Кыргыз Республикасынын Министрлер Кабинетинин «Кыргыз Республикасынын Министрлер Кабинетинин 2024-жылдын 11-сентябрындагы №554 “Региондорду өнүктүрүү фонддорунун маселелери жөнүндө” токтомуна өзгөртүүлөрдү киргизүү тууралуу» токтому

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2026-жылдын 4-августу № 524

Кыргыз Республикасынын Министрлер Кабинетинин 2024-жылдын 11-сентябрындагы № 554 «Региондорду өнүктүрүү фонддорунун маселелери жөнүндө» токтомуна өзгөртүүлөрдү киргизүү тууралуу

Региондорду өнүктүрүү фонддорунун ишин өркүндөтүү максатында, Кыргыз Республикасынын Бюджеттик кодексинин 34-беренесине, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2024-жылдын 11-сентябрындагы № 554 «Региондорду өнүктүрүү фонддорунун маселелери жөнүндө» токтомуна төмөнкүдөй өзгөртүүлөр киргизилсин:

1) жогоруда аталган токтом менен бекитилген Региондорду өнүктүрүү фонддору жөнүндө типтүү жободо:

- 6-пунктта:

2-пунктчада «/ишкердик субъект» деген сөздөр алып салынсын; 5-пунктча төмөнкүдөй редакцияда баяндалсын: «5) долбоорду аткаруучу – долбоордук өтүнмөсү Фонддун Байкоочу кеңеши тарабынан жактырылган долбоорду каржылоого Фонддун аткаруу органы менен келишим түзгөн жергиликтүү өз алдынча башкаруу органы/мамлекеттик орган;»; 12, 15, 16, 17, 18 жана 19-пунктчалар күчүн жоготту деп таанылсын; 13-пунктчада «/ишкердик субъекттин» деген сөздөр алып салынсын;

- 7-пункт төмөнкүдөй редакцияда баяндалсын:

«7. Фонддун каражаттары облустарды, райондорду, шаарларды жана айыл аймактарын социалдык-экономикалык өнүктүрүү программаларын ишке ашырууга, жергиликтүү коомчулуктун демилгелерин, жергиликтүү өз алдынча башкаруу органдарын, мамлекеттик органдарды субсидиялоого, жарандардын жашоо деңгээлин жогорулатууга, региондук экономикалык өнүктүрүү үчүн шарттарды түзүүгө, аймактардын инфраструктурасын жакшыртууга жана калктын саламаттыгын сактоо шарттарын камсыз кылууга жумшалат.»;

- 8-пунктта:

биринчи абзац төмөнкүдөй редакцияда баяндалсын: «8. Фонддун бюджеттик жана атайын эсептердеги каражаттары социалдык, инфраструктуралык долбоорлорду жана жергиликтүү коомчулуктун демилгелерин мамлекеттик субсидиялоонун алкагында сунушталган долбоорлорду каржылоого жумшалат, анын ичинен төмөнкүлөргө:»; 1, 2 жана 3-пунктчалар күчүн жоготту деп таанылсын; 5-пунктчада «, экономикалык» деген сөздөр алып салынсын;

- 11-пункт төмөнкүдөй редакцияда баяндалсын:

«11. Фонддордун бюджеттик жана атайын эсептердеги болжолдонгон жылдык бюджети төмөнкү чыгашалар категориялары боюнча милдеттүү түрдө бөлүштүрүлүүгө тийиш:

Фонддун каражаттарынын чыгашаларынын ар бир категориясы боюнча Фонддун болжолдонгон жылдык бюджетинин жалпы суммасынын пайызы учурдагы жылдын 30-январынан кечиктирилбестен Фонддун Байкоочу кеңешинин чечими менен аныкталат жана бекитилет. Каражаттарды чыгашалардын категориялары боюнча бөлүштүрүү Фонддун Байкоочу кеңешинин чечими менен региондорду социалдык-экономикалык өнүктүрүүнүн артыкчылыктарына жараша жүргүзүлөт.»;

- 13-пункттун 3-пунктчасы күчүн жоготту деп таанылсын;

- 35-пунктта:

2-пунктчада «экономикалык долбоорлордон тышкары,» деген сөздөр алып салынсын; 10-пунктча төмөнкүдөй редакцияда баяндалсын: «10) Фонддун болжолдонгон жылдык бюджетинин долбоорун, социалдык, инфраструктуралык долбоорлордун тизмегин иштеп чыгат жана Фонддун Байкоочу кеңешинин жыйналышына киргизет;»;

- 36-пункттун 1-пунктчасында «экономикалык долбоорлордон тышкары,» деген сөздөр алып салынсын;

- 5-главанын 2 жана 3-параграфтары күчүн жоготту деп таанылсын;

- 77-пункттун 2-пунктчасынын үчүнчү абзацы күчүн жоготту деп таанылсын;

- 81 жана 82-пункттар күчүн жоготту деп таанылсын;

- 84-пункт төмөнкүдөй редакцияда баяндалсын:

«84. Фонддун кассалык чыгашалары, чыгашалар сметасы 3111 «Имараттар жана курулмалар» беренеси боюнча түзүлөт жана каржыланат жана Кыргыз Республикасынын Бюджеттик классификациясында белгиленген тартипте жөнөкөйлөтүлгөн казыналык жол-жоболор боюнча жүзөгө ашырылат.»;

- 88-пункттун экинчи абзацы күчүн жоготту деп таанылсын;

- 94-пункттун 2-пунктчасында «жана кредиттөө программасынын» деген сөздөр алып салынсын;

2) жогоруда аталган токтом менен бекитилген Фонддордун каражаттарынын пайдаланылышына мониторинг жүргүзүү жана баалоо боюнча типтүү методикада:

- 23-пункт төмөнкүдөй редакцияда баяндалсын:

«23. Финансы каражаттарынын максаттуу пайдаланылышын сыпаттаган индикаторлордун тизмеги 3-таблицада берилген.

3-таблица. Финансы каражаттарынын максаттуу пайдаланылышын сактоонун индикаторлорунун тизмеги

»;

- 2-тиркемеде:

5-пункттун 1-пунктчасы төмөнкүдөй редакцияда баяндалсын: «1) отчеттук жылы ишке ашырылган долбоорлордун тизмегинен 30 % долбоор тандалып алынат;»;

- 3-тиркеме ушул токтомдун тиркемесине ылайык редакцияда баяндалсын.

2. Бул токтом расмий жарыяланган күндөн тартып он күн өткөндөн кийин күчүнө кирет.

| Кыргыз Республикасынын Министрлер Кабинетинин Төрагасы | | А.А. Касымалиев |