Кыргыз Республикасынын мамлекеттик саламаттык сактоо уюмдарынын ишин апробациялык режимде жөнгө салуунун убактылуу тартиби (Кыргыз Республикасынын Министрлер Кабинетинин токтому менен бекитилди)

2-тиркеме

(Кыргыз Республикасынын Министрлер Кабинетинин 2026-жылдын 29-майындагы № 378 токтому менен бекитилди)

Кыргыз Республикасынын мамлекеттик саламаттык сактоо уюмдарынын ишин апробациялык режимде жөнгө салуунун убактылуу тартиби

Апробациялык режимде мамлекеттик саламаттык сактоо уюмдарынын уюштуруу түзүмүн түзүү жана штаттык санын аныктоо тартиби

1. Ушул Кыргыз Республикасынын мамлекеттик саламаттык сактоо уюмдарынын ишин апробациялык режимде жөнгө салуунун убактылуу тартиби (мындан ары – Тартип) айрым мамлекеттик саламаттык сактоо уюмдарына Жарандарды медициналык-санитардык жардам менен камсыздоо боюнча мамлекеттик кепилдиктер программасын аткаруу боюнча милдеттенмелерди бир эле учурда сактоо менен башкаруучулук жана финансылык автономия берүү эрежелерин калкка көрсөтүлүүчү медициналык кызматтардын сапатын жана жеткиликтүүлүгүн төмөндөтпөстөн аларга белгилүү бир ыйгарым укуктарды берүү менен аныктайт.

2. Апробациялык режимге катышкан мамлекеттик саламаттык сактоо уюмдарынын жетекчилери төмөнкүлөргө укуктуу:

1) саламаттык сактоо чөйрөсүндөгү ыйгарым укуктуу мамлекеттик орган тарабынан бекитилген түзүмдүк бөлүмдөрдүн жана кызмат орундарынын бирдейлештирилген номенклатурасына ылайык уюштуруу түзүмүн түзүү боюнча чечимдерди кабыл алууга;

2) жаңыланган штаттык ченемдерге жана саламаттык сактоо чөйрөсүндөгү ыйгарым укуктуу мамлекеттик орган тарабынан бекитилген түзүмдүк бөлүмдөрдүн жана кызмат орундарынын бирдейлештирилген номенклатурасына ылайык штаттык санды түзүү боюнча чечимдерди кабыл алууга;

3) кызматкерлердин бардык категорияларына эмгек акы төлөөнүн, материалдык дем берүүнүн жана материалдык жардамдын формаларын жана өлчөмдөрүн эмгек акы төлөө фондунун алкагында жана бюджетте каралган каражаттардын чегинде белгилөөгө;

4) түзүмдүк жана функционалдык оптималдаштыруунун натыйжасында алынган өздүк кирешелерди жана бошогон финансылык ресурстарды өз алдынча башкарууга;

5) зарыл болгон учурда акы төлөнүүчү медициналык кызмат көрсөтүүлөрдөн алынган каражаттарды чегерүү үчүн «Элдик Банк» ачык акционердик коомунда (мындан ары – «Элдик Банк» ААК) эсептешүүлөрдү жүргүзүү үчүн банктык эсептерди ачууга;

6) калктын социалдык аялуу катмары үчүн милдеттүү жеңилдетилген тарифтерди эске алуу менен саламаттык сактоо чөйрөсүндөгү ыйгарым укуктуу мамлекеттик орган тарабынан бекитилген тартипке ылайык жана анын чегинде көрсөтүлүүчү акы төлөнүүчү медициналык кызматтарга тарифтерди өз алдынча түзүүгө жана бекитүүгө.

3. Ушул Тартип апробациялык режимге катышкан Кыргыз Республикасынын мамлекеттик саламаттык сактоо уюмдарына карата колдонулат.

4. Апробациянын максаты – 2026-жылга саламаттык сактоо секторун бюджеттик каржылоонун учурдагы көлөмүнүн алкагында кошумча ыйгарым укуктарды аларга берүүнүн эсебинен мамлекеттик саламаттык сактоо уюмдарынын операциялык натыйжалуулугун, кызмат көрсөтүү сапатын жана финансылык туруктуулугун жогорулатуу.

5. Мамлекеттик саламаттык сактоо уюмдарынын жетекчилери ушул Тартиптин практикалык киргизилишин камсыз кылат, анын жоболоруна ылайык түзүмдүк бөлүмдөрдүн ишин уюштурат жана берилүүчү маалыматтардын толуктугу, өз убагында берилиши жана аныктыгы үчүн жоопкерчилик тартат.

сактоо уюмдарынын уюштуруу түзүмүн түзүү жана штаттык санын аныктоо тартиби

6. Апробациялык режимде мамлекеттик саламаттык сактоо уюмдары төмөнкүлөргө укуктуу:

1) иш профилин, кызмат көрсөтүүлөрдүн көлөмүн жана тейленүүчү калктын санын эске алуу менен уюштуруу түзүмүн түзүүгө;

2) саламаттык сактоо чөйрөсүндөгү ыйгарым укуктуу мамлекеттик орган тарабынан бекитилген мамлекеттик саламаттык сактоо уюмдары үчүн типтүү штаттык ченемдерди эсептөө методологиясына ылайык, уюмдун реалдуу муктаждыктарына негиздөө менен, саламаттык сактоо уюмунун иш профилин, көрсөтүлүүчү кызматтардын түрлөрүн жана көлөмүн жана тейленүүчү калктын санын эске алуу менен, көрсөтүлгөн медициналык-санитардык жардам үчүн финансылык каражаттардын түшүүлөрүнүн көлөмүнө, апробациялык режимге катышкан кадрдык ресурстарды пайдалануунун натыйжалуулугуна жараша, тескөөдө болгон бюджеттин каражаттарынын чегинде штаттык санын өз алдынча аныктоого.

берүүнүн жана материалдык жардам көрсөтүүнүн тартиби

7. Апробациялык режимде мамлекеттик саламаттык сактоо уюмдарында эмгек акы төлөө системасы эмгек акыны эсептөөнүн ачык-айкындуулугун камсыз кылууга, кызматкерлердин ишинин натыйжалуулугуна дем берүүгө жана кызматкерлердин жеке салымына жана уюмдун финансылык мүмкүнчүлүктөрүнө жараша медициналык-санитардык жардамдын сапатын жогорулатуу үчүн шарттарды түзүүгө багытталган.

8. Мамлекеттик саламаттык сактоо уюмдарында кызматкерлерди ишке кабыл алуу жана иштен бошотуу Кыргыз Республикасынын эмгек мыйзамдарына ылайык жүзөгө ашырылат.

9. Мамлекеттик саламаттык сактоо уюмдарынын кызматкерлерине эмгек акы төлөө шарттары апробациялык режимде саламаттык сактоо уюмдарынын консолидацияланган эмгек акы төлөө фондун түзүүнүн, анын курамдык бөлүктөрүн бөлүштүрүүнүн жана төлөмдөрдүн кепилденген жана дем берүүчү ар кандай түрлөрүн колдонуунун жалпы механизмдерин аныктайт.

10. Мамлекеттик саламаттык сактоо уюмдарынын консолидацияланган эмгек акы төлөө фонду (мындан ары – ЭТФ) төмөнкү булактардын эсебинен түзүлөт:

1) республикалык бюджет, бирок учурдагы финансылык жылга каралган бюджеттин көлөмүнүн 70 пайызынан көп эмес;

2) жарандарды милдеттүү медициналык камсыздандыруу жаатында мамлекеттик саясатты ишке ашырган аткаруу органынын (мындан ары – ММК чөйрөсүндөгү аткаруу органы) бюджети жана учурдагы финансылык жылда бөлүнүүчү каражаттардын көлөмүнүн 40 пайызына чейинки кошумча төлөм;

3) акы төлөнүүчү медициналык жана башка кызматтарды көрсөтүүдөн түшкөн каражаттар – 60 пайызга чейин;

4) келип түшүүсү жана пайдаланылышы Кыргыз Республикасынын мыйзамдарына каршы келбеген башка булактар.

11. ЭТФ каражаттарынан биринчи кезекте кепилденген эмгек акы төлөмдөрү төлөнөт, калган каражаттар дем берүү фондун түзүүгө, апробациялык режимде мамлекеттик саламаттык сактоо уюмдарынын кызматкерлерине материалдык жардам көрсөтүүгө жана сый акы берүүгө багытталат.

12. Кепилденген эмгек акы кызматтык маянаны, ошондой эле төмөнкүлөрдү камтыйт:

1) төмөнкүлөр үчүн компенсациялык төлөмдөр:

– саламаттык сактоо чөйрөсүндө иштеген жылдар;

– бийик тоолуу шарттарда иш стажы;

– Кыргыз Республикасынын бийик тоолуу шарттарда жана алыскы барууга кыйын зоналарындагы иш;

– айыл жергесиндеги иш;

– өзгөчө эмгек шарттарындагы иш;

– түнкү убактагы жана майрам күндөрүндөгү иш;

– квалификациялык категория;

– эсептелген эмгек өргүүлөр боюнча төлөм;

– убактылуу эмгекке жарамсыздык баракчалары боюнча жүргүзүлгөн төлөмдөр;

– кызматкер иштен бошотулган (кыскартылган) учурда бир жолку жөлөкпулду (компенсацияны) төлөө;

– жергиликтүү өз алдынча башкаруу органдары тарабынан жүргүзүлгөн төлөмдөр;

2) дем берүүчү үстөктөр:

– окумуштуулук даража үчүн;

– ардак наам үчүн;

– Кыргыз Республикасынын мыйзамдары менен белгиленген башка төлөмдөр жана компенсациялар.

13. Эмгек келишиминде белгиленген кепилденген эмгек акынын өлчөмү мамлекеттик саламаттык сактоо уюму апробациялык режимге өткөнгө чейин кызматкерге төлөнүп келген эмгек акыдан төмөн болбоого тийиш.

14. Кесиптерди айкалыштыруу, жок кызматкердин милдеттерин убактылуу аткаруу, түнкү убакта, дем алыш жана майрам күндөрүндөгү иш үчүн кошумча төлөм Кыргыз Республикасынын эмгек мыйзамдарына ылайык жүргүзүлөт.

15. Мамлекеттик саламаттык сактоо уюмунун жетекчиси дарыгердик адистиктердин жетишсиз медицина кадрларын тартуу жана дем берүү үчүн кепилденген бөлүктөн тышкары эмгек акынын кошумча өлчөмүн белгилөөгө укуктуу.

Кошумча эмгек акынын өлчөмү мамлекеттик саламаттык сактоо уюмунун жетекчиси тарабынан ЭТФ каражаттарынын чегинде аныкталат жана эмгек келишиминде таризделет.

16. Мамлекеттик саламаттык сактоо уюмунун кызматкерлерине материалдык дем берүү үчүн дем берүү фонду – мамлекеттик саламаттык сактоо уюмунун кызматкерлерине мотивациялык төлөмдөрдү түзүү, иштин натыйжалуулугун жогорулатуу, эмгек өндүрүмдүүлүгүн өстүрүү жана көрсөтүлүүчү медициналык кызматтардын сапатын жакшыртуу үчүн адистештирилген финансылык механизм түзүлөт.

17. Дем берүү фонду республикалык бюджеттин каражаттарын кошпогондо, милдеттүү медициналык камсыздандыруунун каражаттарынан (мындан ары – ММК каражаттары), акы төлөнүүчү кызматтарды көрсөтүүдөн түшкөн каражаттардан, кошумча төлөмдөрдөн жана Кыргыз Республикасынын ченемдик укуктук актыларына каршы келбеген башка каражаттардан түзүлөт.

18. Апробациялык режимде мамлекеттик саламаттык сактоо уюмунун дем берүү фондунун каражаттарын бөлүштүрүү үчүн мамлекеттик саламаттык сактоо уюмдары персоналды баалоо жана сыйлоо жөнүндө ички локалдык актты иштеп чыгат жана бекитет.

19. Материалдык жардам же бир жолку сый акы дем берүү фондунун резервдик бөлүгүнүн эсебинен (дем берүү фондунун каражаттарынын 10 пайызына чейин) мамлекеттик саламаттык сактоо уюмунун жетекчисинин чечими боюнча бекитилген лимиттин чегинде берилиши мүмкүн.

20. Материалдык дем берүү саламаттык сактоо чөйрөсүндөгү ыйгарым укуктуу мамлекеттик орган тарабынан иштелип чыккан жана бекитилген типтүү методологиялык ыкмалар боюнча кызматкерлердин ишин персонификацияланган баалоонун натыйжалары боюнча жүргүзүлөт.

21. Мамлекеттик саламаттык сактоо уюмунун жетекчиси белгиленген тартиптин сакталышы, эмгек акынын туура эсептелиши жана бардык каралган сый акылардын өз убагында төлөнүшү үчүн жоопкерчилик тартат.

22. Эмгек акы кызматкерлердин жеке банктык эсептерине накталай эмес жол менен которулат.

23. Мамлекеттик саламаттык сактоо уюму дем берүү фонддору жөнүндө маалыматты бухгалтердик эсептин автоматташтырылган маалыматтык системасында же ички маалымат тактасында жайгаштыруу аркылуу эсептөөлөрдүн жана төлөмдөрдүн ачык-айкындуулугун камсыз кылууга милдеттүү.

24. Мамлекеттик саламаттык сактоо уюмунун жетекчиси эсептөөлөрдүн тууралыгы, төлөмдөрдүн негиздүүлүгү жана эмгек акы төлөөдө ачык-айкындуулук жана теңдик принциптеринин сакталышы үчүн жеке жоопкерчилик тартат.

саламаттык сактоо уюмдарынын бюджетин түзүү жана аткаруу эрежелери

25. Апробациялык мезгилде мамлекеттик саламаттык сактоо уюмдары түзүмдүк жана функционалдык оптималдаштыруунун натыйжасында алынган өздүк кирешелерди жана бошогон финансылык ресурстарды өз алдынча башкара алат.

26. Мамлекеттик саламаттык сактоо уюмун каржылоонун булактары болуп төмөнкүлөр саналат:

1) республикалык бюджет;

2) ММК каражаттары;

3) акы төлөнүүчү медициналык жана башка кызматтарды көрсөтүүдөн түшкөн каражаттар;

4) кошумча төлөмдөрдүн каражаттары;

5) Кыргыз Республикасынын мыйзамдарына каршы келбеген башка каражаттар.

27. Мамлекеттик саламаттык сактоо уюмдарын каржылоо учурдагы финансылык жылга каралган мамлекеттик саламаттык сактоо уюмунун бюджетинин каражаттарынын чегинде, ошондой эле республикалык бюджеттен жана ММКдан максаттуу тартипте бөлүнгөн каражаттардын эсебинен жүзөгө ашырылат.

28. Мамлекеттик саламаттык сактоо уюмунун бюджетин түзүү саламаттык сактоо чөйрөсүндөгү ыйгарым укуктуу мамлекеттик орган тарабынан бекитилген каржылоо ченемдери боюнча жүзөгө ашырылат.

29. Апробациялык режимде мамлекеттик саламаттык сактоо уюмдары консолидацияланган бюджеттин каражаттарын пайдалануу үчүн каржылоо булактары боюнча бөлүштүрүү планын өз алдынча түзөт жана бекитет.

30. Апробациялык режимде бюджетти аткаруунун негизги принциптери:

1) бюджетти өз алдынча башкаруу: мамлекеттик саламаттык сактоо уюмдары учурдагы муктаждыктарга, жабдууларды сатып алууга, оңдоо иштерине, персоналдын квалификациясын жогорулатууга жана стимулдаштыруучу төлөмдөргө каражаттарды жумшоонун артыкчылыктарын чыгымдардын бекитилген бюджеттик классификациясына ылайык өз алдынча аныктайт;

2) мамлекеттик саламаттык сактоо уюмдары финансылык ресурстарды чыгымдардын ар кандай беренелеринин ортосунда учурдагы муктаждыктарга жараша, кызматкерлердин эмгек акысын өз убагында төлөө, бейтаптарды дары каражаттары жана лабораториялык-диагностикалык изилдөөлөр менен камсыз кылуу милдеттенмелерин эске алуу менен кайра бөлүштүрүүгө укуктуу.

31. Каржылоо булактары бөлүгүндө консолидацияланган бюджеттин каражаттары боюнча бөлүштүрүү планы белгиленген тартипте саламаттык сактоо чөйрөсүндөгү ыйгарым укуктуу мамлекеттик органга жана ММК чөйрөсүндөгү аткаруучу органга республикалык бюджеттин жана ММКнын каражаттарынын эсебинен кийинки каржылоону жүзөгө ашыруу үчүн берилет.

32. Республикалык бюджеттин, ММКнын, кошумча төлөмдөрдүн каражаттары жана мамлекеттик саламаттык сактоо уюмдарына акы төлөнүүчү медициналык жана башка кызматтарды көрсөтүүдөн түшкөн каражаттар Кыргыз Республикасынын казыналык системасынын эсептеринде эсепке алынат.

33. Кыргыз Республикасынын казыналык системасындагы эсептерди колдонуудан тышкары, апробациялык режимде мамлекеттик саламаттык сактоо уюмдары зарыл болгон учурда акы төлөнүүчү медициналык жана башка кызматтарды көрсөтүүдөн түшкөн каражаттарды, ошондой эле Кыргыз Республикасынын мыйзамдарына каршы келбеген башка каражаттарды эсепке киргизүү, эсептешүүлөрдү жүргүзүү үчүн «Элдик Банк» ААКта банктык эсеп ача алат.

34. «Элдик Банк» ААКта эсеп ачылган учурда, акы төлөнүүчү медициналык жана башка кызматтарды көрсөтүүдөн түшкөн каражаттарды эсепке алуу боюнча атайын казыналык эсеп мамлекеттик саламаттык сактоо уюму үчүн сакталат.

35. Мамлекеттик саламаттык сактоо уюмдарынын каражаттары «Элдик Банк» ААКтагы эсебинде төмөнкүлөрдүн эсебинен топтолот:

1) көрсөтүлгөн акы төлөнүүчү медициналык жана башка кызмат көрсөтүүлөрдүн;

2) Кыргыз Республикасынын мыйзамдарына каршы келбеген башка түшүүлөрдүн.

36. Мамлекеттик саламаттык сактоо уюмдарынын жетекчилери финансылык натыйжалар жана көрсөтүлүүчү медициналык кызматтардын сапаты үчүн жеке жоопкерчилик тартат.

37. Апробациялык режимде мамлекеттик саламаттык сактоо уюмдарында каражаттарды эсепке алуу жана отчеттуулук мамлекеттик башкаруу секторунда бухгалтердик эсеп жана финансылык отчеттуулук жаатындагы ыйгарым укуктуу мамлекеттик орган тарабынан бекитилүүчү бухгалтердик эсепти жүргүзүү тартибине ылайык жүргүзүлөт.

38. Консолидацияланган бюджеттин бардык каржылоо булактары бөлүгүндө аткарылышы боюнча отчеттуулук саламаттык сактоо чөйрөсүндөгү ыйгарым укуктуу мамлекеттик органга жана ММК жаатындагы аткаруучу органга берилет.

39. Апробациялык режимде мамлекеттик саламаттык сактоо уюмдарынын жетекчилери төмөнкүлөрдүн жүргүзүлүшүн камсыз кылууга милдеттүү:

1) «Борборлоштурулган бухгалтердик эсеп» автоматташтырылган маалыматтык системасын колдонуу менен жүзөгө ашырылуучу бухгалтердик эсепти жана бухгалтердик (финансылык) отчеттуулукту түзүү;

2) 2216 «Саламаттык сактоо системасында бирдиктүү статья катары көрсөтүлгөн чыгымдар» чыгаша беренеси боюнча бирдиктүү экономикалык классификация боюнча каржыланган мамлекеттик саламаттык сактоо уюмдары боюнча «Казына. Бюджет» автоматташтырылган маалыматтык системасындагы модулу.

40. Апробациялык режимде мамлекеттик саламаттык сактоо уюмдарынын жетекчилери уюмдун финансылык ресурстарын натыйжалуу жана сарамжалдуу башкаруу, уюмдун чыгымдарынын негизсиз өсүшүнө жана кредитордук карыздын пайда болушуна жол бербөө үчүн жоопкерчилик тартат.

41. Апробациялык режимде мамлекеттик саламаттык сактоо уюмдары акы төлөнүүчү медициналык кызмат көрсөтүүлөрдүн тизмегин кеңейтип, акы төлөнүүчү медициналык жана башка кызматтарды көрсөтүү боюнча түзүмдүк бөлүмдөрдү уюштура алат. Мындай бөлүмдүн негизги максаты төмөнкүлөр болуп саналат:

1) бюджеттен тышкаркы каржылоо булактарын кеңейтүү (акы төлөнүүчү кызмат көрсөтүүлөр, медициналык программалар жана Кыргыз Республикасынын мыйзамдарына каршы келбеген башка булактар;

2) мамлекеттик саламаттык сактоо уюмунун финансылык автономиясын жогорулатуу;

3) жабдууларды модернизациялоо, персоналды стимулдаштыруу жана жаңы технологияларды киргизүү үчүн кирешелерди натыйжалуу башкаруу мүмкүнчүлүгү.

42. Мамлекеттик саламаттык сактоо уюмунун түзүмдүк бөлүмүнүн акы төлөнүүчү медициналык жана башка кызматтарды көрсөтүү боюнча иши жана уюштурулушу Кыргыз Республикасынын бюджеттик жана салыктык мыйзамдарынын талаптарын сактоо менен, саламаттык сактоо чөйрөсүндөгү ыйгарым укуктуу мамлекеттик орган менен макулдашуу боюнча мамлекеттик саламаттык сактоо уюмунун ички локалдык акты менен жөнгө салынат.

көрсөтүүлөрдүн наркын түзүү

43. Апробациялык режимде мамлекеттик саламаттык сактоо уюмдары акы төлөнүүчү медициналык кызмат көрсөтүүлөргө тарифтерди саламаттык сактоо чөйрөсүндөгү ыйгарым укуктуу мамлекеттик орган тарабынан бекитилген апробациялык режимде мамлекеттик саламаттык сактоо уюмдары үчүн акы төлөнүүчү медициналык жана башка кызмат көрсөтүүлөргө тарифтерди түзүү методикасына ылайык өз алдынча түзөт жана бекитет.

Апробациялык режимде мамлекеттик саламаттык сактоо уюмдары үчүн акы төлөнүүчү медициналык жана башка кызмат көрсөтүүлөргө тарифтерди түзүү методикасы баа түзүүнүн ачык-айкындуулугун, кызмат көрсөтүүлөрдүн наркынын экономикалык негиздүүлүгүн жана саламаттык сактоо уюмдарынын финансылык ресурстарын сарамжалдуу пайдаланууну камсыздоого багытталган.

44. Апробациялык режимде акы төлөнүүчү кызмат көрсөтүүлөргө тарифтерди түзүүдө эсептик материалдардын толуктугу жана аныктыгы үчүн жоопкерчилик мамлекеттик саламаттык сактоо уюмунун жетекчисине жүктөлөт.

45. Бекитилген тарифтер ачыктыкты жана маалымдуулукту камсыз кылуу максатында бейтаптарга тааныштыруу үчүн жеткиликтүү жерлерге жайгаштырылууга тийиш.

46. Белгиленген тартиптин сакталышына, эсептөөлөрдүн тууралыгына жана бекитилген тарифтерди колдонуунун мыйзамдуулугуна мониторинг жүргүзүү жана контролдоо саламаттык сактоо чөйрөсүндөгү ыйгарым укуктуу мамлекеттик орган тарабынан жүзөгө ашырылат.

47. Апробациялык режимде мамлекеттик саламаттык сактоо уюмдары төмөнкүлөргө милдеттүү:

1) бардык категориядагы жарандар үчүн Жарандарды медициналык-санитардык жардам менен камсыздоо боюнча мамлекеттик кепилдиктер программасына кирген медициналык жардамдын сапатын жана жеткиликтүүлүгүн бюджетте каралган каражаттардын чегинде камсыз кылууга;

2) бейтаптын социалдык жана финансылык абалына карабастан, негизги медициналык кызмат көрсөтүүлөргө бирдей жеткиликтүүлүктү камсыз кылууга;

3) ушул Тартиптин жана Кыргыз Республикасынын мамлекеттик башкаруу секторундагы бухгалтердик эсеп жана финансылык отчеттуулук жаатындагы мыйзамдарынын талаптарына ылайык бухгалтердик эсепти жана отчеттуулукту жүргүзүүгө;

4) стимулдаштыруучу төлөмдөрдү бөлүштүрүүдө басмырлоого жол бербөөгө;

5) өзүнүн расмий сайттарында акы төлөнүүчү кызмат көрсөтүүлөрдүн тарифтерин жана калктын жеңилдетилген категорияларынын тизмегин жарыялоого.

48. Ушул Тартиптин аткарылышын контролдоо саламаттык сактоо чөйрөсүндөгү ыйгарым укуктуу мамлекеттик орган тарабынан жүзөгө ашырылат.

49. Апробациялык режимде мамлекеттик саламаттык сактоо уюмдарынын ишине мониторинг жүргүзүү саламаттык сактоо чөйрөсүндөгү ыйгарым укуктуу мамлекеттик орган тарабынан төмөнкү багыттар боюнча жүзөгө ашырылат:

1) көрсөтүлүүчү кызматтардын сапаты;

2) кызмат көрсөтүүлөрдүн жеткиликтүүлүгү;

3) ресурстарды пайдалануунун натыйжалуулугу (финансылык жана операциялык натыйжалуулук).

50. Апробациянын натыйжаларын баалоо саламаттык сактоо чөйрөсүндөгү ыйгарым укуктуу мамлекеттик орган тарабынан квартал сайын жүргүзүлөт.