Кыргыз Республикасынын Президентинин «Ар айдагы социалдык жөлөкпулдарга үстөк акыларды белгилөө жөнүндө»Жарлыгы

КР Президентинин 2009-жылдын 13-ноябрындагы ПЖ N 508 Жарлыгына ылайык 2010-жылдын 1-январынан тартып КҮЧҮН ЖОГОТОТ

Бишкек шаары, Өкмөт Үйү 2007-жылдын 27-сентябры ПЖ N 432

КЫРГЫЗ РЕСПУБЛИКАСЫНЫН ПРЕЗИДЕНТИНИН ЖАРЛЫГЫ

Ар айдагы социалдык жөлөкпулдарга үстөк акыларды белгилөө жөнүндө

Караңыз: КР Президентинин "Ар айдагы социалдык жөлөкпулдарга үстөк акыларды белгилөө жөнүндө" Жарлыгына Түшүндүрмө Ар айдагы социалдык жөлөкпулдарды алуучуларга социалдык жактан кошумча колдоо көрсөтүү максатында токтом кылам:

1. 2007-жылдын 1-октябрынан тартып ар айдагы социалдык жөлөкпулдарга төмөнкүдөй үстөк акылар белгиленсин:

300 сом өлчөмүндө:

- балдардын церебралдык шал болуусунан жапа чеккен майып балдарга;

- ВИЧ-инфекциясы жуккан же СПИД менен ооруган балдарга;

- ВИЧ-инфекциясы жуккан же СПИД менен ооруган энелерден төрөлгөн балдарга;

- бала чагынан I топтогу майыптарга;

200 сом өлчөмүндө:

- майып балдарга;

- бала чагынан II топтогу майыптарга;

- пенсия менен камсыз болууга укугу жок болсо, жалпы оорудан I топтогу майыптарга;

- пенсия менен камсыз болууга укугу жок болсо, баатыр энелерге;

- пенсия менен камсыз болууга укугу жок болсо, тоголок жетимдерге;

100 сом өлчөмүндө:

- бала чагынан III топтогу майыптарга;

- пенсия менен камсыз болууга укугу жок болсо, жалпы оорудан II топтогу майыптарга;

- пенсия менен камсыз болууга укугу жок болсо, жалпы оорудан III топтогу майыптарга;

- пенсия менен камсыз болууга укугу жок болсо, кары-картаң жарандарга;

- пенсия менен камсыз болууга укугу жок болсо, баккан адамынан ажыраган учурда, балдарга.

2. Кыргыз Республикасынын Өкмөтү:

- ар айдагы социалдык жөлөкпулдардын өлчөмүн жогорулатууга зарыл каражаттарды белгиленген тартипте тапсын;

- өз чечимдерин ушул Жарлыкка ылайык келтирсин.

3. Бул Жарлык кол коюлган күндөн тартып күчүнө кирет.

Кыргыз Республикасынын Президенти К.Бакиев