5-статья. Аттестациядан өтүүчүлөргө коюлуучу талаптар

Патенттик ишенимдүү өкүл катары төмөнкү талаптарга жооп берген адамдар аттестациядан өтүшү жана катталышы мүмкүн:

1) Кыргыз Республикасынын жараны болушкан;

2) патенттик ишенимдүү өкүл катары иш жүргүзүү үчүн арыз берген учурда Кыргыз Республикасынын аймагында туруктуу жашаган жери жана юридикалык дареги болгон;

3) жогорку кесиптик билими бар;

4) интеллектуалдык менчик объектилерин, селекциялык жетишкендиктерди коргоо боюнча интеллектуалдык менчик жаатындагы ыйгарым укуктуу мамлекеттик орган тарабынан аныкталган деңгээлде иш жүргүзүү үчүн зарыл болгон Кыргыз Республикасынын ченемдик укуктук актыларын, эл аралык келишимдерди билген адамдар;

5) (КР 2023-жылдын 23-мартындагы № 68 Мыйзамына ылайык күчүн жоготту)

(5-статьянын 5-пункту КР Конституциялык Сотунун 2006-жылдын 19-январындагы Чечимине ылайык аракетин жоготту) Патенттик ишенимдүү өкүл катары:

1) интеллектуалдык менчик жаатындагы ыйгарым укуктуу мамлекеттик органдын жана анын ведомстволоруна кирген уюмдардын кызматкерлери;

2) Кыргыз Республикасынын Мыйзамына ылайык ишкердик иштер менен алектенүүгө тыюу салынган кызмат адамдары менен кызматкерлер аттестациядан өткөрүлбөйт.

3) Кыргыз Республикасынын жараны болуп саналбаган жеке жактар.

(КР 2005-жылдын 31-мартындагы № 58, 2023-жылдын 23-мартындагы № 68 Мыйзамдарынын редакциясына ылайык)