Кара-Суу шаардык Кеңешинин «Кара-Суу шаарынын 2011-жылга бюджетинин аткарылышын отчетун жана 2012-жылга тузулгон бюджетин бекитуу жонундо» токтому

КАРА-СУУ ШААРДЫК КЕӉЕШИ ТОКТОМ депутаттардын кара-суу шаардык кенешинин кезексиз (тортунчу шайланган) сессиясынын ХXI заседаниясынын

2012-жылдын 30-марты №21/1 Кара-Суу шаарынын 2011-жылга бюджетинин аткарылышын отчетун жана 2012-жылга түзүлгөн бюджетин бекитүү жөнүндө Депутаттардын Кара-Суу шаардык Кеңеши «Кара-Суу шаарынын 2011-жылга бюджетинин аткарылышын отчетун жана 2012 жылга түзүлгөн бюджетин бекитүү жөнүндө» маселени карап жана талкуулап, бул маселе Кара-Суу шаардык Кеңешинин экономика, бюджет,укук жана этика, билим берүү, саламаттыкты сактоо, маданият, спорт, аялдар жана жаштар саясаты боюнча туруктуу комиссияларынын берген корутундусун эске алып депутаттардын Кара-Суу шаардык Кеңеши ТОКТОМ КЫЛАТ: 1-берене. Кара-Суу шаарынын 2012-жылга жергиликтүү бюджети кирешелер жана чыгышалар боюнча 95233,0 мин сом суммасында (атайын каражаттарын, гранттык каражаттарды кошкондо) бекитилсин (№ 1 тиркеме). 2-берене. Кара-Суу шаарынын жергиликтүү бюджетинин 2012-2013-жылдарга кирешелер жана чыгашалар болжолу №2 тиркемеге ылайык булактар боюнча түшүүлөрдүн эсебинен түзүлөт. 3-берене. Шаар башкармасынын атайын каражаттарынын кирешелер жана чыгашалар боюнча максаттуу көрсөткүчтөрү № 3 тиркемеге ылайык бекитилсин. 4-берене. Кара-Суу шаарынын жергиликтүү бюджетинин 2012-жылга чыгаша бөлүгүнүн негизги параметрлери № 4 тиркемеге ылайык бекитилсин. 5-берене. Чыгымдарды каржылоо биринчи кезекте коргоого алынган беренелер боюнча (эмгек акы, Кыргыз Республикасынын Социалдык фондуна чегеруулор, медикаменттер, тамактануу, аз камсыз болгон үй-бүлөлөргө жана милдеттуу медициналык камсыздандыруу фондуна чегерүүлөр) жүргүзүлөт. Чыгашалардын корголгон беренелери штаттык сандагы бош орундарга жана нормативдик актылардын кабыл алынышына байланыштуу азайтылышы жана көбөйтүлүшү мүмкүн. Чыгашалардын корголгон беренелерин каржылоо үчүн жоопкерчилик шаар мэриясна, аны өз багытында иштетүү ишкана жетекчилерине жүктөлөт. 6-берене. Кара-Суу шаар мэриясы тарабынан муниципалдык имараттарды жана муиципалдык жерлерди ижарага берүүдөн алынуучу каражаттар толугу менен жергиликтуу шаар бюджетинин киреше бөлүгүнө келип түшөөрү белгиленсин. Шаар мэриясына жана бюджеттик мекеме жетекчилерине атайын каражаттарды казыналык системаны аттап өтүп, пайдалануусуна тыюу салынсын. Көрсөтүлгөн тартип бузулган учурда атайын каражаттардын 50 пайызы республикалык бюджеттин кирешесине алынып коюлары эскертилсин. 7-берене. Кара-Суу шаар башкармасынын штаттык бирдиктери жана 2012-жылга кетүүчү акча каражаты № 5 жана № 6 тиркемелерге ылайык бекитилсин. 8-берене. Депутаттардын Кара-Суу шаар шаардык Кеңешинин аппаратын 2012-жылга кармоого кетүүчү акча каражаты № 7 тиркемеге ылайык бекитилсин. 9-берене. Кара-Суу шаар башкармасынын алдындагы муниципалдык департаментинин штаттык бирдиктери жана 2012-жылда муниципалдык департамент аркалуу кетүүчү акча каражаты № 8 жана 9 тиркемелерге ылайык бекитилсин. 10-берене. Кара-Суу шаар башкармасынын алдындагы муниципалдык Ж.Боконбаев эс алуу паркынын штаттык бирдиктери жана 2012-жылда муниципалдык Ж.Боконбаев эс алуу паркы аркалуу кетүүчү акча каражаты № 10 жана 11 тиркемелерге ылайык бекитилсин. 11-берене. Кара-Суу шаар мэриясынын кварталдык комитеттеринин 2012-жылга эмгек акыларынын өлчөмдөрү жана 2012-жылда кварталдык комитеттеринин кармоого кетүүчү акча каражаты № 12 тиркеме менен бекитилсин. 12-берене. Кара-Суу шаарынын 2011-жылга жергиликтүү бюджетинин аткарылуусу кирешелер бөлүгү 76284,5мин сом, чыгышалар бөлүгү 75065,8 мин сом суммасында бекитилсин. 13-берене.Кара-Суу шаардык бюджетинин 2011-жылда аткарылуусунун жыйынтыгы менен 2012-жылдын 1-январына карата калган 1854,1 мин сом (негизги бюджет) эркин калдык № 13 тиркемеге ылайык иштетилиши бекитилсин. 14-берене. Кара-Суу шаар бюджети боюнча жүгүртүүдөгү кассалык накталай акча 2013-жылдын 1-январына карата 10,0 мин сом суммасында белгиленсин. 15-берене. Кара-Суу шаар башкармасы төмөнкүлөргө укуктуу жана милдеттүү: -эгерде бул шаардын жергиликтүү бюджетинин киреше бөлүгүн азайтууга алып келбесе, ушул токтомдун 2-беренесинде бекитилген суммалардын чектеринде ушул токтомдун тиркемесине өзгөртүүлөрдү киргизүүгө; -тиешелүү органдар тарабынан кабыл алган ченемдик актыларды кабыл алуудан келип чыгуучу жергиликтүу өз алдынча башкаруунун бюджеттери менен Кыргыз Республикасынын республикалык бюджетинин өз ара эсептешүүлөрүнө тактоолорду киргизүүгө; -кирешелердин болжолдонгондон ашыкча түшүүлөрүнүн эсебинен шаардын жергиликтүү бюджетин чыгаша бөлүгүн көбөйтүүнү карап чыгууга; -Кыркыз Республикасынын 2001-жылдын 14-январындагы №9 «Мугалимдердин статусу жөнүндө» мыйзамынын 8- «Социалдык камсыздоого укук»беренесине ылайык коммуналдык кызмат көрсөтүүлөргө компесациялоо учун 2012-жыл ичинде чыгаша сметасында карап (2011-2012 окуу жылында толук иштесе) ар бир иштеген атуулга 1000 сом өлчөмүндө акча каражат төлөп берүүгө. Шаар мэриясы тарабынан киргизилген өзгөртүүлөр жана толуктоолор депутаттардын Карасуу шаардык Кеңеши тарабынан каралат жана кабыл алынат. 16-берене. Ушул токтом 2012-жылдын 1-январынан колдонууга киргизилсин. Токтомдун аткарылышын көзөмөлдөө жагы депутаттардын Кара-Суу шаардык Кеңешинин экономика,бюджет,укук жана этика боюнча туруктуу комиссиясына тапшырылсын.

Депутаттардын Кара-Суу шаардык Кеңешинин төрагасы

Т.Алиев