572-статья. Коргоочу, өкүл жана адвокат

Администрациялык жоопкерчиликке тартылуучу адамга юридикалык жардам көрсөтүү үчүн администрациялык укук бузуу жөнүндө иш боюнча өндүрүштө коргоочу, ал эми жабырлануучуга юридикалык жардам көрсөтүү үчүн өкүл катышышы мүмкүн. Коргоочу же өкүл болууга адвокатка жол берилет. Адвокаттын ыйгарым укуктары юридикалык консультация же болбосо акы төлөнүүчү юридикалык кызматтарды көрсөтүүчү башка уюм тарабынан берилген ордер менен ырасталат. Юридикалык жардам көрсөтүүчү башка адамдардын ыйгарым укуктары Кыргыз Республикасынын мыйзамдарына ылайык таризделген ишеним каты тарабынан ырасталат. Коргоочуга жана өкүлгө ишке катышууга администрациялык жоопкерчиликке тартылуучу жеке жак администрациялык жактан кармалган же администрациялык укук бузуу жөнүндө протокол түзүлгөн учурдан тартып катышууга жол берилет. Коргоочу жана өкүл иштин бардык материалдары менен таанышууга, далилдерди келтирүүгө, өтүнүчтөрдү жана баш тартууларды билдирүүгө, ишти кароого катышууга, иш боюнча өндүрүштү камсыз кылуунун колдонулган чараларына, иш боюнча токтомго даттанууга, ушул Кодекс тарабынан ага берилген процессуалдык башка укуктардан пайдаланууга укуктуу.