Аккаунтту тууралаңыз

Текшерүү

Бул документ боюнча сурооңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Мисалы:

ИздөөПостановление

КР УӨ «Куралдарды, ок-дарыларды, жарылгыч заттарды жана жардыргыч түзүлүштөрдү мыйзамсыз жүгүртүүнү болтурбоо боюнча чаралар жөнүндө» токтому

Постановление2010-жылдын 7-майы, № 32Күчүндөред.: 2010-жылдын 7-майы

КЫРГЫЗ РЕСПУБЛИКАСЫНЫН ӨКМӨТҮ ТОКТОМ

2010-жылдын 7-майы УӨ №32 Куралдарды, ок-дарыларды, жарылгыч заттарды жана жардыргыч түзүлүштөрдү мыйзамсыз жүгүртүүнү болтурбоо боюнча чаралар жөнүндө Кыргыз Республикасынын Убактылуу Өкмөтүнүн 2010-жылдын 7-апрелиндеги № 1 Декретине ылайык, Кыргыз Республикасынын аймагында куралдарды, ок-дарыларды, жарылгыч заттарды жана жардыргыч түзүлүштөрдү мыйзамсыз жүгүртүүнү болтурбоо боюнча иштерди өркүндөтүү максатында Кыргыз Республикасынын Убактылуу Өкмөтү ТОКТОМ КЫЛАТ:

1. Төмөнкү тиркелгендер бекитилсин:

- Жарандардан мыйзамсыз сакталып турган куралдарды, ок-дарыларды, жарылгыч заттарды жана жардыргыч түзүлүштөрдү акысыз негизде кабыл алуу боюнча иштерди уюштуруу жөнүндө жобо;

- Куралдарды, ок-дарыларды, жарылгыч заттарды жана жардыргыч түзүлүштөрдү ыктыярдуу тапшыргандыгы үчүн жарандарга төлөнүүчү сый акылардын ставкасы.

2. Кыргыз Республикасынын Ички иштер министрлиги:

- калктан ыктыярдуу өткөрүп берилген куралдарды, ок-дарыларды, жарылгыч заттарды жана жардыргыч түзүлүштөрдү ушул токтомдун 1-пункту менен бекитилген Жобого ылайык сый акыга кабыл алууну уюштурсун;

- калк арасында куралдарды, ок-дарыларды, жарылгыч заттарды жана жардыргыч түзүлүштөрдү ыктыярдуу тапшыруунун зарылдыгы жөнүндө, аймактык ички иштер органдарынын аларды кабыл алуусунун тартиби жөнүндө, анын ичинде жарылбай калган ок-дарылар, жарылгыч заттар жана жардыргыч түзүлүштөр табылганда жарандардын иш-аракеттери жөнүндө кеңири түшүндүрүү иштерин жүргүзсүн;

- ай сайын, отчеттук мезгилден кийинки айдын 15инен кечиктирбей Кыргыз Республикасынын Убактылуу Өкмөтүнүн Аппаратына ушул токтомдун аткарылышы жөнүндө маалымат берип турсун.

3. Кыргыз Республикасынын Финансы министрлиги:

- Кыргыз Республикасынын Ички иштер министрлигине жарандардан мыйзамсыз сакталып турган куралдарды, ок-дарыларды, жарылгыч заттарды жана жардыргыч түзүлүштөрдү акылуу негизде кабыл алуу боюнча иштерди уюштуруу үчүн 300 (үч жүз) миң сом бөлүп берсин;

- ушул пункттун 2-абзацында көрсөтүлгөн акча каражаттары жетишсиз болгондо ай сайын Кыргыз Республикасынын Ички иштер министрлиги берген чыгымдардын сметасына ылайык аталган максаттарды кошумча каржыласын.

4. Жарандарда мыйзамсыз сакталып турган куралдар, ок-дарылар, жарылгыч заттар жана жардыргыч түзүлүштөр аныкталган учурда жана укук коргоо органдары тарабынан мажбурлап алынганда жарандар Кыргыз Республикасынын мыйзамдарына ылайык жоопкерчиликке тартылаары белгиленсин.

5. Бул токтом 2010-жылдын 8-апрелинен тартып күчүнө кирет жана Кыргыз Республикасынын Өкмөтүнүн жаңы курамы түзүлгөнгө жана ал тиешелүү чечим кабыл алганга чейин колдонулат.

6. Бул токтомдун аткарылышын контролдоо Кыргыз Республикасынын Убактылуу Өкмөтүнүн Аппаратынын коргонуу, коопсуздук, укуктук тартип жана өзгөчө кырдаалдар бөлүмүнө жүктөлсүн.

Кыргыз Республикасынын Убактылуу Өкмөтүнүн Төрагасы

Р.Отунбаева

Кыргыз Республикасынын Убактылуу Өкмөтүнүн 2010-жылдын 7-майындагы № 32 токтому менен бекитилген

Куралдарды, ок-дарыларды, жарылгыч заттарды жана жардыргыч түзүлүштөрдү ыктыярдуу тапшыргандыгы үчүн жарандарга төлөнүүчү сый акылардын СТАВКАСЫ

№Курал-жарактардын жана ок-дарылардын аталышыБаасы (сом)
1Автоматтык гранатометтор, анын ичинде чет өлкөлүк өндүрүштөгү гранатометтор түнкү кароолу бар жана кол менен жасалгандар (снаряды жок)8000
2Пулеметтор, анын ичинде чет өлкөлүк өндүрүш жана түнкү кароолу бар пулеметтор8000
3АК, АКМ, АКМС, АК-74, АКС-74, АКС-74у ж.б. тибиндеги автоматтар, анын ичинде чет өлкөлүк өндүрүштөгү түнкү кароолу бар автоматтар4800
4СВД, СВДС, СВДН согуштук снайпер винтовкалары, анын ичинде снайпердик атуу үчүн ыңгайлаштырылган узун стволдуу сайлуу түрдөгүлөр4800
5Аңчылык карабини, анын ичинде аңчылык сайлуу кездиктер жана согуштук куралдар3200
6Аңчылык сайлуу эмес мылтыктар, анын ичинде кездиктер, алмаштырылуучу, салынма стволдор1600
7Колго жасалган атуучу түзүлүш (ок атуучу үчүн арналган буюмдар)800
8Аскердик жарылгыч заттар (тротил, гексоген жана башка жарылуучу заттар, анын ичинде алардан жасалгандар)100 гр үчүн 800 сом
9Өндүрүштүк багыттагы жарылуучу зат (аммонит, угленит ж.б.)100 гр үчүн 420
10Кол гранатасы (окуу гранаталарынан башкалар)1600
11Сапердук миналар жана атайын багыттагы инженердик ок-дарылар (окууда колдонулгандан башкалар)1600
12Сайлуу курал-жарактардын ок-дарылары: 5,45; 7,62 жана андан чоң калибрдеги согуштук патрондор; 7,62 калибрдеги аңчылык патрондору1 даана үчүн 5 сом
13Сайлуу эмес курал-жарактардын ок-дарылары1 даана үчүн 3 сом
14Өзүн-өзү коргоо куралы, жаракат келтирүүчү октору бар курал, газ куралы1600
15Пистолет же ок атуучу револьвер3200
16Дары100 гр үчүн 50 сом
ыкчам баскычтар:J / Kкийинки / мурунку берене[ / ]редакция артка / алдыгаTмазмунуCбайланыштар⌘K / Ctrl Kбуйруктар палитрасы/издөөгө фокус

Документ боюнча дагы суроолоруңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Документтин байланыштары

шилтеме берет: 2 · цитата келтиргендер: 4 · байланышкандар: 0

Цитата келтиргендер (4)

Шилтеме берет (2)