Кант шаардык кеңешинин «»Кант шаардык Кеңеши» мекемесин мамлекеттик кайра каттоодон өткөрүү үчүн Кант шаардык кеңеши жөнүндө убактылуу жобону бекитүү жөнүндө» токтому

КАНТ ШААРДЫК КЕҢЕШИ ТОКТОМ 2-кезексиз сессиясы

2024-жылдын 5-апрели № 2/II-28

"Кант шаардык Кеңеши" мекемесин мамлекеттик кайра каттоодон өткөрүү үчүн Кант шаардык кеңеши жөнүндө убактылуу жобону бекитүү жөнүндө

Кыргыз Республикасынын Президентинин 2023-жылдын 29-декабрындагы №370 “Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө” Жарлыгын, 2024-жылдын 7-февралындагы №24 - “Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө убактылуу жобону” ишке ашыруу максатында Кыргыз Республикасынын Жарандык кодексинин 86-беренесин жетекчиликке алып КАНТ ШААРДЫК КЕҢЕШИ ТОКТОМ КЫЛАТ:

1. Кант шаардык кеңешин жөнүндө убактылуу жобо бекитилсин (тиркелет)

2. “Кант шаардык кеңеши” мекемеси мамлекеттиккайра каттоодон өткөрүлсүн

3. Юридикалык жактын толук аталышы:

- мамлекеттик тилде: «Кант шаардык кеңеши» мекемеси;

- расмий тилде: Учреждение «Кантский городской кенеш»

4. Юридикалык дареги: Кыргыз Республикасы, Чүй облусу, Кант шаары, Московская көчөсү №8;

5. Бул токтом юридикалык жакты мамлекеттик кайра каттоодон өткөрүү үчүн Кыргыз Республикасынын Чүй-Бишкек юстиция башкармалыгына жиберилсин.

6. Токтомдо көрсөтүлгөн маалыматтардын, ошондой эле мамлекеттик кайра каттоо үчүн берилген документтердеги маалыматтардын тууралыгын ырастайм.

7. Бул токтомдун аткарылышын көзөмөлдөө Кант шаардык кеңешинин туруктуу комиссияларына жүктөлсүн.

Төрага

М.Бейшебаев

Кант шаардык кенешинин 2024 жылдын «05» апрелинин №2/II-28 токтомуна тиркеме

Кант шаардык кеңешинин жобосу

1. Жалпы жоболор

1. Кант шаардык кеңешинин ушул, жобосу юридикалык жактарды мамлекеттик каттоо маселелери боюнча ыйгарым укуктуу мамлекеттик органда шаардык кеңешти юридикалык жак катары каттоодо колдонуу үчүн иштелип чыккан жана шаардык кеңештин ишин жөнгө салат.

2. Кант шаардык кеңеш – өз ишин коллегиялык негизде жүзөгө ашырган, пилоттук режимде жүргүзүлүп жаткан административдик-аймактык реформа мезгилинде (бириктирген) айылдык кеңештин 52 депутаттарынан турган Кант шаардык жергиликтүү өз алдынча башкаруусунун өкүлчүлүктүү органы.

3. Кант шаардык кеңеш юридикалык жак болуп саналат, анын Кыргыз Республикасынын Мамлекеттик гербинин сүрөтү түшүрүлгөн мөөрү, белгиленген үлгүдөгү штамптары, фирмалык бланктары жана башка атрибуттары болот.

Шаардык кеңештин расмий аталышы:

- мамлекеттик тилде – “Кант шаардык кеңеши” мекемеси;

- расмий тилде - Учреждение «Кантский городской кеңеш».

Юридикалык дареги: Кыргыз Республикасы, Чүй облусу, Кант шаары, Московская көчөсү 8.

4. Кант шаардык кеңеши өз ишинде Кыргыз Республикасынын Конституциясын, ”Жергиликтүү мамлекеттик администрация жана жергиликтүү өз алдынча башкаруу органдары жөнүндө”, “Жергиликтүү кеңештердин депутаттарынын статусу жөнүндө” Кыргыз Республикасынын Мыйзамдарын жана Кыргыз Республикасынын башка ченемдик укуктук актыларын жетекчиликке алат.

5. Кант шаардык кеңеши Кыргыз Республикасынын мыйзамдарында белгиленген тартипте муниципалитеттер аралык кызматташтыкты жүзөгө ашырат.

2. Кант шаардык кеңештин ишинин укуктук жана уюштуруучулук негиздери

6. Кант шаардык кеңештин ишинин негизги уюштуруучулук-укуктук формасы - сессия болуп саналат. Сессияларды өткөрүүнүн тартиби жана мезгилдүүлүгү “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамы, ошондой эле айылдык кеңештин регламенти менен аныкталат.

7. Кант шаардык кеңештин компетенциясы,кеңештин төрагасын жана анын орун басарын шайлоо жана кызматтан бошотуу тартиби, айылдык кеңештин төрагасынын жана анын орун басарынын укуктары жана милдеттери, айылдык кеңештин ишин уюштуруучулук жактан камсыз кылуу “Жергиликтүү мамлекеттик администрация жана жергиликтүү өз алдынча башкаруу органдары жөнүндө”, “Жергиликтүү кеңештердин депутаттарынын статусу жөнүндө” Кыргыз Республикасынын мыйзамдары жана айылдык кеңештин регламенти менен жөнгө салынат.

Пилоттук режимде администрациялык-аймактык реформаларды жүргүзүү мезгилинде айылдык кеңештин кошумча компетенциялары Кыргыз Республикасынын Президентинин 2024-жылдын 7-февралындагы №24 Жарлыгы менен бекитилген Пилоттук режимде жүргүзүлүп жаткан административдик-аймактык реформанын алкагында жергиликтүү кеңештердин иши жөнүндө Убактылуу жободо аныкталган.

3. Кант шаардык кеңештин чечимдери

8. Кант шаардык кеңештинчечимдери токтом жана буйрук түрүндө чыгарылат, ага айылдык кеңештин төрагасы, ал эми ал жок болгон учурда айылдык кеңештин төрагасынын орун басары кол коет.

9. Кант шаардык кеңештин ченемдик укуктук актылары токтом түрүндө, ал эми башка актылары - буйрук түрүндө кабыл алынат. Кабыл алынган актылар тиешелүү аймакта милдеттүү юридикалык күчкө ээ.

Кант шаардык кеңештин ченемдик укуктук актылары “Кыргыз Республикасынын ченемдик укуктук актылары жөнүндө” Кыргыз Республикасынын Мыйзамында белгиленген тартипте күчүнө кирет. Кант шаардык кеңештин башка актылары, эгерде актынын өзүндө башкача каралбаса, алар кабыл алынган күндөн тартып күчүнө кирет.

10. Кант шаардык кенештин төрагасынын ыйгарым укуктарынын чегинде кабыл алынган чечимдерин айылдык кеңештин төрагасынын буйругу түрүндө жеке өзү кабыл алат. Кант шаардык кеңештин төрагасынын буйруктары, эгерде актылардын өздөрүндө башкасы каралбаса, алар кабыл алынган күндөн тартып күчүнө кирет.

11. Кант шаардык кеңештин чечимдери алар кабыл алынган тартипте жокко чыгарылышы же күчүн жоготту деп табылышы мүмкүн.

4. Кант шаардык кеңештин келтирилген зыян үчүн жоопкерчилик

12. Кант шаардык кеңештин мүлкүнө келтирген зыян үчүн ишканалар (бирикмелер), уюмдар жана мекемелер, жарандар айылдык кеңештин алдында мүлктүк жоопкерчилик тартышат.

13. Кант шаардык кеңештин мыйзамдуу кызыкчылыктары сот тартибинде корголот.

5. Корутунду жоболор

14. Кант шаардык кеңештин ыйгарым укуктарын мөөнөтүнөн мурда токтотуу “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамында каралган учурларда Кыргыз Республикасынын Президентинин Жарлыгы менен ишке ашырылат.

15. Кант шаардык кеңештин мөөнөтүнөн мурда таркатылган учурларда мүлктүн жана документтердин сакталышы үчүн жоопкерчилик айыл өкмөтүнүн башчысына жүктөлөт. Айылдык кеңештин документтери “Кыргыз Республикасынын Улуттук архив фонду жөнүндө” Мыйзамга ылайык сакталат.