КР Шайлоо жана референдум өткөрүү боюнча борбордук комиссиясынын «Нарын облусунун Жумгал районунун Байзак, Нарын районунун Эмгекчил, Талас облусунун Кара-Буура районунун Аманбаев айыл өкмөттөрүнүн башчыларын шайлоодогу добуш берүүнүн жыйынтыктары жана шайлоонун натыйжалары тууралуу протоколдорду бекитүү жөнүндө»токтому

КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫ ТОКТОМ 2019-жылдын 3-майы №55 Нарын облусунун Жумгал районунун Байзак, Нарын районунун Эмгекчил, Талас облусунун Кара-Буура районунун Аманбаев айыл өкмөттөрүнүн башчыларын шайлоодогу добуш берүүнүн жыйынтыктары жана шайлоонун натыйжалары тууралуу протоколдорду бекитүү жөнүндө Кыргыз Республикасынын Шайлоо жана референдум өткөрүү боюнча борбордук комиссиясынын 2019-жылдын 5-апрелиндеги № 39 токтому менен 2019-жылдын 24-апрелине дайындалган Нарын облусунун Жумгал районунун Байзак, Нарын районунун Эмгекчил, Талас облусунун Кара-Буура районунун Аманбаев айыл өкмөттөрүнүн башчыларын шайлоо болуп өттү. Нарын облусунун Жумгал районунун Байзак, Нарын районунун Эмгекчил, Талас облусунун Кара-Буура районунун Аманбаев айыл өкмөттөрүнүн башчыларын шайлоодогу добуш берүүнүн жыйынтыктарына жана шайлоонун натыйжаларына арыз, даттануулар түшкөн жок. Жумгал, Нарын жана Кара-Буура аймактык шайлоо комиссияларынын добуш берүүнүн жыйынтыктары жана шайлоонун натыйжалары тууралуу протоколдорунун негизинде, "Кыргыз Республикасынын шайлоо жана референдум өткөрүү боюнча шайлоо комиссиялары жөнүндө" Кыргыз Республикасынын Мыйзамынын 7, 18-беренелерине, "Жергиликтүү өз алдынча башкаруу жөнүндө" Кыргыз Республикасынын Мыйзамынын 49-беренесине ылайык, Кыргыз Республикасынын Шайлоо жана референдум өткөрүү боюнча борбордук комиссиясы ТОКТОМ КЫЛАТ:

1. Жумгал аймактык шайлоо комиссиясынын Байзак айыл өкмөтүнүн башчысын 2019-жылдын 24-апрелиндеги шайлоодогу добуш берүүнүн жыйынтыктары жана шайлоонун натыйжалары тууралуу протоколдору бекитилсин.

1.1. Нарын облусунун Жумгал районунун Байзак айыл өкмөтүнүн башчысын шайлоо өттү деп табылсын.

1.2. Нарын облусунун Жумгал районунун Байзак айыл өкмөтүнүн шайланган башчысы болуп Качкынбаев Кайрат Кедейбекович табылсын.

2. Нарын аймактык шайлоо комиссиясынын Эмгекчил айыл өкмөтүнүн башчысын 2019-жылдын 24-апрелиндеги шайлоодогу добуш берүүнүн жыйынтыктары жана шайлоонун натыйжалары тууралуу протоколдору бекитилсин.

2.1. Нарын облусунун Нарын районунун Эмгекчил айыл өкмөтүнүн башчысын шайлоо өттү деп табылсын.

2.2. Нарын облусунун Нарын районунун Эмгекчил айыл өкмөтүнүн шайланган башчысы болуп Мукамбетов Ишенбек Кадыракунович табылсын.

3. Кара-Буура аймактык шайлоо комиссиясынын Аманбаев айыл өкмөтүнүн башчысын 2019-жылдын 24-апрелиндеги шайлоодогу добуш берүүнүн жыйынтыктары жана шайлоонун натыйжалары тууралуу протоколдору бекитилсин.

3.1. Талас облусунун Кара-Буура районунун Аманбаев айыл өкмөтүнүн башчысын шайлоо өттү деп табылсын.

3.2. Талас облусунун Кара-Буура районунун Аманбаев айыл өкмөтүнүн шайланган башчысы болуп Усубалиев Медербек Токтогулович табылсын.

4. Жумгал, Нарын жана Кара-Буура аймактык шайлоо комиссиялары шайланган айыл өкмөтүнүн башчыларына белгиленген үлгүдөгү күбөлүктөрдү тапшырсын.

5. Бул токтом "Эркин Тоо" газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

6. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары А.Бекматовго жүктөлсүн.

Төрага

Н. Шайлдабекова