1-берене

Кыргыз Республикасынын Кылмыш-жаза процессуалдык кодексине ("Эркин-Тоо" гезити, 2021-жылдын 16-ноябры, № 122-133) төмөнкүдөй өзгөртүүлөр киргизилсин:

1) 5-берененин 57-пункту "тергөөчү" деген сөздөн кийин ", прокурор" деген сөз менен толукталсын;

2) 24-берененин 3-бөлүгү "тергөөчү" деген сөздөн кийин ", прокурор" деген сөз менен толукталсын;

3) 34-берененин 2-бөлүгү төмөнкүдөй мазмундагы 21-пункт менен толукталсын:

"21) кылмыш ишин тергөөнү кошпогондо, сотко чейинки өндүрүштү;";

4) 35-берененин 1-бөлүгүндө:

а) төмөнкүдөй мазмундагы 31-пункт менен толукталсын:

"31) тергөөгө чейинки текшерүүнү баштоого жана (же) жүргүзүүгө;";

б) 5-пункт "тергөөчүлөрдүн тобуна" деген сөздөрдөн кийин "тергөөнү жүргүзүү, ал эми төмөн турган прокурорго тергөөнү уюштуруу үчүн" деген сөздөр менен толукталсын;

в) 19-пункт "тергөөчүнү" деген сөздөн кийин ", төмөн турган прокурорду" деген сөздөр менен толукталсын;

5) 145-берененин 3-бөлүгүндө "Тергөөчү" деген сөз "Тергөөчү, прокурор" деген сөздөргө алмаштырылсын.