Красная Речка айылдык кеңешинин «Ысык-Ата районунун өнүктүрүү фондунун каражаттарынын эсебинен долбоорду каржылоого өзүбүздүн салымыбызды бекитүү жөнүндө» токтому

КРАСНОРЕЧКА АЙЫЛДЫК КЕҢЕШИ ТОКТОМ

2023-жылдын 17-ноябры № 32/VII Ысык-Ата районунун өнүктүрүү фондунун каражаттарынын эсебинен долбоорду каржылоого өзүбүздүн салымыбызды бекитүү жөнүндө

Красная Речка айыл өкмөтүнүн башчысы Б.Р.Джекшембаевдин «Ысык-Ата районунун өнүктүрүү фондунун каражаттарынын эсебинен долбоорду каржылоого өзүбүздүн салымыбызды бекитүү жөнүндө» маалыматын карап жана талкуулап Красная Речка айылдык кенешинин депутаттары белгилешти Садовая көчөсүн «Ай-толкун» бала бакчасына чейин асфальт-бетон төшөө үчүн грант алуу үчүн Ысык-Ата районунун өнүктүрүү фондуна долбоорлорго арыз берүүсү зарыл анткени жогорудагы жол начар абалда, бүгүнкү күндө 2024-жылдагы артыкчылыктуу долбоорлордун бири болуп саналат. Кыргыз Республикасынын Өкмөтүнүн 2015-жылдын 21-апрелиндеги №230 токтому менен бекитилген «Долбоорлорду даярдоо жана ишке ашыруу жөнүндө» нускамага ылайык, Кыргыз Республикасынын Бюджеттик кодексинин 3, 13, 33 жана 51-беренелерине ылайык Кыргыз Республикасынын «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Мыйзамынын 39-беренесине ылайык Красная Речка айылдык кеңешинин сессиясы;

токтом кылат:

1. 2024-жылга Ысык-Ата районунун өнүктүрүү фондунан каржылоого сынакка жиберилген артыкчылыктуу долбоор катары Садовая көчөсүн «Ай-Толкун» бала бакчасына чейин асфальт-бетон төшөө үчүн грант аныкталсын.

2. Красная Речка айыл өкмөтүнүн жергиликтүү бюджетинен 2024-жылдын бюджетинде асфальт-бетон төшөө долбоорун каржылоо түрүндө 5 002 428 (беш миллион эки миң төрт жүз жыйырма сегиз) сом акча каражаты каралсын, жергиликтүү бюджеттен 1 300 000 (бир миллион үч жүз миң) сом, Ысык-Ата өнүктүрүү фондунун эсебинен 3 702 428 (үч миллион жети жүз эки миң төрт жүз жыйырма сегиз) сом.

3. Красноречка айыл өкмөтү:

- ушул токтомду белгиленген тартипте каттоодон өткөрсүн;

- ушул токтомдун көчүрмөсүн Кыргыз Республикасынын Ченемдик укуктук актыларынын мамлекеттик реестрине киргизүү үчүн Юстиция Министрлигинин тиешелүү аймактык бөлүмүнө жөнөтүлсүн.

4. Ушул токтом «Жениш-Туусу» - «Знамя победы – Ысык-Ата» коомдук-саясий гезитине жарыялансын жана Министирлер кабинетине караштуу мамлекеттик кызмат жана жергиликтүү өз алдынча башкаруу иштери боюнча мамлекеттик агентигинин mkk.gov.kg сайтына жарыялансын.

5. Ушул токтомдун аткарылышын көзөмөлдөө Красноречка айылдык кеңешинин бюджет боюнча туруктуу комиссиясына жана каржы-экономика бѳлүмүнүн башчысына жүктөлсүн.

6. Ушул токтом кол коюлган күндөн тартып күчүнө кирет.

Төраганын орун басары

Е.С.Попуца