Мамлекеттик, анын ичинде администрациялык курулмаларды, имараттарды (жайларды) пайдалангандык үчүн ижара акысын эсептөө тартиби жөнүндө Нускама (Кыргыз Республикасынын Өкмөтүнүн токтому менен бекитилген)

Кыргыз Республикасынын Өкмөтүнүн 2011-жылдын 30-майындагы №263 токтому менен бекитилген

Мамлекеттик, анын ичинде администрациялык курулмаларды, имараттарды (жайларды) пайдалангандык үчүн ижара акысын эсептөө тартиби жөнүндө НУСКАМА (КР Өкмөтүнүн 2012-жылдын 17-февралындагы №104 токтомунун редакциясына ылайык) Бул Нускама Кыргыз Республикасынын Граждандык кодексине жана ижара мамилелерин жөнгө салуучу башка ченемдик актыларга ылайык иштелип чыккан жана ижара акысын эсептөөнүн, мамлекеттик мүлктү ижаралоо келишимдерин күбөлөндүрүүнүн тартибин аныктайт. Мамлекеттик, анын ичинде администрациялык курулмаларды, имараттарды (жайларды) пайдалангандык үчүн ижара акысы төмөнкүдөй формула боюнча эсептелет: Аа.ак. = К1 х К2 х (S х 1) + Аж, (1) мында: Аа.ак. - имарат үчүн бир айлык ижара акысынын өлчөмү; К1 - имараттын жайгашкан ордунун коэффициенти; К2 - имаратты пайдалануунун тармактык коэффициенти; S - ижарага берилчү имараттын аянты; 1 - ижаралык төлөмдү коррекциялоочу ставка (сом); Аж - жер участогун пайдалангандык үчүн акы. Эсептөөдө пайдаланылган коэффициенттердин чоңдугу төмөнкүдөй критерийлер боюнча аныкталат:

а) К1 - имараттын жайгашкан ордунун коэффициенти.

Мамлекеттик курулмалардын, имараттардын (жайлардын) жайгашкан ордун эске алып, төмөнкүдөй коэффициенттер пайдаланылат (Бишкек ш. боюнча):

- 1-зона - Бөкөнбаев, Суюмбаев, Фрунзе көчөлөрүнүн, Манас пр., Бөкөнбаев чегиндегилер - 5;

- 2-зона - Тынчтык пр., Ахунбаев, Шабдан-Баатыр, Курманжан Датка, Жибек-Жолу, Фучик, Москва, Некрасов, Л.Толстой көчөлөрүнүн, Тынчтык пр. чегиндегилер - 4;

- 3-зона - калгандары - 3,5.

Ош шаарында - 3; республиканын калган региондорунда - 2,5;

б) К2 - имаратты пайдалануунун тармактык коэффициенти:

1. Медициналык тейлөө кызматын көрсөтүү:

1) лаборатория, дарыкана, медицина борбору, дарылоо бөлмөсү - 28;

2) УЗИ, рентген бөлмөсү, кароо бөлмөсү, укалоо бөлмөсү, стоматология - 25;

3) дары препараттарды даярдоо, стационарлар - 22.

2. Өндүрүш:

1) шлакоблокторду, курулуш материалдарын өндүрүү - 30;

2) кампа, жашылча сактоочу жай - 30;

3) телекоммуникациялар үчүн антенналарды жана жабдууларды орнотуу - 40;

4) фильмдерди чыгаруу - 10;

5) тигүү цехи - 28;

6) басма борборлору - 25;

7) башка өндүрүштүк тейлөөлөр - 20.

3. Турмуш-тиричилик кызматы:

1) химиялык тазалоо, бут кийимдерди оңдоо, тиричилик тейлөө комбинаты, боео устаканасы - 35;

2) ксерокс - 40;

3) чач тарач, сулуулук салону, косметика салону - 32;

4) жаңы үйлөнгөндөр үчүн салон - 35;

5) окуу борбору, анын ичинде балдарды окутуу борбору - 24;

6) офис - 25.

4. Көңүл ачуулар:

1) (КР Өкмөтүнүн 2012-жылдын 17-февралындагы №104 токтомуна ылайык күчүн жоготту)

2) бильярд жана башка көңүл ачуучу жана видео оюндар - 35;

3) электрондук оюндар залы - 33;

4) мейманкана - 28;

5 ) кинотеатр - 15;

6) ресторан, кафе, бар - 35;

7) киновидеопрокат, компьютер кызматы, фото тейлөө кызматы, бассейн, сауна, мончо, бизнес-борбор, биржа - 28.

(КР Өкмөтүнүн 2012-жылдын 17-февралындагы №104 токтомунун редакциясына ылайык)

5. Финансылык мекемелер:

1) көчмө касса, финансылык бланктарды реализациялоо пункту - 30;

2) валюта алмаштыруу пункту - 30;

3) күрөөкана - 30;

4) банктык кызмат - 55;

5) төлөмдөрдү кабыл алуу пункту - 40.

6. Коомдук тамак-аш ишканалары:

1) ресторан - 35;

2) кафе, бар - 33;

3) кондитердик цех - 25;

4) наабайкана - 20;

3) дүкөн, буфет, соода түйүнү, киоск, ларек - 26;

4) ашкана - 15.

7. Ар түрдүү:

1) автоунаа оңдоо жана техникалык жактан тейлөө үчүн имарат, автоунаа токтоочу жай, гараж, май куюучу станциялар - 30;

2) жарнамалык курулмалар - 50.

Жогоруда аталгандан башка жайлар үчүн колдонулуучу коэффициент 17. Жердин ижара акысы (Аж) төмөнкүдөй формула боюнча эсептелет: Аж = С х S х Ки х К1 х К2, мында: (2) С - айыл чарбалык эмес багыттагы жерди пайдалангандык үчүн жер салыгынын негизги ставкасы; S - жер участоктун аянты. Төмөнкүдөй формула боюнча эсептелинет: жер участоктун аянтын имаратты жалпы аянтына бөлүнөт жана ижарага берилүүчү аянтка көбөйтүлөт; Ки - инфляция коэффициенти; К1 - экономикалык-пландаштыруу зоналарынын коэффициенти; К2 - коммерциялык пайдалануу коэффициенти. Айыл чарбалык эмес багыттагы жерлерди пайдалангандык үчүн жер салыгынын базалык ставкасы жана жер салыгын дифференциялоо үчүн коэффициенттер мыйзамда белгиленгенге ылайык кабыл алынат. Ижара акысынын чоңдугуна имараттарды эксплуатациялоо, имараттарды жана жайларды күнүмдүк ремонттоо, жылытуу боюнча чыгымдар, коммуналдык тейлөөгө жана башка кызматтарга чыгымдар кирбейт. Тараптардын ортосунда ижара акысынын өлчөмү жөнүндө жазуу жүзүндө макулдашылган шарттары жок болсо ижара келишими түзүлбөгөн болуп эсептелет.