45-статья. Шаар куруу-архитектура ишиндеги субъектилердин укук бузууларынын түрлөрү

Төмөндөгүлөр:

- калк жашаган пункттардын жашоо-турмуш чөйрөсүнүн абалы жөнүндө атайылап жалган маалымат берүү;

- маалымат берүүдөн баш тартуу;

- аймактарды, жерлерди, жер казынасын, өсүмдүктөрдү, аба бассейнин, суу мейкиндигин пайдалануу маселелери боюнча Жер кодексинин, ушул Мыйзамдын жана башка мыйзам актыларынын талаптарын сактабоо;

- тарых, маданият, шаар куруу жана архитектуралык комплекстердин, имараттардын жана курулуштардын долбоорлорун бузуу;

- имараттардын жана курулуштардын бекемдигин, сейсмикалык туруктуулугунун белгиленген деңгээлин жана эксплуатациялык көрсөткүчтөрдү бузуу;

- автордун уруксатысыз архитектуралык долбоорду жайылтуу же кайталап пайдалануу, долбоорду өзгөртүү, ошондой эле курулган имараттар менен курулуштардын архитектуралык-пландоо чечимдерин өзгөртүү;

- имараттарды жана курулуштарды "өзүм билем деп" куруу, реконструкциялоо, реставрациялоо, бузуу курулуштардын архитектуралык чечилишин, деталдарын жана элементтерин өзгөртүү;

- курулуш үчүн жер участокторун бөлүп берүүнүн тартибин бузуу;

- долбоорлорду макулдашуу эрежелерин бузуу;

- (абзац КР 2019-жылдын 18-майындагы N 66 Мыйзамына ылайык күчүн жоготту)

- этабы менен бөлүп-бөлүп кабыл алуунун эрежелерин бузуу;

- экспертизанын жактырылсын деген тыянак корутундусу болбогон учурда курулушту же реконструкциялоону жүзөгө ашыруу;

- ар кандай объектилердин багытын "өзүм билем деп" өзгөртүп куруу;

- долбоорлоонун нормаларын жана эрежелерин бузуу;

- курулуш материалдарын, буюмдарын жана конструкцияларын өндүрүүдө мамлекеттик стандарттардын жана техникалык шарттардын талаптарын бузуу;

- курулуш-монтаж иштерин жүргүзүүнүн эрежелерин бузуу;

- объектилерди пайдаланууга кабыл алуунун эрежелерин бузуу;

- сапаты начар долбоорлоо-курулуш продукциясы үчүн акы төлөө;

- шаар куруу-архитектура ишин лицензиясыз жана сертификатсыз жүзөгө ашыруу;

- аймактардын, имараттардын жана курулуштардын функционалдык багытын өз алдынча өзгөртүү;

- архитектура-курулуш ишинин чөйрөсүндөгү көзөмөл жана контроль боюнча ыйгарым укуктуу мамлекеттик органдын буйруктарын аткаруудан баш тартуу шаар куруу-архитектура ишиндеги укук бузуулар болуп таанылат.

(КР 2013-жылдын 24-майындагы №78 , 2019-жылдын 18-майындагы N 66 Мыйзамдарынын редакцияларына ылайык)