Бул документ боюнча сурооңуз барбы?ЖИнин жообун мыйзамдын тексти менен салыштырыңыз

ЖИден сураңыз - ал мыйзамдын тексти боюнча жооп берип, керектүү беренелерди көрсөтөт.Чат-боттор КР мыйзамдарында жаңылышат. Бул жерде ЖИ колдонуудагы редакция боюнча жооп берип, беренелерди көрсөтөт. Айына ЖИнин 40 жообу - акысыз.

Мисалы:

ИздөөПостановление

(Кыргыз Республикасынын Өкмөтүнүн токтому менен бекитилген) 2008-2010-жылдарга Кыргыз Республикасында суу чарба объекттерин куруу жана жаңы сугат жерлерин өздөштүрүү ПРОГРАММАСЫ

Постановление2007-жылдын 14-декабры, № 593Күчүн жоготкон

Документ күчүн жоготкон

Документ реестрде «Утратил силу» деп белгиленген. Учурдагы редакциясын текшербестен күчүндөгү документтерде ага шилтеме берүүгө болбойт. «Постановление Правительства от 28 марта 2016 года № 151 "О признании утратившими силу некоторых решений Правительства Кыргызской Республики"» негизинде күчүн жоготту. Учурдагы редакциянын датасы: 2016-03-28.

ред.: 2016-жылдын 28-мартыКүчүн жоготкон

КР Өкмөтүнүн 2016-жылдын 28-мартындагы N 151 токтомуна ылайык КҮЧҮН ЖОГОТТУ

Кыргыз Республикасынын Өкмөтүнүн

2007-жылдын 14-декабрындагы

№ 593 токтому менен

бекитилген

2008-2010-жылдарга Кыргыз Республикасында

суу чарба объекттерин куруу жана жањы

сугат жерлерин өздөштүрүү

ПРОГРАММАСЫ

(КР Өкмөтүнүн 2008-жылдын 5-ноябрындагы N 605,

2008-жылдын 27-декабрындагы №728,2009-жылдын 27-августундагы №543

токтомунун редакциясыяларына ылайык)

2008-2010-жылдарга Кыргыз Республикасында суу чарба объекттерин

куруу жана жањы сугат жерлерин өздөштүрүү программасы (мындан ары -

Программа) республика үчүн социалдык жана экономикалык пландагы кыйла

маанилүү 13 суу чарба объекттерин реконструкциялоону жана курууну бол-

жолдойт.

Программаны ишке ашыруу 1 млрд. 957 млн. сом жалпы суммасындагы

объекттерди курууну республикалык бюджеттен каржылоону карайт, бул рес-

публика боюнча төмөнкүлөргө мүмкүндүк берет:

- 2008-жылы 1114 га жањы сугат жерлерди ишке киргизүүгө, 298 га

сугат жерлерди комплекстүү реконструкциялоого, 700 га жањы сугат жер-

лерди суу менен камсыздоону жакшыртууга;

- 2009-жылы 2000 га жањы сугат жерлерди ишке киргизүүгө, 8074 га

сугат жерлерди суу менен камсыздоону жакшыртууга;

- 2010-жылы 3000 га жањы сугат жерлерди ишке киргизүүгө, 80 га су-

гат жерлерди суу менен камсыздоону жакшыртууга.

- 2008-2010-жылдары 6114 га жањы сугат жерлер колдонууга киргизи-

лет; 8854 га сугат жерлерди суу менен камсыздоо жакшырган, 298 га сугат

жерлерге комплекстүү реконструкция жүргүзүлгөн.

- 2008-2010-жылдарга Кыргыз Республикасында суу чарба объекттерин

куруу жана жањы сугат жерлерин өздөштүрүү программасына киргизилген

объекттер толук курулуп бүтсө (тизмеси тиркелет), республика боюнча

13134 га жањы сугат жерлер колдонууга киргизилип, 25930 га жерде суу

менен камсыздоо жогорулайт жана 498 га сугат жерлерге комплекстүү ре-

конструкциялоо жүргүзүлөт.

Суу чарба объектилерин куруу боюнча иштердин сапатына жана

көлөмдөрүнө контролдоо жүргүзүү үчүн курулуп жаткан объекттердин дирек-

циясын түзүү белгиленүүдө, аны күтүү объекттердин курулушунун наркынын

сметасына киргизилет.

Долбоордук-сметалык документтери жок суу чарба объекттерине долбо-

ордук-сметалык документтерди иштеп чыгуу (курулуш иштеринин наркынын

5%ине чейин) пландаштырылууда.

1. Ысыккөл облусунун Ысыккөл районунун Тогуз-Булак

жана Калмак-Ашуу сууларынан жерлерди сугаруу

(Сары-Камыш айылындагы суткалык жөнгө салуу

бассейнинин курулушун бүткөрүү)

Бул объектинин долбоордук-сметалык документтери "Кыргызгипровод-

хоз" долбоорлоо институту тарабынан 1984-жылы иштелип чыккан, куруу

1987-жылы башталган, 1996-жылдан тартып консервацияда турат. 1991-жыл-

дагы базистик баалардагы сметалык наркы 26,7 мињ сомду түзөт, курулуш

башталгандан бери жумуштун 80 процентке жакыны аткарылган.

Долбоордо эки суу топтоо түйүндөрүн, жаз мезгилинде суунун тартыш-

тыгын болтурбоо үчүн - курулмалары менен суткалык жөнгө салуу бассейнин

(мындан ары - СЖБ), узундугу 12,4 км жана өткөрүү жөндөмдүүлүгү 0,7

куб. м/сек 1-МК, узундугу 3,3 км, өткөрүү жөндөмдүүлүгү 0,2 куб. м/сек

магистралдык каналдарды жана өз басымы менен чыгуучу жабык сугат тарма-

гын куруу каралган. СЖБнын пайдалуу сыйымдуулугу - 300 мињ куб м, пло-

тинанын максимум бийиктиги 6,5 м, фильтрацияга каршы экран каралган.

СЖБнын курулушун бүткөрүү үчүн 0,8 м. калыњдыктагы чопо экранын

орнотуу боюнча иштерди, бетон иштерин жана жабык жана ачык сугат тар-

мактарын орнотуу иштери аткарылышы керек. Курулушту бүткөрүү боюнча иш-

тердин наркы 2006- жылдагы баалар боюнча 20 млн. сомго жакынды түзөт.

Курулуш бүткөрүлгөндөн кийин 414 га жањы сугат жерлерди пайдаланууга

киргизүү жана 298 га сугат жерлерди комплекстүү реконструкциялоо (СЖКР)

күтүлөт.

2. Баткен облусунун Кадамжай районунун

Бүргөндү массивинин жерлерин өздөштүрүү

(дюкер куруу)

Бул объектини куруу 3,0 мињ гектарга жакын сугат жерлерди пайдала-

нууга киргизүүгө мүмкүндүк берет. Өзбекстан Республикасынын аймагы ме-

нен чектешкен жерлерди өздөштүрүү керек. Бул объекти үчүн долбоор-

дук-сметалык документтерди (болжолдуу наркы 1,5 млн. сом) иштеп чыгуу

зарыл. Курулуш иштеринин болжолдуу наркы - 180 млн. сом. Каналдын

өткөрүү жөндөмдүүлүгү - 4,4 куб. м/сек. Дюкер Бүргөндү магистралдык ка-

налынан суу чыгарууну ишке ашырат. Азыркы убакта объектте узундугу 2,04

км (эки участок), диаметри 1000 мм металл түтүктөрүнөн дюкердин биринчи

бутагы, узундугу 1600 м. лоток каналы (ЛР-100) жана узундугу 1450 м жер

каналы курулуп, 269 га сугат жер өздөштүрүлгөн. Жогоруда көрсөтүлгөн

жерлерди өздөштүрүү үчүн узундугу 2,04 км дюкердин экинчи бутагын ку-

руп, секундуна 4,4 куб.м. суу өткөрүү үчүн 1,6 км колдонуудагы каналды

кайра куруу, 4,5 км жањы канал куруу жана бөлүштүрүүчү ирригациялык

тармакты куруу керек.

3. Баткен облусунун Кадамжай

районундагы "Каракыштак-Боз" каналы

Долбоор "Кыргызсуудолбоору" долбоорлоо конторасынын Оштогу филиалы

тарабынан 1984-жылы иштелип чыккан (сметалык наркы 3920 мињ рубль).

Объектиде узундугу 14 км магистралдык каналды, 0,6 км тоннелди жана

бөлүштүрүүчү тармакты куруу пландалган. Өткөрүү жөндөмү - 1,7-2,0

куб.м/сек. Бул объектини бүткөрүү 1,4 мињ га жерди сугат суусу менен

камсыздоого, анын ичинде 700 га жањы сугат жерлерди пайдаланууга кир-

гизүүгө мүмкүндүк берет. Суу булагы - Исфайрам-Сай дарыясы. Каналдын

курулушу "ашар" ыкмасы менен 1993-жылы башталган. Аны куруунун демилге-

чиси жана заказчысы Үч-Коргон айыл өкмөтү. Магистралдык каналда жана

тоннелдик участоктордо жер жумуштарынын 80 проценти аткарылган. Бул

объектини бүткөрүү үчүн төмөнкүлөрдү аткаруу зарыл: биринчи тоннелдин

өткөөлүн (240 п.м), экинчи тоннелдин өткөөлүн бүткөрүү (20 п.м, мурда

410 п.м аткарылган), үстүн ачуу жумуштарын, 7 сел тосмону куруу жана 7

км каналды бетон менен каптоо, булардын наркы 30 млн. сомго жакын.

4. Арка массивине суу берүү менен

Баткен облусунун Лейлек районундагы

Максат поселогунда дюкер куруу

"Лейлек районундагы Кулунду каналынан Максат поселогун суу менен

камсыздоо" долбоору 1999-жылы "Түштүксуудолбоор" долбоорлоо конторасы

тарабынан аткарылган. Бул объектинин курулушун бүткөрүү 715 га сугат

жерди колдонууга киргизүүгө мүмкүндүк берет. Долбоордо узундугу 1,71 км

(Кулунду каналынан суу чыгаруу менен) жана өткөрүү жөндөмү - 1,2 куб.

м/сек дюкерди куруу каралган. Дюкер диаметри 800 мм металл түтүктөрдөн

жасалган. Эки тоннелдик участок бар (жалпы узундугу 800 м жакын).

Бул объекттеги иштер Лейлек райондук мамлекеттик администрациянын

демилгеси боюнча Кыргыз Республикасынын Өзгөчө кырдаалдар министрлиги-

нин жана Азия өнүктүрүү банкынын каражаттарынын эсебинен башталган. 18

млн. сомго жакын суммадагы жумуштар аткарылган. Дюкердин жана тоннелдик

участоктордун курулушу аткарылган.

Бул объектини бүткөрүү үчүн курулуштун экинчи стадиясына ДСДны иш-

теп чыгуу керек. "Түштүксуудолбоор" долбоорлоо конторасы тарабынан Ку-

лунду каналынан Арка массивин сугаруу боюнча кыскача техникалык-эконо-

микалык негиздеме иштелип чыккан. Ага ылайык Кулунду каналынын 9 км

башкы бөлүгүн кењейтүү, Кожо-Бакырган суусу аркылуу дюкер жана өткөрүү

жөндөмдүүлүгү 3 куб. м/сек болгон 23 км канал куруу пландалган. Бул ка-

налды куруу 3111 га аянттагы массивди машина менен сугарууну өзү агуучу

суу менен сугарууга алмаштырууга мүмкүндүк берет. Болжолдуу наркы 360

млн. сомго жакын.

5. "Баткен облусунун Баткен районундагы

сугат жерлерди комплекстүү реконструкциялоо"

объекти (мурдагы "Төрткүл" совхозу)

Чоњ-Кара массивин өздөштүрүү суу берүүнүн төмөнкүдөй схемасы боюн-

ча өткөн кылымдын 60-жылдарында жүргүзүлгөн: Сох дарыясынан узундугу

8,9 км Актурпак каналынын жер нугу боюнча өзү аккан суу Ак-Көл насостук

станциясына чейин жеткирилген, андан насостук станция менен (өндүрүм-

дүүлүгү 0,6 куб. м/сек) суу сугат массивинин командалык точкасына бе-

рилген. Сугат массивинин аянты 560 га түзөт, суунун жетишсиздигинен иш

жүзүндө 350 га жакын жер сугарылат.

Колдонуудагы канал эскирген жана пайдалуу аракет коэффициенти

(ПАК) өтө төмөн. Каналда селден жана нөшөрлөгөн жаандан коргоочу курул-

малар жок болгондуктан агындылар топтолуп, сугатка суу берүүдө аргасыз

үзгүлтүктөр болот.

Бул долбоор 1991-жылы "Кыргызсуудолбоор" ААК тарабынан иштелип чы-

гып, курулушу 1993-жылы башталган, 5,6 км канал төшөө боюнча жер иштери

аткарылган. Аткарылган иштердин наркы 1,4 млн. сомду түзгөн. 1997-жылы

каражаттын жоктугунан объекттеги иштер токтотулган.

Долбоордо каналга суу берүү үчүн Сох дарыясынан плотинасыз суу чы-

гаруу каралган. Суу чыгаруучу каналдын өткөрүү жөндөмдүүлүгүн 3,4 куб.

м/сек чейин көбөйтүү болжолдонот. Төмөнкүлөр каралат:

- монолит бетон каптоо менен 11,9 км колдонуудагы каналды реконс-

трукциялоо, ошондой эле ЛР-80 лотогунан узундугу 1,0 км канал куруу;

- сел тосмолорду, көпүрөлөрдү жана башка курулмаларды куруу;

- сыйымдуулугу 24,8 мињ куб.м сугат СЖБсын куруу.

Объекттин кубаттуулугу - 168 га сугат жерлерди комплекстүү реконс-

трукциялоо. Бул курулманы куруу наркы 2006-жылдагы баа менен 305 млн.

сомго жакынды түзөт.

Бул курулманы курууга сарптоолор Кыргызстан үчүн 1 гектарга салыш-

тырма чыгымдардын нормативдеринен төрт эсеге ашат (долбоорлоо учуруна

карата). Долбоорду иштеп чыгууда каналдын параметрлери жана өткөрүү

жөндөмдүүлүгү сугат жерлеринин аянтын келечекте кењейтүүнү жана аларды

2293 га чейин жеткирүүнү эске алуу менен алынган (азыркы убакта Чоњ-Ка-

ра массивинде иш жүзүндө 350 гектарга жакын жер сугарылат).

6. "Баткен облусунун Баткен районунун

Рават айылында СЖБ куруу" объекти

Объект Баткен районунун аймагында Рават участогунда жайгашкан.

Объекттин долбоордук-сметалык документтерин иштеп чыгуу "Түштүксуудол-

боор" долбоорлоо конторасы тарабынан 2006-жылы башталган жана 2007-жыл-

дын экинчи жарымында бүткөрүлөт.

Сугаруу булагы - "Катта-Булак" булагы, сугаруунун суммалык чыгымы

0,12 куб. м/сек. Жерди сугаруу үчүн булак зонасынан 2,5 км аралыкта сы-

йымдуулугу 0,11 млн. куб. м/сек жана узундугу 1 км суу бөлүүчү каналдын

СЖБ плотинасын куруу керек. Объектти куруу 80 га жерге суу берүүнү кам-

сыздоого, бул жерде сугаттын жападан-жалгыз булагы болгон "Катта-Булак"

суусун кыйла натыйжалуу пайдаланууга, Рават айылындагы үй жанындагы

участокторду суу менен камсыздоону жакшыртууга (120 кожолук) мүмкүндүк

берет, бул айыл калкынын турмуш дењгээлин жогорулатууга өбөлгө болот,

анткени бул айылдагы тургундардын турмушунун негизги булагы айыл чарба

продукциясын өндүрүү. Объекттин болжолдуу наркы 60 млн. сомго жакын.

7. Жалалабат облусунун Аксы районундагы

Ренжит өрөөнүн суу менен камсыздоону

жакшыртуу үчүн Беш-Батман каналынын

аяк жагын реабилитациялоо

Ренжит өрөөнүн сугаруу үчүн канал куруунун алгачкы долбоорун "Кыр-

гызсуудолбоор" ачык акционердик коому 2002-жылы иштеп чыгып, Аксы райо-

нун экономикалык өнүктүрүү фондуна өткөрүп берген. Долбоордо магистрал-

дык канал (3 МК) боюнча сууну Ташмойнок ашуусунан Кызылмасайга чейин

берүү каралган. Бул каналдын курулушу Падшаата суусу - "Беш-Батман" ка-

налы - Ренжит магистралдык каналы -"XX партсъезд" каналы удаалаштыгын-

дагы звено болуп эсептелет. Иштелип чыккан долбоорго ылайык жумуштарды

аткаруу 1074 га жердин суу менен камсыздалышын жакшыртууга жана кийин

2000 га жањы жерлердин суу менен камсыздалышын жакшыртууга мүмкүндүк

берет. Каналдын өткөрүү жөндөмдүүлүгү 4,1 куб м/сек., узундугу 7,8 км.

2006-жылы бул долбоордун сметалары кайрадан эсептелип, курулуш жумушта-

рынын наркы 149,17 млн. сомду түзгөн.

Кыргыз Республикасынын Айыл, суу чарба жана кайра иштетүү өнөр жай

министрлигинин Суу чарба департаментинин тапшырмасына ылайык "Кыргыз-

суудолбоор" ААК 2006-жылы июнда даяр долбоорду каналдын трассасы өзгөр-

гөнүн жана суу берүү үчүн 1000 мм металл түтүктөр пайдаланылаарын эске

алуу менен кайрадан иштеп чыккан.

Долбоорлордун варианттары Аксы районунун тургундары жана жетекчи-

лиги менен талкууланып (2006-жылдын 6-майы жана 18-июлу), кароонун на-

тыйжасында бул каналды 2002-жылы түзүлгөн вариант боюнча аткаруу сунуш-

талган, ал вариант боюнча курулуш жумуштарынын наркы 149,17 млн. сомду

түзөт.

8. Көгарт дарыясынан суу алуу менен Жалалабат

облусунун Сузак районундагы "Курманбек" жана

"Көгарт" айыл өкмөттөрүндө сугатты өнүктүрүү

"Кыргызсуудолбоор" ААК изилдөөлөрдүн негизинде Көгарт суусунан

жалпы аянты 2770 га жерде сугатты көбөйтүү үчүн суу берүүнүн альтерна-

тивдүү үч вариантын иштеп чыгууну ТЭН стадиясында сунуштаган, анын

ичинде: "Курманбек" айыл өкмөтүнүн аймагында -1495 га; "Көгарт" айыл

өкмөтүнүн аймагында - 1275 га.

Бул варианттардын биринчиси узундугу 18,2 км, суу чыгаргычы Кы-

зыл-Суу куймасынан өйдөрөөктөгү 3,5 км өзү агуучу каналдан турат.

Өзү агып баруучу суу берүүнүн экинчи варианты Сары-Булак айылынын

жанынан, биринчи вариант боюнча суу алуучу жерден 9,5 км ылдыйдан суу

алуу менен Көгарт дарыясынын алабында болот түтүктөрдү төшөөдөн турат.

Суу өзү агып баруучу түтүктөрдүн узундугу 11,0 км. Бул варианттардын

болжолдуу наркы бирдей жана 700,0 млн. сомдун тегерегинде

Үчүнчү вариант Көгарт дарыясында бийиктиги 20 метрге жакын сууну

өйдөлөтүүчү нуктук плотина жана ал плотинадан узундугу 10,50 км суу өзү

агуучу канал курууну көздөйт. Баштапкы эсептөөлөр боюнча бул вариант

артыгыраак болушу мүмкүн (күтүлгөн курулуштук наркы 500,0 млн. сомго

жакын).

Чечимди биротоло тандоо ТЭН же ТЭЭ (техникалык экономикалык эсеп-

төө) стадиясында аларды иштеп чыгуунун негизинде жасалышы мүмкүн.

Долбоор Көгарт дарыясынын сугат жерлер системасын суу менен кам-

сыздоонун дењгээлин азайтпастан күздүк буудай өстүрүүнү көбөйтүүгө

мүмкүндүк берет.

9. Нарын облусунун Нарын районундагы Куланак

өрөөнүнүн борбордук бөлүгүн сугаруу (X кезек)

Куланак өрөөнүнүн 5080 га жерин сугаруу 1968-жылы курулган "Кула-

нак" насостук станциясынын жардамы менен ишке ашырылат (көтөрүү бийик-

тиги 24 м, өндүрүмдүүлүгү 7 куб. м/сек.). Насостук станция абдан эскир-

гендиктен жана машиналык сугарууда чыгым кеп болгондуктан 2002-жылы

"Кыргызсуудолбоор" ААК Куланак өрөөнүнө суу өзү агып чыгуучу вариантты

иштеп чыгууну баштаган. АтБашы ГЭСинин ылдыйкы бьефинде суу чыгаргыч

куруу жана Куланак магистралдык каналына чейин өткөрүү жөндөмү 9 куб.

м/сек болгон 7,6 км канал куруу белгиленүүдө. Бул курулуш 5080 га жерди

машиналык сугаруудан өзү агып баруучу сугатка которууга жана дагы 1500

га жањы жерди сугатка киргизүүгө мүмкүндүк берет.

Кыргыз Республикасынын УИА Суу проблемалары жана гидроэнергетика

институту 2006-жылы иштеп чыгууларды аткарган жана суу өзү агып баруучу

магистралдык каналдын вариантын Куланак өрөөнүн сугарууга жана электр

энергиясын чыгарууга пайдалануу жөнүндө сунуш киргизген. Электр энерги-

ясы Куланак ГЭСинде чыгарылат (Куланак насостук станциясын жылына 19

млн. кВт.с электр энергиясын өндүрүүчү генераторлор менен жабдуу аркы-

луу).

Ирригациялык жана гидроэнергетикалык арналыштагы суу өзү агып ту-

руучу каналдын курулуш наркы 280 млн. сомдун тегерегинде.

10. Жалалабат облусунун Аксы районунда

Актерек каналын куруу

1997-жылы "Кыргызсуудолбоор" ачык акционердик коому Падшаата дары-

ясынын суусун толугураак пайдалануу үчүн суу өзү агып баруучу канал ку-

руунун техникалык-экономикалык эсебин даярдаган.

Өткөрүү жөндөмдүүлүгү 8,5 куб м/сек, узундугу 22,0 км Актерек ма-

гистралдык каналы Өзбекстан Республикасын айланып, Кыргыз Республикасы-

нын аймагы боюнча татаал рельефтик жана инженердик-геологиялык шартта

ишке ашырылат. Долбоордук иштеп чыгууларда жумуштардын төмөнкүдөй

түрлөрүн аткаруу каралган:

- Падшаата дарыясында суу чыгаруучу курулма куруу;

- калдык топтолгучка баруучу канал куруу; насосторду гидравликалык

жол менен жуугуч калдык топтогуч куруу;

- 22,0 км Актерек магистралдык каналын курулмалары менен куруу.

Каналдын аяк жагына суу кое бергич куруу жана Беш-Батман каналына

туташтыруу белгиленүүдө. Каналды куруу Баш-Батман жана XX партсъезд ка-

налдарына байлаштырылган 4165 га жердин суу менен камсыздалышын жакшыр-

тууга мүмкүндүк берет. 2006-жылдагы баалар менен ирилештирилген көрсөт-

күчтөр боюнча курулуштун жалпы наркы 700 млн. сомго жакынды түзөт.

Актерек каналын кургандан кийин сугат жерлерди 4,3 мињ га көбөй-

түүгө, анын ичинде Кербен өрөөнүндө 1,8 мињ га жана Ренжит өрөөнүндө

2,5 мињ га көбөйтүүгө мүмкүндүк болот. Ал үчүн жөнгө салуучу сыйымдуу-

луктарды куруу, Итагар суусунан кошумча суу алуу жана Ренжит өрөөнүндө

ирригациялык курулуштарды куруу зарыл.

11. Чүй облусунун Ысыката декадалык жөнгө

салуу бассейнин (ДЖБ) реконструкциялоо

Бул курулуштун долбоорун "Кыргызгипроводхоз" долбоорлоо институту

1978-жылы даярдаган. Декадалык жөнгө салынуучу Ысыката бассейни эксплу-

атацияга 1979-жылы берилген, андан сугарылчу аянт 7 мињ га жакын. Куру-

луш Ысыката дарыясынын агымын жөнгө салууга арналган. Дарыянын максимум

суу ташкыны 68 куб м/сек, минималдуу -2,6 куб м/сек, 50 проценттик кам-

сыздоого сарпталышы - 19,3 куб м/сек. Суу сактагычтын толук көлөмү - 3

млн. куб. м, пайдалуу көлөмү - 2,5 млн. куб. м. Плотинасынын бийиктиги

- 31 м. Плотинанын тиби - өзөктүү, шагыл. Сууну 25 куб. м/сек чыгарууга

эсептелген. Курулмада катастрофа кокустугуна карата суу кое берүү ка-

ралган эмес. Катуу суу киргенден жана селдерден улам суу сактагычтын

түбүнө 350 мињ куб. м жакын агындылар топтолгон. Агындылардын кеп санда

топтолушу чоњ жана орто өлчөмдөгү агындылардын кирип кетишинин натыйжа-

сында суу өткөргүчтүн бузулуу коркунучун жана декадалык жөнгө салынуучу

бассейндин иштешине жана ага байлаштырылган сугат жерлердин суу менен

камсыздалышына коркунуч жаратат. Обьектте суу сактагычтын түбүн механи-

калык тазалоо жана катастрофа учуруна карата суу кое бергич куруу за-

рыл. Жумуштардын жалпы наркы 30 млн. сомго жакын.

12. Талас облусунун Карабуура районундагы

Сарымсак каналын реконструкциялоо

Бул каналга суу Карабуура дарыясынан алынат. Карабуура суу сакта-

гычы эксплуатацияга киргизилгенден кийин 2000 га жакын жањы жерлерди

сугаруу үчүн бул суу сактагычтан суу жеткирүү проблемасы жаралган. Ка-

рабуура районунда Сарымсак каналы аркылуу жерлерди сугаруу долбоору

жер-суу ресурстарды натыйжалуураак пайдаланууга, айыл чарба продукция-

сын өндүрүүнү кењейтүүгө жана түпкү жыйынтыгында элдин турмуш дењгээлин

жогорулатууга багытталган. Жумуштардын жалпы наркы 60 млн. сомдун теге-

регинде.

2000 га жакын аянтта жањы сугат жерлерди түзүү үчүн төмөнкүлөр

белгиленүүдө:

- Сарымсак каналынын 5 км аяк жагын бетон каптап реконструкциялоо

(Сарымсак каналынын өткөрүү жөндөмдүүлүгүн 4 төн 6 куб м/сек чейин кө-

бөйтүү) жана каналды керектүү инженердик курулмалар менен камсыздап

массив боюнча 12-15 км узартуу;

- сугаруучу массивде керектүү курулмалары менен лотоктордон ачык

сугат тармагын куруу;

- таштарды тазалоо жана ылгап тегиздөө жумуштарын аткаруу;

- суу топтоо-кое берүү тармагын куруу, бак-дарак тигүү, жол тарма-

гын куруу;

- селден коргоочу-жөнгө салуучу курулмаларды куруу.

13. Баткен облусунун Баткен районундагы

"Мачаи" каналына Төртгүл суу сактагычынан

суу чыгаруучу канал аркылуу суу берүү

Объект Баткен тоосунан 25 км батышта мурдагы В.И.Лениндин 100 жыл-

дыгы атындагы совхоздун жеринде жайгашкан. "Мачаи" каналы республикалык

мааниге ээ, Кыргыз Республикасынын Баткен районунун аймагындагы Исфара

дарыясынан башталат. Андан ары дээрлик 2 км Тажикстан Республикасынын

эл жыш жайгашкан Мачаи кыштагы аркылуу өтөт. Каналдын калган бөлүгү

Баткен районунун аймагы аркылуу өтөт. "Мачаи" каналынан мурдагы В.И.Ле-

ниндин 100 жылдыгы атындагы совхоздун 1220 га жери сугарылат.

Эки өлкөнүн аймагы аркылуу өткөн каналдын өзгөчөлүктөрүнө, ошондой

эле Мачаи кыштагынын участогунда каналды реконструкциялоо жумуштарын

аткаруу мүмкүн эместигине байланыштуу сугат суу жетишпей, анын натыйжа-

сында эки өлкөнүн калктарынын нааразылыктары жаралат.

Тажикстан Республикасынын Мачаи кыштагын айланып өтүп суу берүү

үчүн "Кыргызгипроводхоз" институту 1994-жылы "Баткен районунун "Мачаи"

каналына Төрггүл суу сактагычынан суу чыгаруучу канал аркылуу суу бе-

рүү" жумушчу долбоорун иштеп чыккан.

Долбоор төмөнкүдөй схема боюнча 1,2 куб. м/сек суу берүүнү караш-

тырат:

- Төртгүл суу сактагычынан суу чыгаруучу ПК 14 канал аркылуу суу

берүү;

- андан ары суу 2,48 км дюкер боюнча Исфара дарыясынын сол жээгине

чыгарылат;

- суу андан ары 4,28 км км узундуктагы ачык канал боюнча "Мачаи"

каналына кошулганга чейин чыгарылат. Бул чечим сууну ылдый жактагы

участокко - Орто-Боз айылынын жанындагы 350 га Самаркендек зонасына га-

на чыгарууга мүмкүндүк берет.

Бардык жерлерге (1220 га) суу берүү үчүн суу өзү агып баруучу

участокко кошумча насостук станция куруу каралып жатат.

Курулуштун наркы 500 млн. сомго жакынды түзөт.

2008-2010-жылдарга Кыргыз Республикасында

суу чарба объекттерин куруу жана жањы

сугат жерлерин өздөштүрүү программасына

тиркеме

2008-2010-жылдарга Кыргыз Республикасында

суу чарба объекттерин куруу жана жањы

сугат жерлерин өздөштүрүү программасына

киргизилген объекттердин

ТИЗМЕСИ