39-статья. Заттарды жана продукцияларды мамлекеттик каттоо

Төмөндөгүлөр:

- адам үчүн коркунучтуу болушу мүмкүн болгон, өндүрүшкө биринчи

жолу киргизилип жаткан жана мурда пайдаланылбаган химиялык, биологиялык

заттар жана алардын негизинде даярдалган препараттар (мындан ары - зат-

тар);

- адам үчүн коркунучтуу болушу мүмкүн болгон продукциялардын айрым

түрлөрү;

- Кыргыз Республикасынын аймагына биринчи жолу алынып келинген

продукциялардын айрым түрлөрү, анын ичинде тамак-аш азыктары мамлекет-

тик каттоого алынат.

Ушул статьянын биринчи абзацында көрсөтүлгөн заттарды жана продук-

циялардын айрым түрлөрүн мамлекеттик каттоо:

- заттардын жана продукциянын айрым түрлөрүнүн адам жана жашоо

чөйрөсү үчүн коркунучтуулугун баалоонун;

- жашоо чөйрөсүндөгү заттарды, продукциянын айрым түрлөрүн

күтүүнүн гигиеналык жана башка ченемдиктерин белгилөөнүн;

- коргоо чараларын, анын ичинде адамга жана жашоо чөйрөсүнө зыян-

дуу таасирин болтурбай коюу боюнча заттарды жана продукциянын айрым

түрлөрүн утилдештирүүнүн жана жок кылуунун шарттарын иштеп чыгуунун не-

гизинде жүргүзүлөт.

Заттардын жана продукциянын айрым түрлөрүнүн адам жана жашоо

чөйрөсү үчүн коркунучтуулугун баалоо, жашоо чөйрөсүндө заттарды жана

продукциянын айрым компоненттерин күтүүнүн гигиеналык жана башка ченем-

диктерин белгилөө, коргоо чараларын иштеп чыгуу белгиленген тартипте

аккредитацияланган уюмдар тарабынан жүзөгө ашырылат.

Ушул статьянын биринчи бөлүгүндө көрсөтүлгөн заттарды жана продук-

циянын айрым түрлөрүн мамлекеттик каттоо буга ыйгарым укук берилген

мамлекеттик аткаруу бийлигинин органы тарабынан Кыргыз Республикасынын

Өкмөтү бекиткен тартипте жүргүзүлөт.