Аккаунтту тууралаңыз

Текшерүү

Бул документ боюнча сурооңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Мисалы:

ИздөөПостановление

КР Өкмөтүнүн «Бюджеттик чөйрөнүн айрым кызматкерлеринин эмгек акысын төлөөнүн шарттарын өркүндөтүү боюнча андан аркы чаралар жөнүндө» токтому

Постановление2010-жылдын 16-декабры, № 323Күчүн жоготкон

КР Министрлер Кабинетинин 2022-жылдын 24-июнундагы № 335 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ ТОКТОМ

2010-жылдын 16-декабры №323 Бюджеттик чөйрөнүн айрым кызматкерлеринин эмгек акысын төлөөнүн шарттарын өркүндөтүү боюнча андан аркы чаралар жөнүндө Педагогикалык кызматкерлердин, илимдин жана илимий мекемелердин кызматкерлеринин эмгек акысын төлөө шарттарын теңдештирүү, ошондой эле бюджеттик чөйрөнүн кызматкерлеринин эмгек акысын төлөө системасын өркүндөтүү максатында Кыргыз Республикасынын Өкмөтү ТОКТОМ КЫЛАТ:

1. Кыргыз Республикасынын Өкмөтүнүн 2005-жылдын 7-декабрындагы № 561 "Социалдык чөйрөнүн кызматкерлеринин эмгегине акы төлөө шарттары жөнүндө" токтомуна төмөнкүдөй өзгөртүүлөр жана толуктоо киргизилсин:

- 1-пунктта:

үчүнчү абзац алып салынсын; төртүнчү абзацтагы "(педагогикалык кызматкерлерден тышкары)" деген сөздөр "илимдин жана илимий мекемелердин" деген сөздөр менен алмаштырылсын;

- 3-пункт төмөнкүдөй мазмундагы абзац менен толукталсын:

"Педагогикалык кызматкерлер жана илимдин жана илимий мекемелердин кызматкерлери үчүн Бирдиктүү тарифтик торчонун биринчи разряды 2011-жылдын 1-январынан баштап 690 сом өлчөмүндө белгиленсин.";

- аталган токтомдун № 3 тиркемесинин аталышындагы "(педагогикалык кызматкерлерден тышкары)" деген сөздөр "илимдин жана илимий мекемелердин" деген сөздөр менен алмаштырылсын.

2. Кыргыз Республикасынын Финансы министрлиги:

- ушул токтомду ишке ашырууга зарыл болгон каражаттарды "Кыргыз Республикасынын 2011-жылга республикалык бюджети жана 2012-2013-жылдарга болжолу жөнүндө" Кыргыз Республикасынын Мыйзам долборунда карасын;

- педагогикалык кызматкерлердин, илимдин жана илимий мекемелердин кызматкерлеринин эмгек акысын жаңы өлчөмдө төлөп берүү үчүн каражаттар менен өз убагында каржылоону камсыз кылсын.

3. Кыргыз Республикасынын Эмгек, ишке орноштуруу жана миграция министрлиги кызыкдар министрликтер жана ведомстволор менен бирдикте Бюджеттик чөйрөнүн кызматкерлеринин эмгек акысын төлөп берүүнүн концепциясынын долбоорун 2011-жылдын 1-апрелине чейинки мөөнөттө иштеп чыксын жана белгиленген тартипте киргизсин.

4. Бул токтомдун аткарылышын контролдоо Кыргыз Республикасынын Президентинин Администрациясынын социалдык саясат бөлүмүнө жүктөлсүн.

5. Бул токтом 2011-жылдын 1-январынан баштап күчүнө кирет.

Кыргыз Республикасынын Президенти

Р.Отунбаева

ыкчам баскычтар:J / Kкийинки / мурунку берене[ / ]редакция артка / алдыгаTмазмунуCбайланыштар⌘K / Ctrl Kбуйруктар палитрасы/издөөгө фокус

Документ боюнча дагы суроолоруңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Документтин байланыштары

шилтеме берет: 3 · цитата келтиргендер: 7 · байланышкандар: 0

Цитата келтиргендер (7)

Шилтеме берет (3)