КР ЖК 1569-IV «Кыргыз Республикасынын 2010-жылга республикалык бюджети жана 2011-2012-жылдарга божомолу жөнүндө» Кыргыз Республикасынын Мыйзамынын долбоорун биринчи окууда кабыл алуу тууралу» токтом у

КЫРГЫЗ РЕСПУБЛИКАСЫНЫН ЖОГОРКУ КЕҢЕШИ ТОКТОМ 2009-жылдын 18-декабры № 1569-IV "Кыргыз Республикасынын 2010-жылга республикалык бюджети жана 2011-2012-жылдарга божомолу жөнүндө" Кыргыз Республикасынын Мыйзамынын долбоорун биринчи окууда кабыл алуу тууралу Кыргыз Республикасынын Жогорку Кеңеши токтом кылат:

1. Кыргыз Республикасынын Өкмөтү тарабынан демилге көтөрүлгөн (2009-жылдын 10-декабрындагы № 752 токтом) "Кыргыз Республикасынын 2010-жылга республикалык бюджети жана 2011-2012-жылдарга божомолу жөнүндө" Кыргыз Республикасынын Мыйзамынын долбоору издеп табылган кошумча каражаттарды эске алып, 2010-жылга төмөнкү негизги параметрлерди белгилөө менен биринчи окууда кабыл алынсын:

- республикалык бюджеттин кирешелери боюнча жалпы суммасы 52100857,2 миң сом (өнүгүү бюджетинин алкагындагы 5046923,2 миң сом суммасындагы гранттык каражаттарды кошуп алганда), ИДПга карата салыштырма салмагы 21,6 пайыз;

- республикалык бюджеттин чыгашалары боюнча жалпы суммасы 65666052,1 миң сом, ИДПга карата салыштырма салмагы 27,3 пайыз;

- Кыргыз Республикасынын республикалык бюджетинин эң төмөнкү тартыштыгы 13565194,9 миң сом суммасында, ИДПга карата салыштырма салмагы 5,6 пайыз.

2010-жылга Кыргыз Республикасынын республикалык бюджетинин тартыштыгын жабууну каржылоого төмөнкүлөр багытталсын:

- ички булактардан 1325192,3 миң сом;

- тышкы булактардан 12240002,6 миң сом.

2. Кыргыз Республикасынын Өкмөтү:

- республикалык бюджеттин кирешелерин көбөйтүүгө таасир көрсөтүүчү, атап айтканда тамеки заттарына акциз салыгынын ставкаларын оптималдаштыруу боюнча тиешелүү мыйзам долбоорлорун Кыргыз Республикасынын Жогорку Кеңешинин кароосуна киргизсин;

- көмүскө экономиканы легалдаштыруу, коррупцияны жана мунай заттарын импорттоого тиешелүү башка факторлорду азайтуу боюнча чараларды күчөтсүн.

3. Кыргыз Республикасынын Жогорку Кеңешинин Бюджет жана финансы боюнча комитети (А.А.Шадиев) Кыргыз Республикасынын Өкмөтү менен биргелешип "Кыргыз Республикасынын 2010-жылга республикалык бюджети жана 2011-2012-жылдарга божомолу жөнүндө" Кыргыз Республикасынын Мыйзамынын долбоорун экинчи окууда кароого Кыргыз Республикасынын Жогорку Кеңешине киргизсин.

Кыргыз Республикасынын Жогорку Кеңешинин Төрагасынын орун басары

К. Исабеков