Бишкек шаардык кеңешинин «Бишкек шаарында коомдук жүргүнчүлөр транспорту менен жүргүнчүлөрдү жана жүк ташууга тарифтер жөнүндө» токтому

БИШКЕК ШААРДЫК КЕӉЕШИ ТОКТОМ

2012-жылдын 26-апрели №312 Бишкек шаарында коомдук жүргүнчүлөр транспорту менен жүргүнчүлөрдү жана жүк ташууга тарифтер жөнүндө

Жүргүнчү транспортунун туруктуу ишин камсыздоо, борбор шаарыбыздын тургундарын жана конокторун үзгүлтүксүз ташуу, жүргүнчүлөр транспорт муниципалдык ишканаларынын экономикалык абалын жакшыртуу, аларга кызмат көрсөтүүдө бааны жөнгө салуу үчүн, ошондой эле Бишкек шаарынын жарандарынын кээ бир категорияларын жүргүнчүлөр транспортунда акысыз ташууну камсыз кылуу максатында, Бишкек шаардык кеңеш ТОКТОМ КЫЛАТ:

1. 2021-жылдын 1-ноябрынан тартып Бишкек шаарынын коомдук шаардык жүргүнчү транспорту менен (троллейбустарда, автобустарда, маршруттук таксилерде) жүргүнчүлөрдү жана жүктөрдү ташууга тарифтер тиркемеге ылайык бекитилсин.

(Бишкек шаардык кеңешинин 2021-жылдын 28-сентябрындагы № 8 токтомуна редакциясына ылайык)

2. Бишкек шаардык кеңештин төмөнкү токтомдору күчүн жоготту деп эсептелсин:

а) 2011-жылдын 17-майындагы № 225 "Бишкек шаарында коомдук жүргүнчү транспорту менен жүргүнчүлөрдү жана жүк ташуу тарифтери жөнүндө";

б) Бишкек шаардык кеңештин 2011-жылдын 13-октябрындагы № 265 "Бишкек шаарында коомдук жүргүнчү транспорту менен жүргүнчүлөрдү жана жүк ташуу тарифтери жөнүндө токтомуна өзгөртүүлөрдү жана толуктоолорду киргизүү жөнүндө".

3. Бишкек шаарынын мэриясы:

-Бишкек шаарында коомдук жүргүнчү транспорту менен жүргүнчүлөрдү жана жүк ташуу тарифтерди өзгөртүү маселесин кароодо эксплуатациялык чыгымдардын жана инфляциянын өзгөрүүсүн эске алсын; -Бишкек шаардык кеңештин сессиясынын кароосуна Бишкек шаарынын коомдук жүргүнчүлөр транспортун жана жол инфраструктурасын өнүктүрүү Концепциясын киргизсин.

4. Бул токтом белгиленген тартипте каттоодон өткөрүлсүн жана Кыргыз Республикасынын ченемдик-укуктук актыларынын мамлекеттик реестрине киргизүү үчүн Кыргыз Республикасынын Юстиция министрлигине жөнөтүлсүн.

5. Бул токтом расмий жарыяланган күндөн тартып күчүнө кирет.

"Эркин Тоо" газетасында 2012-жылдын 1-майында № 39 жарыяланды

6. Бул токтомдун аткарылышын контролдоо Бишкек шаардык кеңештин турак жай коммуналдык чарба, отун-энергетика комплекси транспорт, коммуникация жана экология боюнча туруктуу комиссиясына (Салымбеков Ж.М.) жана Бишкек шаарынын вице-мэри Т.М.Имашовго жүктөлсүн.

(Бишкек шаардык кеңешинин 2021-жылдын 28-сентябрындагы № 8 токтомуна редакциясына ылайык)

Бишкек шаардык кеңештин төрагасынын милдетин аткаруучу

В. Лисниченко

Бишкек шаардык кеңештин 2012-жылдын 26-апрелиндеги № 312 токтомуна тиркеме

Бишкек шаарында коомдук жүргүнчүлөр транспорту (бардык класстардагы автобустар жана электробустар) менен жүргүнчүлөрдү жана жол жүгүн ташууга ТАРИФТЕР

(Бишкек шаардык кеңешинин 2026-жылдын 30-июнундагы № 107 токтомунун редакциясына ылайык)

1. Бир жүргүнчүнүн жол кире наркы төмөнкүдөй белгиленсин:

менчиктин түрүнө карабастан, автобуста жана электробуста (чакан жана өзгөчө чакан класстагы автобустардан тышкары) накталай эмес төлөм түрүндө - 17,00 (он жети) сом; менчиктин түрүнө карабастан, чакан жана өзгөчө чакан класстагы автобустарда накталай жана накталай эмес төлөм түрүндө - 20,00 (жыйырма) сом. атайын айырмалоочу белгилер менен белгиленген, менчиктин түрүнө карабастан (чакан жана өзгөчө чакан класстагы автобустардан тышкары), салондорунда жол кире төлөмүн контролдоо контролёрлор тарабынан жүргүзүлгөн автобустарда жана электробустарда накталай түрдө. - 20,00 (жыйырма) сом; саат 23:00дөн 05:00гө чейин түнкү каттамдарды жүзөгө ашыруучу автобустарда жана электробустарда (чакан жана өзгөчө чакан класстагы автобустардан тышкары) накталай эмес төлөм жүргүзүүдө - 70,00 (жетимиш) сом, накталай төлөм жүргүзүүдө - 90,00 (токсон) сом.

2. Муниципалдык коомдук транспортто жол акысын транспорттук карта менен төлөгөн учурда, 5 мүнөт өткөндөн кийин жүргүнчүгө 60 мүнөттүн ичинде чектөөсүз санда башкага которулуп отуруу укугу берилет.

3. Автобустарда жана электробустарда (чакан жана өзгөчө чакан класстагы автобустардан тышкары) жүргүнчүлөрдүн жүрүүсү аялдамаларга башка коомдук жайларга же коомдук транспортдо орнотулган терминалдардан накталай эсептешүү аркылуу атайын талон сатып алуу аркылуу жүргүзүлүшү мүмкүн. Атайын талон транспорт каражатына орнотулган валидатордо милдеттүү түрдө катталууга тийиш.

4. Автобустарда, электробустарда 1 орундук жүктү ташуу үчүн төлөм:

40 кг жогору же 50х60х100 см көлөмү менен - 17,00 (он жети) сом.

5. 1 (бир) айлык мөөнөткө транспорттук картанын (электрондук жол билети) наркы:

мектептик 360,00 (үч жүз алтымыш) сом; стандарттык 1020,00 (бир миң жыйырма) сом. Транспорттук картаны даярдоого кеткен чыгымдарга алардын өздүк наркы киргизилет. Стандарттык транспорттук карта (электрондук жол жүрүү билети) мөөнөтсүз болуп саналат (физикалык жактан эскиргенге чейин колдонулат), ага салынган акча каражаттары жокко чыгарылбайт же эсептен чыгарылбайт.

6. Акысыз же жеңилдетилген баада жол жүрүү укугун берүүчү жекелештирилген транспорттук карталар, ошондой эле ушул тиркеменин 5-пунктунда көрсөтүлгөн стандарттык транспорттук карталар түнкү каттамдарды жүзөгө ашыруучу автобустарда жана электробустарда, анын ичинде экспресс жана жарым-жартылай экспресс каттамдарда колдонулбай тургандыгы белгиленсин.

Экспресс жана жарым-жартылай экспресс каттамдарда, ошондой эле түнкү каттамдарды жүзөгө ашыруучу автобустарда жана электробустарда ушул тиркеменин 2-пунктунда көрсөтүлгөн жеңилдиктер колдонулбайт.

7. Муниципалдык коомдук жүргүнчүлөр транспортунда акысыз жүрүү укугу Бишкек шаарында туруктуу жашаган жана каттоосу бар тургундардын төмөнкү категорияларына бериле тургандыгы белгиленсин:

Кыргыз Республикасынын Социалдык фонду тарабынан берилген пенсиялык шарты бар пенсионерлерге жаш курагы боюнча; жалпы ооруларынын жана эмгектик мерттенүүнүн натыйжасында I, II, III топтогу майыптыгы бар адамдарга; бала кезинен майыптыгы бар адамдарга; 7 жашка чейинки курактагы балдарга; майыптыгы бар адамдын жеке ассистенттерине (карап-багуучуларына); «Кыргыз почтасы» ААКтын почтальондоруна, кызматтык милдеттерин аткарууда. Муниципалдык коомдук жүргүнчүлөр транспортунда акысыз жол жүрүү үчүн негиз болуп, акысыз же жеңилдетилген жол жүрүү укугунда адамдын фамилиясы, аты жана атасынын аты көрсөтүлгөн жана сүрөтү менен персонификациялаштырылган транспорттук карта (электрондук жол билет) эсептелет.