Кыргыз Республикасынын Министрлер Кабинетинин (Креативдүү индустриялар паркынын Байкоочу кеңешинин курамын бекитүү тууралуу) тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ (КР Министрлер Кабинетинин 2025-жылдын 11-январындагы № 6-т тескемесинин редакциясына ылайык)

2024-жылдын 22-февралы № 61-т

"Креативдүү индустриялар паркы жөнүндө" Кыргыз Республикасынын Мыйзамынын 11, 12-беренелеринин ченемдерин, Кыргыз Республикасынын Министрлер Кабинетинин 2023-жылдын 23-июнундагы № 327 "Креативдүү индустриялар паркын түзүүнүн айрым маселелери жөнүндө" токтому менен бекитилген Креативдүү индустриялар паркынын Байкоочу кеңеши жөнүндө жобонун 4-пунктун ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13-беренесине ылайык:

1. Креативдүү индустриялар паркынын Байкоочу кеңешинин курамы тиркемеге ылайык бекитилсин.

2. Креативдүү индустриялар паркынын дирекциясына бир айлык мөөнөттөн кечиктирбестен Креативдүү индустриялар паркынын Байкоочу кеңешинин биринчи жыйналышын өткөрүүнү уюштуруу сунушталсын.

3. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

Кыргыз Республикасынын Министрлер Кабинетинин Төрагасы

А.У. Жапаров

Тиркеме

Креативдүү индустриялар паркынын Байкоочу кеңешинин КУРАМЫ (КР Министрлер Кабинетинин 2025-жылдын 11-январындагы № 6-т тескемесинин редакциясына ылайык)

Асылбаева Гюльшат Кадыровна

-

Кыргыз Республикасынын экономика жана коммерция министринин орун басары;

Калдыбаев Эрнст Кыдыкбаевич

-

Кыргыз Республикасынын финансы министринин орун басары (макулдашуу боюнча);

Аманалиев Данияр Норузбаевич

-

"Креативдүү индустриялар ассоциациясы" юридикалык жактардын бирикмесинин төрагасы, "ololo" компаниялар тобунун бизнес-дирижеру (макулдашуу боюнча);

Табалдиев Асхат Кудайбергенович

-

"Кыргыз кинопродюсерлер ассоциациясы" юридикалык жактардын бирикмесинин мүчөсү, "1.1STUDIO" жоопкерчилиги чектелген коомунун директору (макулдашуу боюнча);

Руслан кызы Динара

-

"Креативдүү индустриялар ассоциациясы" юридикалык жактардын бирикмесинин тең уюштуруучусу, "Codify" жоопкерчилиги чектелген коомунун директору (макулдашуу боюнча);

Тентиева Чолпон Жумабековна

-

Кыргыз Республикасынын Сүрөтчүлөр союзунун мүчөсү, "Искусство жана маданият борбору" коомдук бирикмесинин директору (макулдашуу боюнча);

Алмазбекова Айымжан Алмазбековна

-

"Креативдүү индустриялар ассоциациясы" юридикалык жактардын бирикмесинин мүчөсү, Compass College искусство жана дизайн-кесиптеринин колледжинин директорунун окуу бөлүмү боюнча орун басары (макулдашуу боюнча).