Бишкек шаарында кол коюлган Кыргыз Республикасы менен Евразия өнүктүрүү банкынын ортосундагы “Ош шаарынын жолдорун жакшыртуу” (узундугу 3,2 км жол участогу менен 2 эстакада көпүрөсүн куруу) долбоору боюнча каржылоо жөнүндө макулдашууга Кыргыз Республикасынын Министрлер Кабинетинин корутундусу (Кыргыз Республикасынын Министрлер Кабинетинин тескемесине)

Кыргыз Республикасынын Министрлер Кабинетинин 2026-жылдын “18” февралы № 85-т тескемеси менен жактырылган

2025-жылдын 29-декабрында Бишкек шаарында кол коюлган Кыргыз Республикасы менен Евразия өнүктүрүү банкынын ортосундагы “Ош шаарынын жолдорун жакшыртуу” (узундугу 3,2 км жол участогу менен 2 эстакада көпүрөсүн куруу) долбоору боюнча каржылоо жөнүндө макулдашууга Кыргыз Республикасынын Министрлер Кабинетинин корутундусу

2025-жылдын 29-декабрында Бишкек шаарында кол коюлган Кыргыз Республикасы менен Евразия өнүктүрүү банкынын ортосундагы “Ош шаарынын жолдорун жакшыртуу” (узундугу 3,2 км жол участогу менен 2 эстакада көпүрөсүн куруу) долбоору боюнча каржылоо жөнүндө макулдашуу Кыргыз Республикасынын Конституциясынын жана мыйзамдарынын ченемдерине ылайык келет жана Кыргыз Республикасы катышуучу болуп саналган, мыйзамда белгиленген тартипте күчүнө кирген эл аралык келишимдерге каршы келбейт. Макулдашуунун долбоору тиешелүү мамлекеттик органдар жана Кыргыз Республикасынын Жогорку Кеңешинин төмөнкү профилдик комитеттери менен макулдашылган:

– Өнөр жай саясаты, транспорт, отун-энергетикалык комплекс, архитектура жана курулуш боюнча комитети менен (2025-жылдын

23-декабрындагы № 6-9586/25 чечими);

– Финансы, бюджет, ишкердик жана атаандаштыкты өнүктүрүү боюнча комитети менен (2025-жылдын 23-декабрындагы № 6-9656/25 чечими);

– Эл аралык иштер, коргоо, коопсуздук жана миграция боюнча комитети менен (2025-жылдын 23-декабрындагы № 6-9507/25 чечими).

Мурда кол коюлганга чейин Макулдашуунун долбоору Кыргыз Республикасынын Министрлер Кабинетинин 2025-жылдын 26-декабрындагы № 1153-т тескемеси менен жактырылган. Макулдашуу менен Евразия өнүктүрүү банкы тарабынан 14,15 млн АКШ доллары өлчөмүндө кредиттик каражаттарды берүү жана 1,24 млн АКШ доллары өлчөмүндө гранттык каражаттарды бөлүү каралган. Кредит 15 жылга, анын ичинде 5 жылдык жеңилдетилген мезгилге, 1,2 % пайыздык ставка боюнча берилет. Кыргыз Республикасынын Министрлер Кабинети тарабынан кошо каржылоо 3,92 млн АКШ долларын түзөт. Долбоордун жалпы наркы 19,31 млн АКШ долларына бааланат. Долбоор эки эстакада көпүрөсүн, А. Масалиев жана В. Ленин көчөлөрү аркылуу өтүүчү жол өткөөлүн, Ак-Буура дарыясы аркылуу өтүүчү көпүрөнү курууну, ошондой эле бөлүүчү тилкеси менен көчөлөрдү 4–6 тилкеге чейин кеңейтүүнү болжолдойт. Долбоорду ишке ашыруу негизги көчөлөрдөгү транспорттук жүктөмдү 50 %га чейин азайтууга мүмкүндүк берет, Бишкек – Ош автожолунан шаардын борбордук жана батыш бөлүктөрүнө, анын ичинде жаңы борбордук базарга тоскоолдуксуз жетүүнү камсыз кылат, ошондой эле туризмди өнүктүрүү жана шаардык инфраструктураны жакшыртуу үчүн шарттарды түзөт. “Кыргыз Республикасынын эл аралык келишимдери жөнүндө” Кыргыз Республикасынын Мыйзамынын 11, 12-беренелерине ылайык Макулдашуу Кыргыз Республикасынын Жогорку Кеңешине ратификациялоого киргизилет. Аталган Макулдашууну ратификациялоо социалдык, укуктук, укук коргоочулук, гендердик, экологиялык жана коррупциялык кесепеттерге, ошондой эле финансы-экономикалык жана башка кесепеттерге алып келбейт.