Кыргыз Республикасынын Министрлер Кабинетинин (Грек-рим, эркин жана аялдар күрөшү боюнча өспүрүмдөр (U7) жана жаштар (U23) арасында Азия чемпионатына даярдык көрүү жана өткөрүү боюнча уюштуруу комитетинин курамын бекитүү тууралуу) тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН тескемеси 2022-жылдын 30-майы № 291-т Грек-рим, эркин жана аялдар күрөшү боюнча өспүрүмдөр (U7) жана жаштар (U23) арасында Азия чемпионатын сапаттуу жана өз убагында өткөрүү максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Грек-рим, эркин жана аялдар күрөшү боюнча өспүрүмдөр (U7) жана жаштар (U23) арасында Азия чемпионатына (мындан ары - Азия чемпионаты) даярдык көрүү жана өткөрүү боюнча уюштуруу комитетинин курамы тиркемеге ылайык бекитилсин.

2. Уюштуруу комитетинин ишин уюштуруу-техникалык жана башка камсыздоо Кыргыз Республикасынын Маданият, маалымат, спорт жана жаштар саясаты министрлигине жүктөлсүн.

З. Кыргыз Республикасынын Финансы министрлиги Кыргыз Республикасынын Маданият, маалымат, спорт жана жаштар саясаты министрлигине 2022-жылга Азия чемпионатын өткөрүү үчүн каралган финансылык каражаттарды өз убагында бөлүүнү камсыз кылсын.

4. Кыргыз Республикасынын Саламаттык сактоо министрлиги Азия чемпионатынын катышуучуларын медициналык жактан тейлөөнү камсыз кылсын.

5. Кыргыз Республикасынын Ички иштер министрлиги Азия чемпионаты өтүүчү жана анын катышуучулары, ошондой эле расмий адамдары жана ардактуу меймандары жашаган жерлерде коомдук тартипти коргоону жана коопсуздукту камсыз кылуу боюнча зарыл чараларды көрсүн.

6. Кыргыз Республикасынын Тышкы иштер министрлиги, Кыргыз Республикасынын чет өлкөлөрдөгү дипломатиялык өкүлчүлүктөрү жана консулдук мекемелери Кыргыз Республикасынын Маданият, маалымат, спорт жана жаштар саясаты министрлиги тарабынан алдын ала берилген кайрылуунун негизинде консулдук кызмат көрсөтүүлөр үчүн каражат албастан Азия чемпионатына катышкан чет өлкөлүк жарандарга Кыргыз Республикасынын визасын тариздөөгө жана визалык колдоо көрсөтүүгө көмөк көрсөтсүн.

7. Кыргыз Республикасынын Улуттук коопсуздук мамлекеттик комитети Азия чемпионатынын катышуучуларынын, расмий адамдарынын жана ардактуу меймандарынын коопсуздугун камсыз кылуу боюнча өз компетенциясынын алкагында чараларды көрсүн, Азия чемпионатына катышкан чет өлкөлүк жарандардын тиешелүү документтерин макулдашуу боюнча чечимдерди ыкчам тартипте кабыл алсын, аларга Кыргыз Республикасынын Мамлекеттик чек арасынан ыкчам өтүүгө көмөк көрсөтсүн.

8. Кыргыз Республикасынын Маданият, маалымат, спорт жана жаштар саясаты министрлиги:

- ушул тескемеден келип чыгуучу зарыл болгон уюштуруу жана даярдоо чараларын көрсүн;

- "Мамлекеттик сатып алуулар жөнүндө" Кыргыз Республикасынын Мыйзамынын 17-беренесинин 8-пунктуна ылайык мамлекеттик сатып алуулардын жол-жоболорун бир булак ыкмасы боюнча жүзөгө ашырсын.

9. Кыргыз Республикасынын Улуттук телерадиоберүү корпорациясына Азия чемпионатына даярдык көрүүнүн жана аны өткөрүүнүн жүрүшүн кеңири чагылдыруу сунушталсын.

10. "Манас" эл аралык аэропорту" ачык акционердик коомуна ардактуу меймандарды - делегаттарды "Манас-2" аэропортунун расмий делегациялар залы аркылуу тосуп алууну акысыз негизде уюштурууга көмөк көрсөтүү сунушталсын.

11. Ушул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

Кыргыз Республикасынын Министрлер Кабинетинин Төрагасы

А.У.Жапаров

Тиркеме

Грек-рим, эркин жана аялдар күрөшү боюнча өспүрүмдөр (U17) жана жаштар (U23) арасында Азия чемпионатына даярдык көрүү жана өткөрүү боюнча уюштуруу комитетинин КУРАМЫ Кыргыз Республикасынын Министрлер Кабинетинин Төрагасынын биринчи орун басары, уюштуруу комитетинин төрагасы; Кыргыз Республикасынын Маданият, маалымат, спорт жана жаштар саясаты министрлигине караштуу Дене тарбия жана спорт департаментинин директору, уюштуруу комитетинин төрагасынын биринчи орун басары; Кыргыз Республикасынын күрөш федерациясынын президенти, уюштуруу комитетинин төрагасынын орун басары (макулдашуу боюнча). Уюштуруу комитетинин мүчөлөрү: Кыргыз Республикасынын финансы министри; Кыргыз Республикасынын саламаттык сактоо министринин орун басары; Кыргыз Республикасынын ички иштер министринин орун басары; Кыргыз Республикасынын тышкы иштер министринин орун басары; Кыргыз Республикасынын Улуттук коопсуздук мамлекеттик комитетинин төрагасынын орун басары; Бишкек шаарынын вице-мэри (макулдашуу боюнча); Спорттун олимпиадалык түрлөрү боюнча дирекциянын директору; "Манас" эл аралык аэропорту" ачык акционердик коомунун башкармасынын төрагасы (макулдашуу боюнча); Кыргыз Республикасынын Улуттук телерадиоберүү корпорациясынын башкы директору (макулдашуу боюнча).