Медициналык тез жардам пункттары/станциялары жана бөлүмдөрү тарабынан амбулаториялык деңгээлде медициналык шашылыш (Кыргыз Республикасынын Саламаттык сактоо министрлигинин буйругу менен бекитилди)

2024-ж.12 12 № 1297 КР ССМ буйругуна 3- тиркеме

1. Мамлекеттик кызмат көрсөтүүнүн паспорту

1

Кызмат көрсөтүүнүн аталышы

Медициналык тез жардам пункттары/станциялары жана бөлүмдөрүнүн амбулатордук деңгээлде шашылыш медициналык жардам көрсөтүүсү - Мамлекеттик кызмат көрсөтүүлөрдүн бирдиктүү реестринин 2-главасы, 6-пункт

2

Кызматтарды көрсөткөн мамлекеттик органдын (мекеменин) толук аталышы

Кыргыз Республикасында жарандардын саламаттыгын сактоо жаатында мамлекеттик саясат жүргүзгөн жана башкарган мамлекеттик борбордук органы (мындан ары - жарандардын саламаттыгын сактоо жаатындагы ыйгарым укуктуу мамлекеттик орган);

- шашылыш медициналык тез жардам кызматы;

- менчигинин түрүнө карабастан саламаттык сактоо уюмдары;

- шашылыш консультациялык медициналык жардам кызматы.

Саламаттык сактоо уюмдарынын тизмеси алардын байланыш маалыматтары жана мамлекеттик кызмат көрсөтүүнүн стандарты менен бирге жарандардын саламаттыгын сактоо жаатындагы ыйгарым укуктуу мамлекеттик органдын маалымат стенддеринде жана расмий сайтында www.med.kg жайгаштырылат

3

Мамлекеттик кызмат көрсөтүүнү алуучулар

Кыргыз Республикасынын аймагындагы жеке адамдар.

4

Мамлекеттик кызмат көрсөтүүнү алуунун укуктук негизи

Кыргыз Республикасынын Конституциясы; Кыргыз Республикасынын «Кыргыз Республикасында жарандардын саламаттыгын сактоо жөнүндө» Мыйзамы. Кыргыз Республикасынын Министрлер Кабинетинин 2023-жылдын 21-сентябрынын №493 «Жарандарды медициналык-санитардык жардам менен камсыздоо боюнча мамлекеттик кепилдиктер программасын бекитүү жөнүндө» токтому.

5

Көрсөтүлгөн мамлекеттик кызматтардын акыркы жыйынтыгы

Акыркы жыйынтык төмөнкүлөрдүн бирөө же бир нечеси болушу мүмкүн:

- керектөөчүнүн ден соолугунун/акыбалынын жакшыруусу;

- керектөөчүнүн абалын турукташтыруу;

- өлүмдү констатациялоо.

Керектөөчүнүн жеке суроо-талабы боюнча чакыруу картасынан көчүрмө берилет.

6

Мамлекеттик кызмат көрсөтүүнүн шарты

Кызмат көрсөтүү төмөнкүдөй шарттарда жүргүзүлөт:

- белгиленген санитардык ченемдерге жооп берген бөлмөлөрдө;

- бардык жарандардын, анын ичинде ден соолугунун мүмкүнчүлүктөрү чектелүү адамдар (мындан ары - ДМЧА) үчүн пандустар, кармагычтар менен жабдылган (имараттар, бөлмөлөр) имараттарга жана санитардык-гигиеналык бөлмөлөргө тоскоолдуксуз кирүү мүмкүндүгү болгондо;

- уюмдарда күтүү үчүн орундар (региондордо борбордук суу түтүктөрүнө жана канализацияга туташтыруу мүмкүн болбогон учурда - короодогу санитардык-гигиеналык бөлмөлөр), жылыткычтар, суу түтүктөрү, телефон жайгаштырылган.

Чакырылган жерде (керектөөчүнүн жашаган жери же кырсык болгон жер) кызмат көрсөтүлгөн учурда тиешелүү медициналык аппаратурасы, дары-дармектер жана медициналык багыттагы буюмдар бар тез жардам жардамы бар шашылыш медициналык жардам көрсөтүү бригадасы аркылуу жүзөгө ашырылатКелүүчүлөрдүн ыңгайлуулугу үчүн кызмат көрсөтүлүүчү жерлерде кызмат алуу үчүн зарыл документтердин тизмеси жайгаштырылат.

7

Мамлекеттик кызмат көрсөтүүнүн мөөнөтү

Медициналык шашылыш жардам бригадасын чакырган учурда керектөөчү кайрылган учурдан тартып кызмат көрсөтүлө баштайт. Чакырган жерде шашылыш жардам жекече, акыбалы туруктуу болгонго чейин көрсөтүлөт. Саламаттык сактоо уюмунда керектөөчүгө медициналык шашылыш жардам көрсөтүү ченемдик мөөнөтү белгиленбестен, керектөөчүнүн акыбалы туруктуу болгонго/каза болушуна чейин кезексиз көрсөтүлөт. Көрсөткүчтөр болгондо, саламаттык сактоо уюмунун кызматкерлери медициналык шашылыш жардам бригадасын бейтапты андан ары стационарга жаткыруу үчүн чакырат.

2. Мамлекеттик кызмат көрсөтүүнү алуучуларга маалымат берүү

8

Керектөөчүгө көрсөтүлүүчү кызматтар (керектүү маалыматтын тизмеси) жана аларды стандартташтырууга жооптуу мамлекеттик орган жөнүндө маалымат берүү

Мамлекеттик кызмат көрсөтүү жөнүндө маалыматты төмөнкүлөрдөн алууга болот:

- жарандардын саламаттыгын сактоо жаатындагы ыйгарым укуктуу мамлекеттик органдын коомдук кабылдамасынан;

- жарандардын саламаттыгын сактоо жаатындагы ыйгарым укуктуу мамлекеттик органдын сайтынан;

- электрондук кызматтардын мамлекеттик порталында (portal.tunduk.kg.);

- жарандардын саламаттыгын сактоо жаатындагы ыйгарым укуктуу мамлекеттик органга жеке кайрылууда;

- жарандардын саламаттыгын сактоо жаатындагы ыйгарым укуктуу мамлекеттик органдын маалымат стенддери, брошюралары, буклеттери.

Жарандардын саламаттыгын сактоо жаатындагы ыйгарым укуктуу мамлекеттик органга жарандар кайрылган күнү кабыл алынат. Маалымат мамлекеттик жана расмий тилдерде берилет.

9

Кызмат көрсөтүү жөнүндө маалыматты жайылтуу ыкмалары (бардык мүмкүн болгон ыкмаларды мүнөздөө же санап кетүү)

Көрсөтүлүүчү кызмат жөнүндө маалымат төмөнкүлөр аркылуу жайылтылат:

- ЖМК (гезиттер, радио, телекөрсөтүү);

- жарандардын саламаттыгын сактоо жаатындагы ыйгарым укуктуу мамлекеттик органдын сайты;

- электрондук кызматтардын мамлекеттик порталында (portal.tunduk.kg.);

- маалымат стенддери, брошюралар, буклеттер;

- жеке кайрылуу жана телефон менен байланышуу;

- жарандардын саламаттыгын сактоо жаатындагы ыйгарым укуктуу мамлекеттик органдын коомдук кабылдамасы.

Даректер, телефон номерлери жана иш графги мамлекеттик кызмат көрсөтүү стандарты менен бирге жарандардын саламаттыгын сактоо жаатындагы ыйгарым укуктуу мамлекеттик органдын тактасында, сайтында жайгаштырылат.

3. Тейлөө жана мамлекеттик кызмат көрсөтүү

10

Келүүчүлөр менен пикир алмашуу

Саламаттык сактоо уюмдарында кызмат көрсөтүүгө тийиштүү кызматкерлердин кабинеттеринин эшиктеринде маалымат тактачалары жайгаштырылат. Калк менен иш алып барган бардык кызматкерлердин аты-жөнү, кызмат орду көрсөтүлгөн жекелештирилген тактачалары (таанытмалары) болот. Келүүчүлөр менен пикир алмашууда кызматкерлер төмөндөгү негизги этика принциптерин сакташат: адептүү, ак ниет, сыпайы, сабырдуу, принциптүү болуу, маселенин маңызын терең түшүнүүгө умтулуу, маектешин уга билүү жана анын позициясын түшүнүү, ошондой эле кабыл алынуучу чечимдерди далилдөө. Кыргыз Республикасынын мыйзамдарын бузууга жол бербеген, этикалык ченемдердин сакталышын, көз карандысыздыкты жана объективдүүлүктү камсыз кылган кызыкчылыктардын кагылышын болтурбаган кызматтык нускамалар (функциялык милдеттер) жана кесиптик-этикалык ченемдер бардык кызматкерлер тарабынан сакталууга тийиш. Медициналык жана социалдык көрсөткүчтөрү боюнча өзгөчө муктаждыктарга ээ болгон адамдар (ДМЧА, улгайган пенсионерлер, согуштун жана эмгектин ардагерлери, кош бойлуу аялдар) менен пикир алмашуу алар үчүн түшүнүктүү жана жеткиликтүү түрдө жүргүзүлөт.

11

Купуялуулукту камсыздоо ыкмалары

Керектөөчү жана ага көрсөтүлгөн кызмат жөнүндө маалымат Кыргыз Республикасынын мыйзамдарында каралган негиздер боюнча гана берилиши мүмкүн.

12

Керектүү документтердин жана/же мамлекеттик кызмат көрсөтүүнү керектөөчүлөрдүн иш-аракеттеринин тизмеси

Керектөөчү Медициналык шашылыш жардам борборунун кызматкерлерин "103" телефону боюнча керектөөчү турган жерге чакырат же саламаттык сактоо уюмуна өзү келет.

13

Акы төлөнүүчү мамлекеттик кызмат көрсөтүүнүн наркы

Мамлекеттик кызмат акысыз көрсөтүлөт.

14

Мамлекеттик кызмат көрсөтүүнүн сапатынын параметрлери

Мамлекеттик кызмат көрсөтүүнүн салаты төмөнкү критерийлер менен аныкталат:

- кызмат көрсөтүү стандартында айтылган кызмат көрсөтүү шарттарына жана мөөнөттөрүнө ылайык ишенимдүүлүгү жана өз убагында берилиши;

- жынысы, расасы, тили, майыптыгы, этностук таандыктыгы, диний ишеними, курагы, саясий жана башка ынанымдары, билими, теги, мүлктүк жана башка абалы, ошондой эле башка жагдайлар боюнча басмырлоого жол бербөө;

- кызмат көрсөтүүнү алуу үчүн жарандардан стандартта көрсөтүлгөн документтерди гана талап кылуу, жеткиликтүүлүгү;

- кызмат көрсөтүү шарттарынын ушул стандартта белгиленген талаптарга ылайык келүүсү: имаратка кирүү мүмкүндүгү, коммуналдык-тиричиликтик ыңгайлуулуктун болушу, жарандар үчүн ыңгайлуу график, маалыматтык колдоонун (басма жана электрондук форматтарда) болушу жана жеткиликтүүлүгү;

- мамлекеттик кызмат көрсөтүүдө кызматкерлердин сыпайылыгы жана сылыктыгы, кызмат көрсөтүүнүн бардык процедурасынын жүрүшүндө кеңеш берүүсү;

- акыркы жыйынтыктын (алынган кызматтын) керектөөчүнүн күтүүлөрүнө ылайык келиши;

- жарандардын даттануу жана сунуш китебинин жеткиликтүү жерде болушу.

15

Электрондук форматта кызмат көрсөтүү

Берилбейт

4. Мамлекеттик кызмат көрсөтүүдөн баш тартуу жана даттануу

тартиби

16

Мамлекеттик кызмат көрсөтүүдөн баш тартуу

Кызмат көрсөтүүдөн баш тартууга жол берилбейт.

17

Даттануу тартиби

Талаптагыдай кызмат көрсөтүлбөгөндө - арыз ээси саламаттык сактоо уюмунун жетекчилигине, маселе чечилбегенде жарандардын саламаттыгын сактоо жаатындагы ыйгарым укуктуу мамлекеттик органга оозеки же жазуу жүзүндө арыз менен кайрылууга укуктуу. Жазуу жүзүндөгү арыз эркин формада берилет жана анда кызмат көрсөтүүнү керектөөчүнүн аты-жөнү, жашаган дареги, телефон номери, ошондой эле доо-талабынын маңызы, кызмат алуучунун колу жана датасы камтылат. Ыйгарым укуктуу кызматкер даттанууну 1 жумушчу күндүн ичинде каттайт жана жетекчиликтин кароосуна берет. Даттанууларды жана доолорду кароо белгиленген тартипте саламаттык сактоо уюмунун жана анын түзүмдүк бөлүктөрүнүн жетекчилиги тарабынан жүзөгө ашырылат. Жазуу жүзүндөгү кайрылууну кароо жана керектөөчүгө жообун жиберүү мөөнөтү ал катталгандан тартып 14 күндөн ашпоого тийиш. Башка саламаттык сактоо уюмдарына кайрылуу зарыл болгон учурларда, кайрылуу боюнча акыркы жоопту берүү мөөнөтү керектөөчүгө алдын ала кабарлоо менен 30 күнгө чейин узартылат. Даттануу боюнча саламаттык сактоо уюмунун жетекчилиги тарабынан кабыл алынган чечим менен макул болбогон учурда керектөөчү жаран Кыргыз Республикасынын административдик иш жана административдик жол-жоболор чөйрөсүндөгү мыйзамдарына ылайык анын аракеттерине даттанууга укуктуу.

18

Мамлекеттик кызмат көрсөтүү стандартын кайра карап чыгуунун мезгилдүүлүгү

Мамлекеттик кызмат көрсөтүүнүн стандарты үч жылда бир жолудан кем эмес мезгилдүүлүктө дайыма кайра каралып турууга тийиш.