Текшерүү

Бул документ боюнча сурооңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Мисалы:

ИздөөУказ

КР Президентинин ПЖ № 14 «Кыргыз Республикасынын Конституциясынын расмий текстин жарыялоо жөнүндө» Жарлыгы

Указ2017-жылдын 27-январы, № 14Күчүн жоготкон

КР Президентинин 2022-жылдын 31-майындагы № 172 Жарлыгына ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕЗИДЕНТИ ЖАРЛЫК 2017-жылдын 27-январы ПЖ № 14 Кыргыз Республикасынын Конституциясынын расмий текстин жарыялоо жөнүндө 2016-жылдын 11-декабрында референдумда (бүткүл элдик добуш берүүдө) кабыл алынган "Кыргыз Республикасынын Конституциясына өзгөртүүлөрдү киргизүү жөнүндө" Кыргыз Республикасынын 2016-жылдын 28-декабрындагы № 218 Мыйзамы 2017-жылдын 15-январында күчүнө кирди. Жогоруда аталган Мыйзамдын 2-беренесинин 2-бөлүгүнө ылайык Кыргыз Республикасынын Президенти киргизилген өзгөртүүлөрдү, ошондой эле 2010-жылы Конституцияны кабыл алууда мамлекеттик жана расмий тилдердеги тексттерде болгон карама-каршылыктарды жоюуну эске алуу менен Кыргыз Республикасынын Конституциясынын расмий текстин аталган Мыйзам күчүнө кирген күндөн баштап он төрт күндөн кеч эмес мөөнөттө жарыялоого тийиш. Бул Мыйзамдын талаптарын ишке ашыруу максатында Кыргыз Республикасынын Президентинин 2017-жылдын 18-январындагы № 8 буйругу менен Кыргыз Республикасынын Конституциясынын расмий текстин жарыялоого даярдоо боюнча ведомстволор аралык жумушчу топ (мындан ары - Ведомстволор аралык жумушчу топ) түзүлгөн. Ведомстволор аралык жумушчу топ 2016-жылдын 11-декабрында референдумда (бүткүл элдик добуш берүүдө) кабыл алынган "Кыргыз Республикасынын Конституциясына өзгөртүүлөрдү киргизүү жөнүндө" Кыргыз Республикасынын 2016-жылдын 28-декабрындагы № 218 Мыйзамынын 2-беренесинин 2-бөлүгүнүн талаптарына жооп берген Кыргыз Республикасынын Конституциясынын расмий текстинин контролдук нускасын белгиленген мөөнөттө сунуштады. Баяндалгандарга байланыштуу, Кыргыз Республикасынын Конституциясынын 65-беренесин жетекчиликке алып жана 2016-жылдын 11-декабрында референдумда (бүткүл элдик добуш берүүдө) кабыл алынган "Кыргыз Республикасынын Конституциясына өзгөртүүлөрдү киргизүү жөнүндө" Кыргыз Республикасынын Мыйзамынын 2-беренесинин 2-бөлүгүн аткаруу үчүн токтом кылам:

1. 2016-жылдын 11-декабрында референдумда (бүткүл элдик добуш берүүдө) киргизилген өзгөртүүлөрдү эске алуу менен Ведомстволор аралык жумушчу топ сунуштаган Кыргыз Республикасынын Конституциясынын расмий тексти "Эркин Тоо" гезитинде жана Кыргыз Республикасынын Президентинин расмий сайтында жарыялансын.

2. Бул Жарлыктын 1-пунктунда көрсөтүлгөн Кыргыз Республикасынын Конституциясынын расмий текстинин контролдук нускасы Кыргыз Республикасынын Президентинин Аппаратында сакталат деп белгиленсин.

3. Кыргыз Республикасынын Конституциясынын расмий текстинин контролдук нускасынын күбөлөндүрүлгөн көчүрмөлөрү Кыргыз Республикасынын Жогорку Кеңешине, Кыргыз Республикасынын Өкмөтүнө, Кыргыз Республикасынын Жогорку сотуна жана Кыргыз Республикасынын Жогорку сотунун Конституциялык палатасына жиберилсин.

4. Кыргыз Республикасынын Өкмөтү эки айлык мөөнөттө Кыргыз Республикасынын Конституциясынын расмий текстин тиешелүү тираж менен басып чыгарууну жана таратууну камсыз кылсын.

5. Бул Жарлык кол коюлган күндөн баштап күчүнө кирет.

Президент

А. Атамбаев

ыкчам баскычтар:J / Kкийинки / мурунку берене[ / ]редакция артка / алдыгаTмазмунуCбайланыштар⌘K / Ctrl Kбуйруктар палитрасы/издөөгө фокус

Документ боюнча дагы суроолоруңуз барбы?

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт. Айына ЖИнин 40 жообу - акысыз.

Документтин байланыштары

шилтеме берет: 4 · цитата келтиргендер: 2 · байланышкандар: 1

Цитата келтиргендер (2)

Шилтеме берет (4)

Байланышкан документтер (1)

Булактын (cbd.minjust.gov.kg) маалыматы боюнча, кайсы акт кайсыга шилтеме берери көрсөтүлбөйт.