1-берене

Кыргыз Республикасынын Граждандык кодексинин I бөлүгүнө (Кыргыз Республикасынын Жогорку Кеңешинин Ведомосттору, 1996-ж., № 6, 80-ст.) төмөнкүдөй өзгөртүүлөр киргизилсин:

1) 96-статья төмөнкүдөй мазмундагы 5-пункт менен толукталсын:

"5. Камсыздандыруу (кайра камсыздандыруу) уюмун жоюу камсыздандыруу ишин жөнгө салуу жана көзөмөлдөө боюнча ыйгарым укуктуу мамлекеттик орган менен макулдашуудан кийин жүргүзүлөт.";

2) 149-статьянын 1-пункту төмөнкүдөй мазмундагы абзац менен толукталсын:

"Камсыздандыруу (кайра камсыздандыруу) уюмун кайра уюштуруу камсыздандыруу ишин жөнгө салуу жана көзөмөлдөө боюнча ыйгарым укуктуу мамлекеттик орган менен макулдашуудан кийин жүргүзүлөт.".