Бул документ боюнча сурооңуз барбы?ЖИнин жообун мыйзамдын тексти менен салыштырыңыз
ЖИден сураңыз - ал мыйзамдын тексти боюнча жооп берип, керектүү беренелерди көрсөтөт.Чат-боттор КР мыйзамдарында жаңылышат. Бул жерде ЖИ колдонуудагы редакция боюнча жооп берип, беренелерди көрсөтөт. Айына ЖИнин 40 жообу - акысыз.
Мисалы:
КР Жогорку Кеңешинин «Жогорку-Нарын гидроэлектростанциялары» ЖАКсынын биргелешкен ишканасы тарабынан 37 миллион АКШ доллары өлчөмүндөгү каражаттардын пайдаланылышын иликтөө боюнча убактылуу депутаттык комиссиянын ишинин жыйынтыктары жөнүндө» токтому
КЫРГЫЗ РЕСПУБЛИКАСЫНЫН ЖОГОРКУ КЕҢЕШИ ТОКТОМ 2016-жылдын 1-декабры № 1155-VI "Жогорку-Нарын гидроэлектростанциялары" ЖАКсынын биргелешкен ишканасы тарабынан 37 миллион АКШ доллары өлчөмүндөгү каражаттардын пайдаланылышын иликтөө боюнча убактылуу депутаттык комиссиянын ишинин жыйынтыктары жөнүндө "Жогорку-Нарын гидроэлектростанциялары" ЖАКсынын биргелешкен ишканасы тарабынан 37 миллион АКШ доллары өлчөмүндөгү каражаттардын пайдаланылышын иликтөө боюнча Кыргыз Республикасынын Жогорку Кеңешинин 2016-жылдын 21-январындагы № 221-VI токтому менен түзүлгөн убактылуу депутаттык комиссиянын төрагасынын жана мүчөлөрүнүн маалыматын угуп жана талкуулап, Кыргыз Республикасынын Жогорку Кеңеши ТОКТОМ КЫЛАТ:
1. "Жогорку-Нарын гидроэлектростанциялары" ЖАКсынын биргелешкен ишканасы тарабынан 37 миллион АКШ доллары өлчөмүндөгү каражаттардын пайдаланылышын иликтөө боюнча Кыргыз Республикасынын Жогорку Кеңешинин убактылуу депутаттык комиссиясынын корутундусу жактырылсын.
2. Кыргыз Республикасынын Өкмөтү:
Жогорку-Нарын гидроэлектростанциялар каскадын куруу боюнча чыгымдардын аудитин толук жана ар тараптуу жүргүзүү үчүн аудиттин эл аралык стандарттарына ылайык көз карандысыз эл аралык аудиторду тартуу боюнча чараларды көрсүн; "Жогорку-Нарын гидроэлектростанциялары" ЖАКсынын уставдык капиталындагы "РусГидро" ААКсынын тиешелүү үлүшүн "Электрстанциялары" ААКсынын балансына кабыл алууну - өткөрүп берүүнү Макулдашууда белгиленген тартипте жүзөгө ашырсын.
3. Кыргыз Республикасынын Башкы прокуратурасы көз карандысыз эл аралык аудиттин жыйынтыктары боюнча "Жогорку-Нарын гидроэлектростанциялары" ЖАКсынын биргелешкен ишканасы тарабынан 37 миллион АКШ доллары өлчөмүндөгү каражаттардын пайдаланылышы боюнча аракеттерге укуктук баа берсин.
4. Кыргыз Республикасынын Эсептөө палатасы 2 айлык мөөнөттө аудитордук текшерүүнү жүргүзсүн.
5. Ушул токтомдун аткарылышын контролдоо Кыргыз Республикасынын Жогорку Кеңешинин Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитетине жүктөлсүн.
Төрага орун басары
Н.Алимбеков
Документ боюнча дагы суроолоруңуз барбы?
ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.