Кочкорбаев айылдык кеңешинин 2024-жылдын 12- марты № 7/II-28 “Чүй облусунун Ысык-Ата районунун Кочкорбаев айыл аймагынын Кочкорбаев айылдык кеңеши” мекемесин түзүү жөнүндө” токтому

КОЧКОРБАЕВ АЙЫЛ АЙМАГЫНЫН КОЧКОРБАЕВ АЙЫЛДЫК КЕҢЕШИ ТОКТОМ Бириккен Кочкорбаев айылдык кенешинин уюштуруу сессиясынын

2024-жылдын 12- марты № 7/II-28

“Чүй облусунун Ысык-Ата районунун Кочкорбаев айыл аймагынын Кочкорбаев айылдык кеңеши” мекемесин түзүү жөнүндө” Кыргыз Республикасынын Президентинин 2023-жылдын 29 декабрындагы № 370 «Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө» Жарлыгын, Кыргыз Республикасынын Президентинин 2024-жылдын 7-февралындагы № 24 "Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобону бекитүү жөнүндө” Жарлыгын, “Кыргыз Республикасынын Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамын, Кыргыз Республикасынын Жарандык кодексинин 92-беренесин жана Кыргыз Республикасынын Министрлер Кабинетинин 2023-жылдын 31-мартындагы № 178 токтому менен бекитилген “Юридикалык жактарды, филиалдарды (өкүлчүлүктөрдү) мамлекеттик каттоонун тартиби жөнүндө” Жобону жетекчиликке алып, Кочкорбаев айылдык кенеши

ТОКТОМ КЫЛАТ:

1. Чүй облусунун, Ысык-Ата районунун, Бирдик айыл аймагынын «Бирдик айылдык кеңеши» жана Чүй облусунун, Ысык-Ата районунун, Кочкорбаев айыл аймагынын «Кочкорбаев айылдык кеңеши» бириктирүү жолу менен «Кочкорбаев айыл аймагынын Кочкорбаев айылдык кеңеши» мекемеси түзүлсүн.

Юридикалык жактын толук фирмалык аталышы:

- мамлекеттик тилде – “Чүй облусунун, Ысык-Ата районунун. Кочкорбаев айыл аймагынын, “Кочкорбаев айылдык кеңеши” мекемеси;

- расмий тилде Учреждение “Айылный кенеш Кочкорбаев” Айылного аймак Кочкорбаев, Ысык-Атинского района, Чуйской области;

Юридикалык дареги: Кыргыз Республикасы, Чүй облусу, Ысык-Ата району, Кеңеш айылы, Ленина көчөсү № 73.

2. «Кочкорбаев айылдык кеңеши» мекемесинин Жобосу бекитилсин.

3. «Кочкорбаев айылдык кеңеши» мекемесинин юридикалык дареги, Кыргыз Республикасы, Чүй облусу, Ысык-Ата району, Кеңеш айылы, Ленин көчөсү № 73, болуп аныкталсын.

4. Мекеме Кыргыз Республикасынын иштөөдөгү мыйзамдарына ылайык Кыргыз Республикасынын юстиция органдарында мамлекеттик каттоодон өткөрүлсүн.

Токтомдо көрсөтүлгөн маалыматтардын, ошондой эле мамлекеттик каттоо үчүн тапшырылган документтердеги маалыматтардын аныктыгы ырасталат.

5. Ушул токтомдун аткарылышын көзөмөлдөөнү өзүмө калтырам.

Кочкорбаев айылдык кеңешинин төрагасы

Э.И.Токбергенов

Кочкорбаев айылдык кеңешинин 2024-жылдын «12» мартындагы № 7/II-28 - токтомуна тиркеме

Кочкорбаев айылдык кенештин Жобосу

1. Жалпы жоболор

1. Айылдык кеңештин ушул Жобосу юридикалык жактарды мамлекеттик каттоо маселелери боюнча ыйгарым укуктуу мамлекеттик органда айылдык кеңешти юридикалык жак катары каттоодо колдонуу үчүн иштелип чыккан жана айылдык кеңештин ишин жөнгө салат.

Айылдык кеңеш – өз ишин коллегиялык негизде жүзөгө ашырган, пилоттук режимде жүргүзүлүп жаткан административдик-аймактык реформа мезгилинде 32 айылдык кеңештин депутаттарынан турган (бириктирген), Кочкорбаев айыл аймагынын жергиликтүү өз алдынча башкаруусунун өкүлчүлүктүү органы.

2. Айылдык кеңеш юридикалык жак болуп саналат, анын Кыргыз Республикасынын Мамлекеттик гербинин сүрөтү түшүрүлгөн мөөрү, белгиленген үлгүдөгү штамптары, фирмалык бланктары жана башка атрибуттары болот.

Айылдык кеңештин расмий аталышы:

- мамлекеттик тилде – «Чүй облусунун Ысык-Ата районунун Кочкорбаев айыл аймагынын Кочкорбаев айылдык кеңеши»;

- расмий тилде «Айылный кенеш Кочкорбаев айылного аймака Кочкорбаев Ысык-Атинского района Чуйской области».

Юридикалык дареги: Кыргыз Республикасы, Чүй облусу, Ысык-Ата району, Кеңеш айылы, Ленин көчөсү № 60

3. Айылдык кеңеш өз ишинде Кыргыз Республикасынын Конституциясын, ”Жергиликтүү мамлекеттик администрация жана жергиликтүү өз алдынча башкаруу органдары жөнүндө”, “Жергиликтүү кеңештердин депутаттарынын статусу жөнүндө” Кыргыз Республикасынын Мыйзамдарын жана Кыргыз Республикасынын башка ченемдик укуктук актыларын жетекчиликке алат.

4. Айылдык кеңеш Кыргыз Республикасынын мыйзамдарында белгиленген тартипте муниципалитеттер аралык кызматташтыкты жүзөгө ашырат.

2. Айылдык кеңештин ишинин укуктук жана уюштуруучулук негиздери

5. Айылдык кеңештин ишинин негизги уюштуруучулук-укуктук формасы - сессия болуп саналат. Сессияларды өткөрүүнүн тартиби жана мезгилдүүлүгү “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамы, ошондой эле айылдык кеңештин регламенти менен аныкталат.

6. Айылдык кеңештин компетенциясы, айылдык кеңештин төрагасын жана анын орун басарын шайлоо жана кызматтан бошотуу тартиби, айылдык кеңештин төрагасынын жана анын орун басарынын укуктары жана милдеттери, айылдык кеңештин ишин уюштуруучулук жактан камсыз кылуу “Жергиликтүү мамлекеттик администрация жана жергиликтүү өз алдынча башкаруу органдары жөнүндө”, “Жергиликтүү кеңештердин депутаттарынын статусу жөнүндө” Кыргыз Республикасынын мыйзамдары жана айылдык кеңештин регламенти менен жөнгө салынат.

Пилоттук режимде администрациялык-аймактык реформаларды жүргүзүү мезгилинде айылдык кеңештин кошумча компетенциялары Кыргыз Республикасынын Президентинин 2024-жылдын 7-февралындагы №24 Жарлыгы менен бекитилген Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө Жободо аныкталган.

3. Айылдык кеңештин чечимдери

7. Айылдык кеңештин чечимдери токтом жана буйрук түрүндө чыгарылат, ага айылдык кеңештин төрагасы, ал эми ал жок болгон учурда айылдык кеңештин төрагасынын орун басары кол коет.

8. Айылдык кеңештердин ченемдик укуктук актылары токтом түрүндө, ал эми башка актылары - буйрук түрүндө кабыл алынат. Кабыл алынган актылар тиешелүү аймакта милдеттүү юридикалык күчкө ээ.

Айылдык кеңештердин ченемдик укуктук актылары “Кыргыз Республикасынын ченемдик укуктук актылары жөнүндө” Кыргыз Республикасынын Мыйзамында белгиленген тартипте күчүнө кирет. Айылдык кеңештин башка актылары, эгерде актынын өзүндө башкача каралбаса, алар кабыл алынган күндөн тартып күчүнө кирет.

9. Айылдык кеңештин төрагасынын ыйгарым укуктарынын чегинде кабыл алынган чечимдерин айылдык кеңештин төрагасынын буйругу түрүндө жеке өзү кабыл алат.

Айылдык кеңештин төрагасынын буйруктары, эгерде актылардын өздөрүндө башкасы каралбаса, алар кабыл алынган күндөн тартып күчүнө кирет.

10. Айылдык кеңештердин чечимдери алар кабыл алынган тартипте жокко чыгарылышы же күчүн жоготту деп табылышы мүмкүн.

4. Айылдык кеңешке келтирилген зыян үчүн жоопкерчилик

11. Айылдык кеңештин мүлкүнө келтирген зыян үчүн ишканалар (бирикмелер), уюмдар жана мекемелер, жарандар айылдык кеңештин алдында мүлктүк жоопкерчилик тартышат.

12. Айылдык кеңештин мыйзамдуу кызыкчылыктары сот тартибинде корголот.

Корутунду жоболор

13. Айылдык кеңештин ыйгарым укуктарын мөөнөтүнөн мурда токтотуу “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамында каралган учурларда Кыргыз Республикасынын Президентинин Жарлыгы менен ишке ашырылат.

14. Айылдык кеңеш мөөнөтүнөн мурда таркатылган учурларда мүлктүн жана документтердин сакталышы үчүн жоопкерчилик айыл өкмөтүнүн башчысына жүктөлөт. Айылдык кеңештин документтери “Кыргыз Республикасынын Улуттук архив фонду жөнүндө” Мыйзамга ылайык сакталат.

Айылдык кенештин төрагасы

Э.И.Токбергенов