1-статья. Негизги түшүнүктөр

Ушул Мыйзамда колдонулуучу негизги түшүнүктөр: жарандык коргонуу - тынчтык жана согуш мезгилинде калкты коргоону ишке ашырган жалпы мамлекеттик, социалдык жана коргонуу иш - чараларын, бүткүл аймакты жана ага тиешелүү чарба объектилерин табигый кырсыктар- дан, авариядан, алааматтардан, ошондой эле азыркы учурдагы согуштук аракеттерден келип чыгуучу коркунучтардан коргоо тутумунун бир бөлүгү; жарандык коргонуу кызматы - негизги күчтөр менен каражаттарды да- ярдоону жана жарандык уюмдардын иш аракеттерин согуш жана тынчтык мез- гилинде авариялык - сактоо жана башка кечиктирилгис иштерди жүргүзүүдө жарандык коргонуу боюнча иш чараларды жүргүзүү үчүн багытталган кызмат; жарандык коргонуунун жарандык уюмдары - Кыргыз Республикасынын ку- ралдуу күчтөрүнүн курамына кирбеген, тынчтык жана согуш мезгилдеринде согуштук аракеттердин же ал аракеттердин кесепеттеринин учурунда келип чыгуучу коркунучтардан калкты жана уюмдарды коргоо үчүн атайын техника- га жана мүлккө ээ болуп жана даярдалган территориалдык - өндүрүштүк принцип боюнча уюмдардын базасында уюштурулган түзүлүш; жарандык коргонуу боюнча топко тиешелүү аймак - шаар же башка калктуу пунктар жайгашкан, коргонуу жана экономикалык жактан мааниге ээ болгон, тынчтык жана согуштук мезгилде өзгөчө кырдаалдардын өтө жо- горку коркунучун пайда кылган объектер жайгашкан аймак.