кызматкерлеринин эмгегине акы төлөө шарттарын бир түргө келтирүү

13.

Укук коргоо органдарынын, Куралдуу Күчтөрдүн жана башка аскердик түзүлүштөрдүн жарандык жана эркин жалданган персоналынын эмгегане акы төлөө шарттарын өркүндөтүү

КР Өкмөтүнүн 2008-жылдын 14-августундагы №440 токтомуна өзгөртүүлөрдү киргизүү жөнүндө» КР Өкмөтүнүн токтому

2012-жылдын 1-жарым жылдыгы

Республикалык бюджет

ИИМ, ӨКМ, КМ, МУКК, ЖАМК, ФПМК, ФЧМК, Финмин

Укук коргоо органдарынын, Куралдуу Күчтөрдүн жана башка аскердик түзүлүштөрдүн жарандык жана эркин жалданган персоналына жаңы базалык маяналарды белгилөө, эмгегине акы төлөө шарттарын бир түргө келтирүү

14.

Бюджеттик чөйрөнүн «Эмгек сиңирген» ардак наамы бар кызматкерлеринин эмгек акысына үстөк белгилөө

«КР Өкмөтүнүн 2011-жылдын 25-майындагы №240 «Социалдык чөйрөдөгү мекемелердин жана уюмдардын кызматкерлерине «Эл» жана «Эмгек сиңирген» деген ардактуу наамдар үчүн үстөк акылар жөнүндө» токтомуна өзгөртүүлөрдү киргизүү тууралуу»КР Өкмөтүнүн токтому

2014-жыл ичинде

Республикалык бюджет

ЭИМ, Финмин

Бюджеттик чөйрөнүн кызматкерлеринин эмгек акысынын дем берүүчү потенциалын жогорулатуу

15.

Илимий, педагогикалык кызматкерлердин, профессордук-окутуучулук курамдын, жана башка кызматкерлердин, анын ичинде мамлекеттик бийлик органдарынын кызматкерлеринин эмгек акысына илимий даражасы үчүн үстөктөрдүн өлчөмүн көбөйтүү

«КР Өкмөтүнүн 2006-жылдын 4-июлундагы №492 «Илимий даражасы үчүн үстөктөрдү белгилөө жөнүндө» токтомуна өзгөртүү киргизүү тууралуу» КР Өкмөтүнүн токтому

2013-жыл

Республикалык бюджет

БИМ, Финмин

16.

Мамлекеттик кызматчылардын эмгек акы системасын градацияларын реформалоонун реалисттик программасын ишке ашыруу боюнча мамлекеттик стратегияны иштеп чыгуу

КР Өкмөтүнүн токтому

2013-жыл

Эл аралык уюмдардын каражаттарынын эсебинен

Кадр кызматы (макулдашуу боюнча), министрликтер, ведомстволор

Мамлекеттик кызматчыларга эмгек акы төлөө шарттарын жакшыртуу

17.

Мамлекеттик, муниципалдык кызматкерлердин жана республикалык бюджеттен каржылануучу кызматкерлердин башка категорияларына эмгек акы төлөөнүн шарттарын иштеп чыгуу

КР Өкмөтүнүн токтому

2011-2012-жылдар

Республикалык бюджет

Финмин, министрликтер, ведомстволор, ЖМА

Мамлекеттик, муниципалдык кызматкерлердин жана башка категориялардагы кызматкерлердин эмгек акы төлөөнүн жаңы шарттары киргизилет

18.

Өзгөчө шарттарда эмгекке акы төлөөнүн шарттарын жөнгө салуучу ченемдик укуктук базаны өркүндөтүү, шптин өзгөчө мүнөзүнө байланыштуу кепилдиктерди жана компенсацияларды берүү иштеп чыгуу

КР Өкмөтүнүн токтому

2011-2015-жылдар

Республикалык бюджет

ЭИМ

Бюджеттик чөйрөсүнүн кызматкерлеринин эмгек акынын компенсациялык потенциалын жогорулатуу

Иш-чаралар планында пайдаланылган кыскартуулардын тизмеси:

КР

Кыргыз Республикасы

эим

Кыргыз Республикасынын Эмгек, ишке орноштуруу жана миграция министрлиги

Финмин

Кыргыз Республикасынын Финансы министрлиги

БИМ

Кыргыз Республикасынын Билим берүү жана илим министрлиги

ИИМ

Кыргыз Республикасынын Ички иштер министрлиги

ӨКМ

Кыргыз Республикасынын Өзгөчө кырдаалдар министрлиги

КМ

Кыргыз Республикасынын Коргоо министрлиги

Маданиятмин

Кыргыз Республикасынын Маданият жана маалымат министрлиги

КСКМ

Кыргыз Республикасынын Калкты социалдык коргоо боюнча министрлиги

ЖМА

Жергиликтүү мамлекеттик администрациялар

МКК

Кыргыз Республикасынын Мамлекеттик кадрлар кызматы

МУКК

Кыргыз Республикасынын Мамлекеттик улуттук коопсуздук комитети

ЖАМК

Кыргыз Республикасынын Өкмөтүнө караштуу Жазаларды аткаруу мамлекеттик кызматы

ФПМК

Кыргыз Республикасынын Өкмөтүнө караштуу Финансылык полиция мамлекеттик кызматы

ФЧМК

Кыргыз Республикасыньш Өкмөтүнө караштуу Финансылык чалгындоо мамлекеттик кызматы

МБК

Кыргыз Республикасынын Өкмөтүнө караштуу Мамлекеттик бажы кызматы

КЧКТМА

Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы мамлекеттик агенттиги

ЖӨБУА

Кыргыз Республикасынын Жергиликтүү өз алдынча башкаруу иштери боюнча улуттук агенттиги

УИА

Кыргыз Республикасынын Улуттук илимдер академиясы

КТРК

Кыргыз Республикасынын Коомдук телерадиоберүү корпорациясы

ЭлТР

«Коомдук телекөрсөтүү - ЭЛТР»