«Бир мандаттуу № 22 Жайыл шайлоо округу боюнча Кыргыз Республикасынын Жогорку Кеңешинин депутатын шайлоо натыйжалары тууралуу» токтому

КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫ ТОКТОМ 2021-жылдын 10-декабры № 808 Бир мандаттуу № 22 Жайыл шайлоо округу боюнча Кыргыз Республикасынын Жогорку Кеңешинин депутатын шайлоо натыйжалары тууралуу "Кыргыз Республикасынын Жогорку Кеңешинин депутаттарын шайлоону дайындоо жөнүндө" Кыргыз Республикасынын Президентинин 2021-жылдын 29-августундагы № 370 Жарлыгы менен Кыргыз Республикасынын Жогорку Кеңешинин депутаттарын шайлоо 2021-жылдын 28-ноябрына дайындалды. "Кыргыз Республикасынын Жогорку Кеңешинин депутаттарын шайлоону өткөрүү боюнча шайлоо округдарынын схемасы жана чек аралары жөнүндө" Кыргыз Республикасынын Шайлоо жана референдум өткөрүү боюнча борбордук комиссиясынын 2021-жылдын 5-сентябрындагы № 684 токтому менен бир мандаттуу № 22 Жайыл шайлоо округунун схемасы жана чек арасы бекитилди. Бир мандаттуу Жайыл шайлоо округунда добуш берүүнү өткөрүү үчүн 76 шайлоо участогу түзүлгөн. Бир мандаттуу № 22 Жайыл шайлоо округу боюнча шайлоочулардын тизмесине 99752 шайлоочу киргизилген, алардын ичинен 31700 шайлоочу добуш берүүгө катышты, бул 31,8%ды түздү. Кыргыз Республикасынын Шайлоо жана референдум өткөрүү боюнча борбордук комиссиясы бир мандаттуу шайлоо округу боюнча Кыргыз Республикасынын Жогорку Кеңешинин депутаттыгына төмөнкү 8 талапкерди каттады:

1. Бакеев Аскарбек Колхозбекович;

2. Райымкулов Бактыбек Кемелбекович;

3. Мамаев Замирбек Дакимович;

4. Азыгалиев Нурланбек Асанбекович;

5. Карабаев Манасбек Токтогулович;

6. Аманкулов Эмир Эркинбекович;

7. Рыскулбек уулу Нурмат;

8. Иманкулов Эркин Токтаалиевич.

Анын ичинен 7 талапкер добуш берүүгө катышты. Бир мандаттуу № 22 Жайыл шайлоо округу боюнча Кыргыз Республикасынын Жогорку Кеңешинин депутатын шайлоону даярдоо жана өткөрүү мезгилинде 5 арыз жана даттануу түштү. Түшкөн бардык арыздар жана даттануулар каралып чыкты жана алар боюнча Кыргыз Республикасынын мыйзамдарына ылайык чечимдер кабыл алынды. № 22 Жайыл округдук шайлоо комиссиясынын 2021-жылдын 6-декабрындагы № 12 чечими менен, "Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө" Кыргыз Республикасынын конституциялык Мыйзамынын 37-беренесинин 4-бөлүгүнүн 1-пунктуна ылайык, № 7387 шайлоо участогунда шайлоо бюллетендеринин саны шайлоочулардын санынан ашып кеткендигине байланыштуу добуш берүүнүн жыйынтыктары жокко чыгарылды. Ал көрсөтүлгөн шайлоо участогунда добуш берүүнүн жыйынтыгын жокко чыгаруу № 22 Жайыл округунун натыйжасына таасир этпеген. Шайлоонун натыйжалары боюнча № 22 Жайыл шайлоо округунун 75 шайлоо участогунда жыйынтыктар чыгарылды. Бир мандаттуу № 22 Жайыл шайлоо округу боюнча Кыргыз Республикасынын Жогорку Кеңешинин депутатын шайлоодо добуш берүүнүн жыйынтыгы тууралуу Жайыл округдук шайлоо комиссиясынын 2021-жылдын 6-декабрындагы протоколунун маалыматтарына ылайык:

- Бакеев Аскарбек Колхозбекович 613 (1,93%) добуш алды;

- Райымкулов Бактыбек Кемелбекович 4802 (15,14%) добуш алды;

- Мамаев Замирбек Дакимович 1560 (4,92%) добуш алды;

- Азыгалиев Нурланбек Асанбекович 8689 (27,41%) добуш алды;

- Карабаев Манасбек Токтогулович 2608 (8,22%) добуш алды;

- Аманкулов Эмир Эркинбекович 3519 (11,10%) добуш алды;

- Рыскулбеков уулу Нурмат 5261 (16,69%) добуш алды;

- "Баарына каршы" позициясы үчүн 2801 (8,83%) добуш берилди.

"Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө" Кыргыз Республикасынын конституциялык Мыйзамынын 64-беренесинин 51-бөлүгүнө ылайык, "Ушул бир мандаттуу шайлоо округу боюнча добуш берүүгө катышкан шайлоочулардын кыйла көп добушун алган талапкер бир мандаттуу шайлоо округу боюнча Жогорку Кеңештин шайланган депутаты деп таанылат". Бир мандаттуу № 22 Жайыл шайлоо округу боюнча Кыргыз Республикасынын Жогорку Кеңешинин депутатын шайлоодо добуш берүүнүн жыйынтыгы тууралуу № 22 Жайыл округдук шайлоо комиссиясынын 2021-жылдын 6-декабрындагы протоколунун негизинде, "Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө" Кыргыз Республикасынын конституциялык Мыйзамынын 37-беренесинин 4-бөлүгүнө, 64-беренесинин 51-бөлүгүнө ылайык, "Кыргыз Республикасынын Шайлоо жана референдум өткөрүү боюнча борбордук комиссиясы жөнүндө" Кыргыз Республикасынын конституциялык Мыйзамынын 3-беренесин, 4-беренесинин 1-бөлүгүнүн 26-пунктун, 8-беренесин жетекчиликке алып, Кыргыз Республикасынын Шайлоо жана референдум өткөрүү боюнча борбордук комиссиясы ТОКТОМ КЫЛАТ:

1. Бир мандаттуу № 22 Жайыл шайлоо округу боюнча Кыргыз Республикасынын Жогорку Кеңешинин депутатын шайлоо болуп өттү деп таанылсын.

2. Азыгалиев Нурланбек Асанбекович - бир мандаттуу № 22 Жайыл шайлоо округу боюнча Кыргыз Республикасынын Жогорку Кеңешинин шайланган депутаты деп таанылсын.

3. Бул токтом "Эркин Тоо" газетасына жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жарыялансын.

4. Бул токтомдун көчүрмөсү Кыргыз Республикасынын Жогорку Кеңешине жөнөтүлсүн.

5. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын төрагасынын орун басары Т.Шайназаровго жүктөлсүн.

Төрага

Н. Шайлдабекова