Жүргүнчүлөрдү, багажды жана жүктөрдү эл аралык ташууну ырастоочу документтердин тизмеги (Кыргыз Республикасынын Министрлер Кабинетинин токтомуна 5-тиркеме)

5-тиркеме «21-тиркеме

Жүргүнчүлөрдү, багажды жана жүктөрдү эл аралык ташууну ырастоочу документтердин тизмеги

1. Жаратылыш газынан тышкары, жүргүнчүлөрдү, багажды жана жүктөрдү эл аралык ташууну ырастоочу документтер болуп төмөнкүлөр саналат:

1) жүргүнчүлөрдү, багажды жана жүктөрдү эл аралык ташууга келишим;

2) эсеп-фактура (инвойс) – экспорттоочу резиденти болуп эсептелген мамлекеттин мыйзамдарына ылайык товарды экспорттоону жүзөгө ашыруучу субъект тарабынан таризделүүчү электрондук документ же кагаз жүзүндөгү документ түрүндөгү салык документи;

3) товар-транспорттук коштомо кагазы (ТКК) – эл аралык автомобилдик коштомо кагазынын (CMR) ордуна Көз карандысыз Мамлекеттердин Шериктештигине кирген өлкөлөрдүн чегинде товарларды өткөрүүдө пайдаланылуучу документ;

4) эл аралык автомобилдик коштомо кагазы (CMR) – жүктү автомобиль транспорту менен жеткирүүдө Жүктөрдү эл аралык жолдордо ташуу келишими жөнүндө конвенциянын (ЖЭЖТК) талаптарына ылайык таризделген документ.

2. Жаратылыш газын эл аралык ташууну (жеткирүүнү) ырастоочу документтер болуп төмөнкүлөр саналат:

1) Кыргыз Республикасынын аймагы аркылуу өтүүчү магистралдык өткөргүч түтүктөрдүн участоктору боюнча жаратылыш газын ташууга келишим;

2) эсеп-фактура – Кыргыз Республикасынын салык мыйзамдарына ылайык жаратылыш газын эл аралык ташууну (жеткирүүнү) жүзөгө ашыруучу салык төлөөчү тарабынан таризделүүчү электрондук документ же кагаз жүзүндөгү документ түрүндөгү салыктык документ;

3) Кыргыз Республикасынын аймагы аркылуу өткөн магистралдык өткөргүч түтүктөрдүн участоктору аркылуу ташылуучу жаратылыш газын өткөрүп берүү-кабыл алуунун коммерциялык актысы.».