Кыргыз Республикасынын Министрлер Кабинетинин Төрагасынын (Кыргыз Республикасынын Министрлер Кабинетинин «Аскер кызматчыларына, укук коргоо органдарынын кызматкерлерине жана алардын үй-бүлө мүчөлөрүнө кызматтык турак жайларды берүү жана аларды пайдалануу тартибинин өзгөчөлүктөрү жөнүндө жобону жана Турак жай (тиричиликтик) комиссиялары жөнүндө типтүү жобону бекитүү тууралуу» токтому менен бекитилген Аскер кызматчыларына, укук коргоо органдарынын кызматкерлерине жана алардын үй-бүлө мүчөлөрүнө кызматтык турак жайларды берүү жана аларды пайдалануу тартибинин өзгөчөлүктөрү жөнүндө жобонун 3-пунктунун экинчи абзацына расмий чечмелөөнү (түшүндүрмөнү) жактыруу тууралуу) тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТӨРАГАСЫНЫН ТЕСКЕМЕСИ

2026-жылдын 13-майы № 357

Кыргыз Республикасынын Министрлер Кабинетинин токтомдорунун ченемдерин колдонуунун туура эмес же карама-каршы практикасын, так эместиктерди четтетүү максатында, "Кыргыз Республикасынын ченемдик укуктук актылары жөнүндө" Кыргыз Республикасынын Мыйзамынын 31-беренесине ылайык: Кыргыз Республикасынын Министрлер Кабинетинин 2024-жылдын 15-октябрындагы № 620 "Аскер кызматчыларына, укук коргоо органдарынын кызматкерлерине жана алардын үй-бүлө мүчөлөрүнө кызматтык турак жайларды берүү жана аларды пайдалануу тартибинин өзгөчөлүктөрү жөнүндө жобону жана Турак жай (тиричиликтик) комиссиялары жөнүндө типтүү жобону бекитүү тууралуу" токтому менен бекитилген Аскер кызматчыларына, укук коргоо органдарынын кызматкерлерине жана алардын үй-бүлө мүчөлөрүнө кызматтык турак жайларды берүү жана аларды пайдалануу тартибинин өзгөчөлүктөрү жөнүндө жобонун 3-пунктунун экинчи абзацына расмий чечмелөө (түшүндүрмө) тиркемеге ылайык жактырылсын.

Кыргыз Республикасынын Министрлер Кабинетинин Төрагасы

А.Касымалиев

Тиркеме

Кыргыз Республикасынын Министрлер Кабинетинин 2024-жылдын 15-октябрындагы № 620 "Аскер кызматчыларына, укук коргоо органдарынын кызматкерлерине жана алардын үй-бүлө мүчөлөрүнө кызматтык турак жайларды берүү жана аларды пайдалануу тартибинин өзгөчөлүктөрү жөнүндө жобону жана Турак жай (тиричиликтик) комиссиялары жөнүндө типтүү жобону бекитүү тууралуу" токтому менен бекитилген Аскер кызматчыларына, укук коргоо органдарынын кызматкерлерине жана алардын үй-бүлө мүчөлөрүнө кызматтык турак жайларды берүү жана аларды пайдалануу тартибинин өзгөчөлүктөрү жөнүндө жобонун 3-пунктунун экинчи абзацына расмий чечмелөө (түшүндүрмө)

Кыргыз Республикасынын Министрлер Кабинетинин 2024-жылдын 15-октябрындагы № 620 "Аскер кызматчыларына, укук коргоо органдарынын кызматкерлерине жана алардын үй-бүлө мүчөлөрүнө кызматтык турак жайларды берүү жана аларды пайдалануу тартибинин өзгөчөлүктөрү жөнүндө жобону жана Турак жай (тиричиликтик) комиссиялары жөнүндө типтүү жобону бекитүү тууралуу" токтому менен бекитилген Аскер кызматчыларына, укук коргоо органдарынын кызматкерлерине жана алардын үй-бүлө мүчөлөрүнө кызматтык турак жайларды берүү жана аларды пайдалануу тартибинин өзгөчөлүктөрү жөнүндө жобонун (мындан ары - Жобо) 3-пунктунун экинчи абзацын колдонуунун туура эмес же карама-каршы практикасын, так эместиктерди четтетүү максатында, "Кыргыз Республикасынын ченемдик укуктук актылары жөнүндө" Кыргыз Республикасынын Мыйзамынын 31-беренесине ылайык Кыргыз Республикасынын Министрлер Кабинети төмөнкүлөрдү түшүндүрөт. Жобонун 3-пунктуна ылайык аскер кызматчыларына/кызматкерлерге берилген кызматтык турак жайларды (жабык аскер шаарчаларында жана жатакана/мейманкана тибиндеги үйлөрдө жайгашкан турак жайларды, туруктуу турак жайларды кошпогондо) менчиктештирүүгө жол берилет, ошол эле учурда көрсөтүлгөн пункттун экинчи абзацында мурда республиканын аймагында ведомстволук/муниципалдык турак жай фондунан башка турак жай же болбосо ээлеп турган кызматтык турак жай жайгашкан калктуу конуштун аймагында жеке турак жай куруу (мындан ары - ЖТК) үчүн жер тилкеси менчикке берилген адамдарга (анын ичинде жубайына) ээлеген кызматтык турак жайларын менчиктештирүүгө жол берилбейт. Көрсөтүлгөн абзацтын контекстиндеги "берүү" деген сөз бул жер тилкеси Жобонун 3-пунктунун экинчи абзацын колдонуу үчүн негиз болуп саналбаган, бирок аны адамдарга жогоруда көрсөтүлгөн тартипте берүү учурларына гана жайылтылган шартта жергиликтүү өз алдынча башкаруу органдары тарабынан ЖТК үчүн берүүнү, анын ичинде сатып алууну (сатып алуу/сатуу келишими, белекке берүү, мурастоо ж.б.) билдирет. Жобонун 3-пункту кызматтык турак жайды менчиктештирүүгө чектөөнү так менчиктештирилип жаткан кызматтык турак жай жайгашкан ошол калктуу конушта ЖТК үчүн жер тилкесин берүү фактысына байланыштуу гана белгиленет. Аскер кызматчысында ЖТК үчүн берилген жер тилкесинин болушу, эгерде көрсөтүлгөн жер тилкеси менчиктештирилүүчү кызматтык турак жай жайгашкан калктуу конуштан башка калктуу конушта жайгашса, кызматтык турак жайды менчиктештирүүдөн баш тартуу үчүн негиз болуп эсептелбейт. Кыргыз Республикасынын Турак жай кодексинин 59-беренесинин 2-бөлүгүндө кызматтык турак жайларды менчиктештирүү аталган Кодекстин главасында белгиленген тартипте жүзөгө ашырылат, ошол эле учурда мындай тартиптин өзгөчөлүктөрү мыйзамдарда белгилениши мүмкүн деп каралгандыгын эске алуу керек. Көрсөтүлгөн адамдарга кызматтык турак жайларды акы төлөнүүчү жана акысыз өткөрүп берүү үчүн негиздер "Аскер кызматчыларынын статусу жөнүндө" Кыргыз Республикасынын Мыйзамынын 12-статьясынын 13 жана 24-бөлүктөрүндө, ошондой эле "Кыргыз Республикасынын укук коргоо органдарында кызмат өтөө жөнүндө" Кыргыз Республикасынын Мыйзамынын 72-беренесинин 7 жана 7-1-бөлүктөрүндө каралган. Көрсөтүлгөн ченемдердин негизинде аскер кызматчылары жана кызматкерлер кызматтык турак жайды акысыз (түз сатуу аркылуу) менчиктештирүүгө (жеке менчикке алууга) жана ЖТК үчүн жер тилкесин алууга укуктуу. Ошол эле учурда ЖТК үчүн берилген тилкенин жана менчиктештирилүүчү кызматтык турак жайдын жайгашкан жери чечүүчү мааниге ээ: эгерде алар бир калктуу конушта жайгашкан учурда кызматтык турак жайды менчиктештирүүгө жол берилбейт. Баяндалгандардын негизинде, Жобонун 3-пунктунун экинчи абзацынын ченемдери боюнча аскер кызматчысынын ЖТК үчүн жер тилкесин алган фактысы, эгерде мындай жер тилкеси менчиктештирилүүчү кызматтык турак жай жайгашкан калктуу конуштан башка калктуу конушта жайгашса, кызматтык турак жайды менчиктештирүүгө тоскоолдук жаратпайт.