8-берене. Аксакалдар сотунун мүчөлөрүнүн укуктары

Аксакалдар сотторунун мүчөлөрү ишин жүзөгө ашырууда төмөнкүлөргө укуктуу:

1) маалыматка жетүү жөнүндө мыйзамдарда каралган тартипте аксакалдар сотторунун кароосунда турган материалдар жагынан зарыл маалыматты мамлекеттик органдардан жана жергиликтүү өз алдынча башкаруу органдарынан, ошондой эле менчигинин түрүнө карабастан башка юридикалык жактардан суратууга жана алууга;

2) аксакалдар сотторунун ишин өркүндөтүү жана аларга моралдык жана материалдык колдоо көрсөтүү боюнча мамлекеттик органдарга жана жергиликтүү өз алдынча башкаруу органдарына сунуштарды киргизүүгө;

3) кызыкчылыктардын кагылышуусу болгон учурда каралып жаткан иш (материалдар) боюнча аксакалдар сотунун айрым мүчөсүн четтетүү жана өзүн четтетүү жөнүндө маселе коюуга;

4) аксакалдар сотунун жыйналышынын катышуучуларына каралып жаткан иш (материал) жагынан суроолорду берүүгө;

5) аксакалдар сотунун регламентинде белгиленген тартипте жана шарттарда каралып жаткан иш (материал) боюнча сөз сүйлөөгө жана сунуш киргизүүгө;

6) аксакалдар сотунун кабыл алынган чечимине макул болбогон учурда, иштин материалдарына тиркөө үчүн өзүнүн өзгөчө пикирин жазуу жүзүндө төрагалык кылуучуга берүүгө;

7) мамлекеттик, ведомстволук, муниципалдык жана башка сыйлыктарга сунушталууга.