Кыргыз Республикасынын Президентинин ПЖ № 532 «Суу жана жер ресурстары боюнча улуттук кеңеш жөнүндө» жарлыгы

КЫРГЫЗ РЕСПУБЛИКАСЫНЫН ПРЕЗИДЕНТИНИН ЖАРЛЫГЫ 2021-жылдын 24-ноябры ПЖ № 532 Суу жана жер ресурстары боюнча улуттук кеңеш жөнүндө

(Кыргыз Республикасынын Президентинин 2024-жылдын 19-сентябрындагы ПЖ № 269, 2026-жылдын 9-февралындагы № 31 Жарлыктарынын редакцияларына ылайык)

Суу жана жер ресурстарын башкаруу, коргоо жана пайдалануу маселелери боюнча министрликтердин, административдик ведомстволордун жана мамлекеттик органдардын ишин координациялоонун натыйжалуулугун жогорулатуу максатында, Кыргыз Республикасынын Конституциясынын 71-беренесине ылайык токтом кылам:

1. Кыргыз Республикасынын Президентине караштуу Суу жана жер ресурстары боюнча улуттук кеңеш түзүлсүн.

2. Төмөнкүлөр бекитилсин:

- Кыргыз Республикасынын Президентине караштуу Суу жана жер ресурстары боюнча улуттук кеңеш жөнүндө жобо 1- тиркемеге ылайык;

- Кыргыз Республикасынын Президентине караштуу Суу жана жер ресурстары боюнча улуттук кеңештин курамы 2- тиркемеге ылайык.

3. Кыргыз Республикасынын Президентине караштуу Суу жана жер ресурстары боюнча улуттук кеңештин катчылыгынын функцияларын аткаруу суу ресурстары боюнча ыйгарым укуктуу мамлекеттик органга жүктөлсүн.

(Кыргыз Республикасынын Президентинин 2026-жылдын 9-февралындагы № 31 Жарлыгын редакциясына ылайык)

4. Кыргыз Республикасынын Министрлер Кабинети өзүнүн чечимдерин ушул Жарлыкка ылайык келтирсин.

5. Бул Жарлыктын аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин Чечимдерин даярдоо боюнча башкармалыгына жүктөлсүн.

6. Бул Жарлык расмий жарыяланган күндөн тартып жети жумуш күн өткөндөн кийин күчүнө кирет.

Кыргыз Республикасынын Президенти

С.Н. Жапаров

2-тиркеме Кыргыз Республикасынын Президентине караштуу Суу жана жер ресурстары боюнча улуттук кеңештин КУРАМЫ

(КР Президентинин 2024-жылдын 19-сентябрындагы ПЖ № 269 Жарлыгынын редакциясына ылайык)

Кыргыз Республикасынын Президенти, Улуттук кеңештин төрагасы; Кыргыз Республикасынын Министрлер Кабинетинин Төрагасы, Улуттук кеңештин төрагасынын орун басары; Кыргыз Республикасынын Министрлер Кабинетинин Төрагасынын орун басары - Кыргыз Республикасынын суу ресурстары, айыл чарба жана кайра иштетүү өнөр жайы министри, Улуттук кеңештин төрагасынын орун басары. Улуттук кеңештин мүчөлөрү: Кыргыз Республикасынын экономика жана коммерция министри; Кыргыз Республикасынын финансы министри; Кыргыз Республикасынын тышкы иштер министри; Кыргыз Республикасынын жаратылыш ресурстары, экология жана техникалык көзөмөл министри; Кыргыз Республикасынын өзгөчө кырдаалдар министри; Кыргыз Республикасынын саламаттык сактоо министри; Кыргыз Республикасынын энергетика министри; Кыргыз Республикасынын Улуттук коопсуздук мамлекеттик комитетинин төрагасы; Кыргыз Республикасынын Улуттук статистика комитетинин төрагасы (макулдашуу боюнча); (Абзац КР Президентинин 2024-жылдын 19-сентябрындагы ПЖ № 269 Жарлыгына ылайык күчүн жоготту)