13-берене

«Сот аткаруучулардын статусу жөнүндө жана аткаруу өндүрүшү тууралуу» Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2017-ж., № 1 (2), 15-ст.) төмөнкүдөй өзгөртүүлөр киргизилсин:

1) 17-берененин 1-бөлүгү төмөнкүдөй мазмундагы 31-пункт менен толукталсын:

«31) салыктар, салыктык эмес кирешелер жана камсыздандыруу төгүмдөрү боюнча салык төлөөчү тарабынан таанылган карыздын аткарылышын камсыз кылуу жөнүндө салык кызматынын органдарынын, анын ичинде электрондук документтер түрүндө таризделген билдирүүлөрү;»;

2) 18-берене төмөнкүдөй мазмундагы 7-бөлүк менен толукталсын:

«7. Салыктар, салыктык эмес кирешелер жана камсыздандыруу төгүмдөрү боюнча салык төлөөчү тарабынан таанылган карыздын аткарылышын камсыз кылуу жөнүндө билдирүүнүн формасы жана мазмуну салык мыйзамдары менен аныкталат.»;

3) 37-берененин 1-бөлүгү төмөнкүдөй мазмундагы 41-пункт менен толукталсын:

«41) салыктар, салыктык эмес кирешелер жана камсыздандыруу төгүмдөрү боюнча салык төлөөчү тарабынан таанылган карыздын аткарылышын камсыз кылуу жөнүндө салык кызматынын органдарынын билдирүүлөрү, – алар тапшырылган учурдан тартып үч жыл;»;

4) 49-берененин 1-бөлүгү төмөнкүдөй мазмундагы 12-пункт менен толукталсын:

«12) салык карызын камсыз кылуу жөнүндө аткаруу документи Кыргыз Республикасынын салык мыйзамдарында белгиленген талаптарга ылайык келбесе.»;

5) 50-берененин 5-бөлүгүнүн 5-пунктунда «3-пунктунда» деген сөздөр «3 жана 31-пункттарында» деген сөздөргө алмаштырылсын;

6) 51-берененин 1-бөлүгү төмөнкүдөй мазмундагы абзац менен толукталсын:

«Карызкордун Кыргыз Республикасынан чыгуусуна ушул бөлүктө каралган убактылуу чектөөлөр өндүрүп алуучунун арызы болгон учурда салык кызматынын органдарынын аткаруу документтери боюнча колдонулат.»;

7) 52-берененин 1-бөлүгү төмөнкүдөй редакцияда баяндалсын:

«1. Аткаруу документинде камтылган талаптарды ыктыярдуу аткаруу үчүн мөөнөт аяктагандан кийин, ал эми ыктыярдуу аткаруу жөнүндө сунуш тапшырылбаган аткаруу документтери боюнча – токтоосуз сот аткаруучу карызкор – жеке жактын, ошондой эле карызкор – менчигинин түрүнө карабастан юридикалык жактын жетекчисинин Кыргыз Республикасынан чыгуусун убактылуу чектөө жөнүндө токтом чыгарат, ал ушул Мыйзамда белгиленген тартипте даттанылышы мүмкүн.»;

8) 64-берененин 2-бөлүгү төмөнкүдөй редакцияда баяндалсын:

«2. Эгерде ушул Мыйзамда башкасы каралбаса, мажбурлап аткартуучу чаралар аткаруу документи кабыл алынгандан жана аткаруу документин ыктыярдуу аткаруу мөөнөтү аяктагандан кийин сот аткаруучу тарабынан колдонулат.»;

9) 129-берененин 2-бөлүгүнүн 3-пункту төмөнкүдөй мазмундагы абзац менен толукталсын:

«Өндүрүп алуучулар – салык кызматынын органдары ушул бөлүктө каралган учурларда аткаруу жыйымын төлөөдөн бошотулат.».