Кыргыз Республикасынын Юстиция министрлигинин «Кыргыз Республикасынын Юстиция министрлиги тарабынан Кыргыз Республикасынын укуктук маалыматтарынын борборлоштурулган банкына ченемдик укуктук актыларды (укуктук актыларды) алуу тартибин бекитүү жөнүндө» буйругу

КЫРГЫЗ РЕСПУБЛИКАСЫНЫН ЮСТИЦИЯ МИНИСТРЛИГИНИН БУЙРУГУ

2026-жылдын 3-июлундагы № 132

Кыргыз Республикасынын Юстиция министрлиги тарабынан Кыргыз Республикасынын укуктук маалыматтарынын борборлоштурулган банкына ченемдик укуктук актыларды (укуктук актыларды) алуу тартибин бекитүү жөнүндө

Укуктук маалыматтарды берүүнүн сапатын жакшыртуу, ошондой эле Кыргыз Республикасынын укуктук маалыматтарынын борборлоштурулган банкында жарыяланууга тийиш болгон актыларга коюлуучу талаптарды жогорулатуу максатында, “Кыргыз Республикасынын ченемдик укуктук актылары жөнүндө” Кыргыз Республикасынын Мыйзамына, Кыргыз Республикасынын Президентинин 2001-жылдын 10-февралындагы № 56, Кыргыз Республикасынын укук маалыматтарынын борбордоштурулган банкын түзүү боюнча чаралар жөнүндө” Жарлыгына жана Кыргыз Ресубликасынын Министрлер Кабинетинин 2025-жылдын 4-июнундагы № 319 “Мамлекеттик органдардын укуктук мүнөзгө ээ актыларын кабыл алуу тартиби жөнүндө” токтомуна ылайык, Кыргыз Республикасынын Өкмөтүнүн 2021-жылдын 5-мартындагы № 78 токтому менен бекитилген, Кыргыз Республикасынын Юстиция министрлиги жөнүндө Жобонун 13-пунктун жетекчиликке алып, буйрук кылам:

1. Кыргыз Республикасынын Юстиция министрлиги тарабынан Кыргыз Республикасынын укуктук маалыматтарынын борборлоштурулган банкына ченемдик укуктук актыларды (укуктук актыларды) алуу тартиби тиркемеге ылайык бекитилсин.

2. Укуктук маалымат башкармалыгы:

1) буйрука кол коюлган күндөн тартып үч жумуш күндүн ичинде ушул буйрукту Кыргыз Республикасынын Юстиция министрлигинин расмий сайтында мамлекеттик жана расмий тилдерде жарыяласын;

2) ушул буйрукту жарыяланган күндөн тартып жети жумуш күндүн ичинде мамлекеттик жана расмий тилдерде Кыргыз Республикасынын Укуктук маалыматтарынын борборлоштурулган банкына жарыяласын.

3. Ушул буйрук жарыяланган күндөн тартып жети күн өткөндөн кийин күчүнө кирет.

4. Ушул буйруктун аткарылышын контролдоону өзүмө калтырам.

| Министрдин биринчи орун басары (министр жок учурда) | | С.Т. Ызакова |